नेवाः पत्रकार राष्ट्रिय दबू येँ जिल्लां थौं छगु ज्याझ्वः याना हलि नेवाः दबू नेपाः च्याटरयात भिंतुना देछाउगु दु।

पत्रकार दबू येँ जिल्लाया ज्याकुथि वंगु शनिवाः हलि नेवाः दबूया न्हापागु अबिधेशनय् सुरेन्द्रभत्त श्रेष्ठया नेतृत्वय् झीन्याम्हेसिगु ज्यासना पुचः सर्वसम्मत ल्यःगु खः।

पत्रकार दबू येँ जिल्लाया सचिव रत्नकाजी महर्जनं न्ह्याकूगु उगु ज्याझ्वलय् अध्यक्ष अरर्बिन्द्र मान सिं व उपाध्यक्ष प्रबिन प्रजापतिं न्हुगु ज्यासना पुचःयात भिंतुना देछानादीगु खः।

सरकारं वइगु जेठ १ गतेनिसे हप्ताय् निन्हु सार्वजनिक बिदा बिइगु निर्णय याउगु दु।

म्हिगः मङ्गलवाः च्वंगु मन्त्रिपरिषद् बैठकं शनिवाः व आइतवाः निन्हु बिदा बिइगु निर्णय याउगु दु धका सरकारया प्रवक्ता नाप सञ्चार नाप सूचना प्रविधि मन्त्री ज्ञानेन्द्रबहादुर कार्की न जानकारी बिउगु दु।

हप्ताय् निन्हु बिदा बिइ धुका सुथय् साढे ९ बजेनिसे बहनि साढे ५ बजे तक कार्यालय ई कायम याउगु दु धका मन्त्री कार्की न धाउगु दु।

थुगु बिदा परीक्षणया रूपं जुइ धका वयकलं धाउगु दु।

शहरी विकासमन्त्री रामकुमारी झाँक्रीयात निर्वाचन आयोगं स्पष्टीकरण न्यंगु दु। निर्वाचन आचार संहिता लागू जुइ धुका मन्त्री झाँक्रीं अमेरिका भ्रमण वंगु विषय स्पष्टीकरण न्यंगु दु।

‘आचारसंहिता लागू जुइ धुका सरकारी पदाधिकारीपि आयोगया अनुमति मकास्ये विदेश भ्रमणय् वने दइमखु’,आयोग स्रोतं धाउगु दु, ‘वयकः निर्वाचन आयोगयाके अनुमति न काउगु मदु, छु न जानकारी मबिउसे भ्रमणय् वःगु खनेदु।’

मन्त्री झाँक्रीया विषय उजुरी वःगुलि आयोगं अध्ययन याउगु दु। प्रारम्भिक अनुसन्धानय् वयकः विदेश भ्रमण वंगु पुष्टी जुगुलि स्पष्टीकरण न्यंगु दु धका आयोग स्रोतं धाउगु दु।

नेवाः विद्यार्थी युनियनया ग्वसालय् व नेवाः जागरण मंच जापानया ग्वसालय् कवि केशरी चित्तधर हृदयया सच्छि व १७ दँया बुँदिया लसताय् क्याम्पसय् नेपाल भाषा विद्यार्थी गथे याःसा अप्वयेकेफइ चीहा—च्वखँ धेँधेँबल्ला कासा—११४३’ वंगु शनिवाः निसें न्ह्याःगु दु।

युनियनं उगु चीहा—च्वखँ धेँधेँबल्ला कासा—११४३’ कासाय् नेपा देशय् अले हलिन्यंक च्वनानं मां भाय्यात मतिना यानादिइपि सकल सिन्ह २५० स्वया अप्वः  शब्द मछ्योसे च्वखं च्वयाः दिगु भिडियो रिर्कड यानाः नेवाः विद्यार्थी युनियनया नेपालभाषा च्वयातःगु फेसबुक पेजय् अले नेवाः विध्यार्थी युनियनया इमेल आईदिइ च्वखँ वल्र्ड फाइलय् प्रितिर कान्तिपुर फन्टय् ताइप यानातःगु फाइल बाय् पिडिएफ फाइल जेष्ठ ११ गते सनिलय् ५ बजे दुनेतक्क छ्वया ब्वति काये फइगु खँ न्न्ह्यथंगु दु।

अथे हे पद्म कन्या व रत्न राज्यलक्ष्मी क्याम्पसय् नेपाल भाषा विषयया जक कक्षा मजूनियात ध्यानय् ब्वनामिपिनिगु ल्याः अप्वकेत धेँ धेँ बल्ला कासा यानाःगु नेवाः विध्यार्थीया नायः रीदेन महर्जन जानकारी बियादिगु दु।

लच्छि तक्क न्ह्याइगु धेँधेँ बल्ला कासाय् न्हाप जुम्हेसित ८०००, तका ल्यू जुम्हेसित ५००० तका लियाल्यू जुम्हेसित ३००० तका लिसें हपाः सिरपाः न्याम्हेसित ब्यबस्था यानातःगु उगु ज्याझ्वया संयोजन नेवाः जागरण मंच जापानया संयोजक सुनिल कुमार शाक्यं याइगु जानकारी धका महर्जन बियादिगु दु।

गृहमन्त्री बालकृष्ण खाँण बागी उम्मेदवारया मनोनयन लितकायेकेगु निति चितवनया भरतपुरय् वंगु दु।

नेकपा माओवादी केन्द्रया भागय् भरतपुरया मेयर उम्मेदवार वःगुलि नेपाली कांग्रेसया कार्यकर्ता असन्तुष्ट जुगु दु।

असन्तुष्ट पक्षपाखे पूर्वसांसद तक जुयादीम्ह जगन्नाथ पौडलं मेयरय् बागी उम्मेदवारी बिउगु खः। सत्ता गठबन्धनं नेकपा माओवादी केन्द्रया रेनु दाहालयात उम्मेदवार दयकूगु खः।

सत्ता गठबन्धन दुने कांग्रेस कार्यकर्ता बागी उम्मेदवार जुगुलि गृहमन्त्री खाँण असन्तुष्टयात माने यायेगु निति भरतपुर वःगु खः।