लुँया भाः थौं झीन्यासः थहावंगु दु।

नेपाल सुनचाँदी व्यवसायी महासंघया कथं थौं लुँ तोलां ९५ हजार पाँच सय रुपैयाँ कारोबार जुगु दु धका धाउगु दु।

अथेहे थौं वहः तोलां २० रुपैयाँ थहावंगु दु। वहः तोलां तोलां नीतका थहावना १३ सय रुपैयाँ कायम जुगु दु धका महासंघ धाउगु दु।

एमाले न कारबाही यापि १४ म्ह सांसदपि पदमुक्त यायेमाःगु माग याना दर्ता याउगु रिट निवेदनया पेसी थौं आइतबाः तोके याउगु दु।

एमालेया माधवकुमार नेपाल नाप १४ म्ह सांसदपिन्त पाटी न लगे याउगु ह्विप उल्लंघन याउगु द्धपनय् कारबाही याउगु खः। उमित दलं निस्कासित यानागु पौं सभामुख अग्निप्रसाद सापकोटां पदमुक्त मयाउगुलि मुद्दा तःगु खः।

एमाले अध्यक्ष केपी शर्मा ओली व नेकपा एमाले न दर्ता याउगु मुद्दा छकलं पेसीइ तःगु खः। लुम्बिनी प्रदेशया सांसदपिन्त कारबाही याउगु मुद्दा तक छथाय् तःगु खः। थुगु मुद्दाया अन्तरिम आदेश बिउगु धासा मदु।

राष्ट्र उत्थान लघुवित्त वित्तीय संस्थां वंइगु ४ फागुननिसे सर्वसाधारणया लागि साधारण शेयर (आईपीओ) बिक्री खुला याइगु जुगु दु।

कम्पनीं प्रतिकित्ता १०० रुपैयाँया ८ करोड ५० लाख रुपैयाँ बराबरया ८ लाख ५० हजार कित्ता प्रारम्भिक सार्वजनिक निष्कासन (आईपीओ)या बिक्री खुला यायेत्यःगु खः। कम्पनीं निष्कासन याइगु साधारण शेयरया कूल निष्कासन ५ प्रतिशत अर्थात् ४२ हजार ५०० कित्ता सामूहिक लगानी कोषया लागि बाँडफाँट याइगु व जारी पुँजी २६ करोडया ०.५ प्रतिशत अर्थात् १३ हजार कित्ता शेयर कर्मचारीपिन्त सुरक्षित याना बाँकी दुगु ७ लाख ९५ हजार ५०० कित्ता शेयर खरिदया लागि सर्वसाधारणपिन्स वइगु फागुन ४ गतेनिसे आवेदन बिइ फइ धका कम्पनीं जारी याउगु विज्ञप्तिइ उल्लेख याउगु दु।

सर्वसाधारणपिन्स फागुन ८ गतेतक न्यूनतम १० कित्तानिसे अधिकतम १ हजार कित्तातकया लागि आवेदन बिइफइ व उगु इलय् माग जुगु कथं आवेदन मवसा फागुन १८ तक निष्काशन खुला जुइ धका कम्पनीं धाउगु दु।

सरकारं उद्योग वाणिज्य तथा आपूर्ति मन्त्रालयय् सचिव ह्यूउगु दु।

मन्त्रालयया सचिव दिनेश भट्टराईयात प्रधानमन्त्री तथा मन्त्रिपरिषद् कार्यालय सरुवा याउगु दु सा वयागु थासय् गणेश पाण्डेयात हःगु दु।

पाण्डे थ्व स्वया न्ह्यः भूमि व्यवस्था, सहकारी तथा गरिबी निवारण मन्त्रालय सचिव खः। प्रधानमन्त्री कार्यालय थःगु सरुवा जुगु धका सचिव भट्टराई न धाउगु दु।

धनुषाया इनर्वा स्टेशनय् तयातःगु नेपाली रेल थौंनिसे सञ्चालन जुइत्यंगु दु।

भारतया जयनगर जुया जनकपुरधाम–कुर्थातक न्ह्याइगु रेल थौनिसे हाकन जयनगरय् लिहावनेगु जुगु दु। रेल चले जूसा यात्रुपि धासा तयेगु योजना मदु धका नेपाल रेल्वे कम्पनीं धाउगु दु।

थौं सुथय् १० बजे इनर्वा स्टेशनपाखे वइगु रेल १ घण्टां जनकपुरधामय थ्यका व कुर्था वना वना जयनगर लिहावनिइ धका रेल्वे कम्पनीया महाप्रबन्धक निरन्जन झा न जानकारी बिउगु दु। थुगु रेल झीन्हु तक न्ह्याइ धका धाउगु दु।

यात्रुपिन्त तयेगु न्ह्यः रेल बालागु अवस्थाय् दु मदु स्वयेगु लागि थुगु  परीक्षण जुइत्यंगु धका धाउगु दु। थ्व बाहेक अतिक्रमण यानातःगु रेल मार्ग त्वत्येत नाप अनाधिकृत लँ बन्द यायेत, व कर्मचारीपिन्त अभ्यस्त दयकेगु उद्देश्यं रेल गुडे यायेत्यःगु खः। २०७७ असोज २ गते भारतय् न्याना हःगु नेपाली रेल धनुषाया इनर्वा स्टेशनय् तयातःगु खः।