विदेश वनिपि नेपाःपिन्स विदेशी मुद्रा हिलेत बैंक खाता अनिवार्य याउगु दु।

चालु आर्थिक वर्ष २०७९÷८० या लागि नेपाल राष्ट्र बैंकं जारी याउगु मौद्रिक नीतिं अथे व्यवस्था याउगु खः।

नेपाल राष्ट्र बैंकया गभर्नर महाप्रसाद अधिकारीया कथं विप्रेषणयात औपचारिक माध्यमपाखे स्वदेशय् दुकया प्रमाणया आधारय् थी थी सेवा व सुविधा छुट जुइगु व्यवस्थाया लागि तक थुगु दँय् समन्वय याइगु जुगु दु।

विदेशपाखे वइगु विप्रषणया दायरा अप्पोकेत आःया विप्रेषणसम्बन्धी व्यवस्थाय् पुनरावलोकन यायेगु घोषणा तक नेपाल राष्ट्र बैंकं याउगु दु।

सूचना प्रविधि लगायत सेवा निर्यात याना परिवत्र्य विदेशी मुद्रा दुकायेगु ज्याय् प्रोत्साहन यायेत माःगु नीतिगत व्यवस्था यायेगु नेपाल राष्ट्र बैंकं मौद्रिक नीतिपाखे घोषणा याउगु दु।

आः उत्पादनशील क्षेत्र व व्यापारय् वनिपिनिगु लागि कर्जामा बिस्कं बिस्कं हे ब्याजदर कायम याउगु दु।

नेपाल राष्ट्र बैंकं आर्थिक वर्ष २०७९÷८० या मौद्रिक नीतिपाखे थथे प्रावधान याउगु दु। गभर्नर महाप्रसाद अधिकारीं अथे घोषणा याउगु खः।

बैंकपाखे प्रवाह याउगु कर्जाय् तःधःगु ल्याखय् वैदेशिक व्यापारय् वनेगु इलय् जाँदा व्यापार घाटा थहावःगु अवस्थाय् राष्ट्र बैंकं अथे प्रावधान तःगु खः।

नेपाल राष्ट्र बैंकं तःधपि ऋणीपिनिगु कर्जा अनुगमन प्रभावकारी याइगु जुगु दु।

आर्थिक वर्ष २०७९÷८० या मौद्रिक नीति सार्वजनिक यासे नेपाल राष्ट्र बैंकं अथे घोषणा याउगु दु।

उकिया लागि लार्ज एक्सोजर फ्रेम वर्क तयार यासे राष्ट्र बैंकया गर्भनर महाप्रसाद अधिकारीं जानकारी बिउगु खः।

तःधपि ऋणीपिनिगु कर्जा अनुगमन थप प्रभावकारी यायेगु धका धाउगु खः।

नेपाल प्रेस युनियनं निर्वाचनय् उम्मेदवार दर्ताया लागि तोके याना तःगु शुल्क घटे याउगु दु।

निर्वाचन समितिं निर्धारण यानातःगु शुल्क अस्वभाविक जुगु धासे उम्मेदवारपिन्स विरोध यायेवं मनोनयन दस्तुर घटे याउगु दु।

अध्यक्षया उम्मेदवारया लागि २० हजार, मेपि पदाधिकारी नाप लेखा समिति संयोजकय् १० हजार व सदस्यपिन्त ५ हजार कायम यानातःगु धका निर्वाचन समितिया संयोजक एगराज पोखरेलं जानकारी बिउगु दु।

समितिं थ्व स्वया न्ह्यः सार्वजनिक याना तःगु शुल्कय् अध्यक्षया उम्मेदवार जुइत ३० हजार, वरिष्ठ उपाध्यक्ष व महासचिवया लागि २५ हजार, उपाध्यक्ष/उप महासचिव÷सचिव/कोषाध्यक्ष व लेखा समिति संयोजकया लागि २० हजार तोके यानातःगु खः।

लेखा समिति सदस्य व केन्द्रीय सदस्यया उम्मेदवारपिन्त ५ हजार तोके याउगु दु।

सेयर बजाःया परिसूचक नेप्से थौं १ प्रतिशतं स्वया अप्पो कुहावंगु दु। केन्द्रिय बैंकं मौद्रिक नीतिइ थप कडाई याइगु आशंका याना लगानीकर्तापिनिगु मनोविज्ञान कमजोर जुया नेप्से घटे जुगु अनुमान याउगु दु।

शुक्रबाः नेप्से २७.२६ अंक (१.३३ प्रतिशत) कुहावया २०१७.४६ अंकय् बन्द जुगु दु। नेप्से नाप दक्को उपसूचक घटे जुगु दु। व्यापार उपसूचक सर्वाधिक २.४८ प्रतिशतं कुहावंगु दु सा उत्पादनमूलक व मेमेगु उपसूचक २.१४ प्रतिशत व होटल नाप पर्यटन उपसूचक २.१३ प्रतिशतं कुहावंगु दु।

नेप्सेय् २ घण्टा जक जुगु कारोबार जुगुलि १ अर्ब ४४ करोड ३४ लाख कारोबार जुगु दु। उकि मध्ये शिवम् सिमेन्टया जक २१ करोड कारोबार जुगुलि हिमालयन डिस्टिलरीया ६ करोड ८० लाखया कारोबार जुगु दु।

शुक्रबाः १७९ गु कम्पनीया सेयर कारोबार जुगुलि १६४ कम्पनीया सेयर भाः कुहावंगु दु। १४ कम्पनीया सेयर भाः थहावःगु दु सा छगु १ कम्पनीया सेयर भाः धाःसा स्थिर जुगु दु।