नेपाःया लागि अमेरिकी राजदूतय् डिन थम्पसन नियुक्त जुगु दु।

अमेरिकी राष्ट्रपति जो बाइडनं थप्सनयात नेपाःया लागि राजदूत नियुक्त याउगु दु धका ह्वाइट हाउसं धाउगु दु।

थप्सन अमेरिकाया लागि दक्षिण व मध्य एसियाली मामिला व्युरोया उपसहायक सचिव खः।

अमेरिकी नीति व उगु क्षेत्रया देशपिनिगु सम्बन्धबारे स्वयेगु जिम्मा कयातःगु खः।

थम्पसनयाके अमेरिकी कूटनीतिइ २५ दँया अनुभव दु।

उदाय समाजं बियाः वयाच्वंगगु भिक्षु हिरा साहित्य सिरपाः नेपालभाषाया बरिष्ठ साहित्यकार हितकरवीर सिं कसाःयात उदाय् समाजया दँमुँज्याय् लःल्हाःगु दु।

थुगु भिक्षु हिरा साहित्य सिरपाः थौंकन्हय् अमेरिकाय् च्वनादीम्ह साहित्यकार केशरमान ताम्राकारं थः अबु भिक्षु सन ताम्राकार व मां हिरादेवी ताम्राकारया नामं स्वनातःगु खः।

धरानय् जुगु नेवाः देय् दबूया न्ह्यय् क्वःगु अधिवेशनय् देय् दबूया अध्यक्षय् पवित्र बज्राचार्य बिजय जुगु दु ।

बज्राचार्य ३१३ मत हःगु खःसा माइलाबाबु देउलां ६७  मत हःगु खः।

अथेहे महासचिवय् सत्यनारायण डंगोल र्निबिरोध निर्वाचित जुगु खः।

लुँ तोलां थौं १३ सय रुपैयाँ घटे जुगु दु।

नेपाल सुनचाँदी व्यवसायी महासङ्घया कथं लुँ तोलाया ९९ हजार २ सय रुपैया न कारोवार जुगु दु।

अथेहे वहः न झीतका कुहावंगु दु। वहः तोलां न झीतका कुहावया १३ सय ७० रुपैयाँ न कारोबार जुगु दु।