Display Style:
Column Style
इटालीइ कोरोनाया निक्वःगु लहर सुरु जुल
लहानान्युज | कौलाथ्व तृतिया ११४०,कार्तिक ३ सोमवाः
इटालीइ कोरोना भाइरसया सङ्क्रमण हाकन अप्वोया वःगु दु।
सङ्क्रमण अप्वाया वनेवं इटाली सरकारं लकडाउनया विकल्प मालेगु ज्या यासे न्हुगु प्रतिबन्धात्मक नियमया घोषणा याःगु दु। प्रधानमन्त्री जुसेपे कोन्तें हाकन लकडाउनया अवस्था वयेके मबिगु लागि प्रतिबन्धात्मक उपायय् लागू यायेगु धका धाःगु दु।
स्कुलया च्वयेगु कक्षाया विद्यार्थीपिन्त स्कूलय् ई कम यायेगु व फयाफतले छेँय् ने ब्बकेगु व्यवस्था मिले यायेगु, बार व रेस्टुरेन्ट चान्ह्यय् बन्द यायेगु, हुलमुल मयासे खुम्ह अप्वो जम्मा जुइ दइ मखु व स्थानीय सभा सम्मेलन व उत्सव याये दइ मखु।
इटाली लिपागु इलय् लगातार सङ्क्रमितपि अप्वोया वःगु दु। म्हिगः जक छन्हु हे ११७५ म्हेसित सङ्क्रमण पुष्टि जुगु दु। कोरोना भाइरसया महामारीया न्हापागु लहरय् युरोपय् दकलय् अप्वो प्रभावित जूगु देय् इटाली खः। आः कोरोना महामारीया निक्वःगु लहर सुरु जुगु दु।
इटाली नाप युरोपया मेमेगु देशय् न कोरोना सङ्क्रमण अप्वोया वना च्वंगु दु।
अमेरिकाय् कोरोना संक्रमितपि ७९ लाख ६६ हजार स्वया अप्वोल
रमित | कौलाथ्व तृतिया ११४०,कार्तिक ३ सोमवाः
अमेरिकाय् कोरोना संक्रमितपि ७९ लाख ६६ हजार ७२९ म्ह थ्यःगु दु। विश्व स्वास्थ्य संगठनं पिकाःगु लिपागु तथ्याक कथ २४ घण्टाय् ६९ हजार ८३४ म्ह कोरोना संक्रमण पुष्टि जुगु दु धका धाःगु दु।
विश्व स्वास्थ्य संगठनया लिपागु तथ्यांक कथं आःतक २ लाख १७ हजार ७१ म्ह कोरोना संक्रमितपि सी धुकुगु दु धका उल्लेख याःगु दु। वःगु २४ घण्टाया दुने जक कोरोनाया कारण ९९८ म्ह संक्रमितपि सी धुकुगु दु।
वःगु छु दिं निसे हाकन अमेरिकाय् कोरोना संक्रमितपि अप्वोया वना च्वंगु दु। अमेरिका कोरोनाया कारण विश्वय् दकलय् प्रभावित जूगु देय् खः।
भारतय् कोरोनां सीपि १ लाख १४०३१ म्ह थ्यन
रमित | कौलाथ्व तृतिया ११४०,कार्तिक ३ सोमवाः
भारतय् वःगु २४ घण्टाया दुने १०३३ म्ह सी धुकुगु दु। भारतय् कोरोनाया कारण सीपि आःतक १ लाख १४०३१ म्ह थ्यःगु दु।
विश्व स्वास्थ्य संगठनया कथं लिपागु तथ्याक कथं भारतय् वःगु २४ घण्टाया दुने ६१ हजार ८७१ कोरोना संक्रमित थपे जुगु दु।
सगठनया तथ्यांक कथं भारतय् कुल कोरोना संक्रमितपि ७४ लाख ९४ हजार ५५१ म्ह थ्यःगु दु।
भारत विश्वय् दकलय् अप्वो कोरोना संक्रमित जूगु देय् या धलखय् निगुगु थासय् लागु देय् खः।
हलियक कोरोना संक्रमितपि ३ करोड ९५ लाख स्वया अप्वोल
रमित | कौलाथ्व तृतिया ११४०,कार्तिक ३ सोमवाः
कोरोनाया हलियकंस सीपि आःतक ११ लाख ७ हजार स्वया अप्वो जुइ धुकुगु दु।
विश्व स्वास्थ्य संगठनया लिपागु तथ्यांक कथं कोरोनां हलियकं आःतक सीपि ११ लाख ७ हजार ३७४ म्ह थ्यःगु दु।
वःगु २४ घण्टाय् ६०४६ म्ह संक्रमितपि सी धुकुगु दु। उगु हे इलय् ३ लाख ८९ हजार ६८३ म्ह संक्रमितपि थपे जूगु दु।
थ्व नाप आःतक हलियक कोरोना संक्रमितपि ३ करोड ९५ लाख ९६ हजार ८५८ म्ह थ्यःगु दु।
भारतय् कोरोना सक्रमित ७४ लाख स्वया अप्वोल
कौलाथ्व द्धितिया ११४०,कार्तिक २ आइतवाः
भारतय् वःगु २४ घण्टाया दुने ६२ हजार २१२ म्ह कोरोना संक्रमित थपे जूगु दु।
विश्व स्वास्थ्य संगठनया तथ्यांक कथं भारतय् आःतक कोरोना संक्रमितपि ७४ लाख ३२ हजार ६८० म्ह थ्यःगु दु।
भारतय् कोरोना संक्रमणया कारण सीपि १ लाख १२ हजार ९९८म्ह थ्यःगु दु।
विश्व स्वास्थ्य संगठनया तथ्यांक कथ वःगु २४ घण्टा ८३७ म्ह संक्रमितपि मन्त।
