कतारया छगु अदालतं इजरायलया लागि जासुसी याःगु द्धपनय् च्याम्ह भारतीय तय्त मृत्युदण्डया सजाय न्यंकूगु दु । उपि दक्को भारतीय नौसनिकया पूर्वअधिकारीपि खः।

कतारया स्थानीय सञ्चारमाध्यमया कथं उपि वंगु दँया अगष्टय् ज्वना हिरासतय् तयातःगु खः। नकतिनि जक अदालतं उमित मुद्दाय् लिपागु फैसला न्यकूसे मृत्युदण्ड बिइगु न्यकूगु खः। उपि च्याम्ह हे भारतीय कतारया कन्सल्ट्रि कम्पनी अल दहराय् ज्या याना च्वपि खः, कतारी सरकारयात पनडुब्बी जहाज याःगु अधिग्रहण सम्वन्धय् परामर्श बिइगु ज्या याना च्वपि खः। उपि भारतीय नौसेनाय् दुगु इलय् यक्को हे युद्धया कमाण्ड याना च्वपि खः धका भारतीय सञ्चारमाध्यमं धाःगु दु ।

वंगु अक्टोबर १ य् कतारस्थित भारतीय राजदूतं हिरासतय् तयातःगुलि उपि भारतीय तय्थ नापलाःगु खः। कतार सरकारं थुगु मुद्दाबारे सार्वजनिक जानकारी बिःगु धासा मदुुनि । इजरायल प्यालेस्टिाइन युद्ध जुयाच्वंगुलि थुगु फैसलायात तसकं महत्व बिया स्वया च्वंगु दु । कतार प्यालेस्टाइनया विद्रोही समूह हमासनाप दुगु धका मानेयाना च्वंगु दु ।

सरकारं हमासं बन्धक दयकातःपि इजरायली नागरिक तय्त त्वःत्येगु लागि मध्यस्थता याना वयाच्वंगु खः । अथेहे गाजा क्षेत्रय् आत्यावश्यक वस्तु आपूर्ति सुचारु यायेत न कतारं कुतः याना च्वंगु दु ।

अथेहे, भारत सरकारं भारतीय तय्त मृत्युदण्ड बिइगु फैसलां थःपि तसकं स्तब्ध जूगु दु धका धाःगु दु । थुगु मुद्दाया पूर्णपाठ वयेवं सरकारं माःगु पलां छिलेगु जुइ धका विदेश मन्त्रालयं जारी याःगु विज्ञप्तिइ उल्लेख यानातःगु दु ।

विज्ञप्तिइ धयातःगु दु, ‘जिमिसं उमिगु  परिवारया सदस्य तय्त व कानूनी टिमयात स्वापू तयाच्वंनागु दु व दक्को कानूनी विकल्प मालेगु ज्या जुयाच्वंगु दु । जिमिसं थुगु मुद्दायात महत्व बिया न्ह्यने स्वया च्वनागु दु । जिमिसं दक्को कानूनी ग्वाहालिइ निरन्तर याना च्वनागु दु । थुगु विषययात कया कतारी अधिकारीपि नापं सहलह याना च्वंनागु दु ।’

अमेरिकाया ल्युइस्टन सहरय् गोलाबारी जुगुलि १६ म्हेसिगु ज्यान वंगु दु। अथेहे उगु घटनाय् ५० म्ह स्वया अप्पो घाःपाः जुगु अनुमान याःगु दु ।

स्थानीय प्रहरीं बन्दुकधारीत आः न चाःहिला च्वंगु दु धका चेतावनी बिःगु दु। प्रहरीं थः च्वंगु थासं मेथाय् मवसे अन हे सुरक्षित जुयाच्वने इनाप याःगु दु।

थाय् थासय् जुयाच्व.गु गोलाबारीया अनुसन्धान जुयाच्वंगु दु धका धासे प्रहरीं सावधान याकाच्वंगु धका बीबीसीं धाःगु दु।

सुरक्षा परिषद् बैठकय् संयुक्त राष्ट्रसंघया महासचिव एन्टोनियो गुटेरेसं बिःगु अभिव्यक्ति लिपा इजरायल आक्रामक जूगु दु।

इजरायल–गाजा युद्धबारे छलफल याय्त मंगलवाः चान्ह्यः जुगु न्यूयोर्कय् च्वंगु सुरक्षा परिषद् बैठकय् राष्ट्रसंघया प्रमुख गुटेरेसं हमासं इजरायलयात याःगु आक्रमणया बदला प्यालेस्टाइनी नागरिकयात सजाय बिःगु औचित्य पुष्टि मजूगु धका धाःगु खः ।

वया लिपा इजरायली अधिकारी तय्सं संयुक्त राष्ट्रसंघया पदाधिकारी तय्थ भिसा बिइ मखु धका धाःगु दु। संयुक्त राष्ट्रया महासचिव गुटेरेसं ७ अक्टोबरय् १,४०० स्वया अप्पा् मनू स्यागू हमासया आक्रमण ‘खाली थासय्’ मजूगु धका धासे इजरायलं ‘५६ दँ निसे कब्जा यानातःगु’ प्यालेस्टाइनी तय्गु जमिन खः धका धाःगु खः।

महासचिव गुटेरेसया उगु धापूयात कया तं चायां इजरायली विदेशमन्त्री एली कोहेनं ‘थज्यागु नरसंहारया छु कारण दइ मखु’ धका प्रतिक्रिया बिःगु खः । ‘गज्यागु संसारय् च्वनिइगु खः’ इजरायली विदेशमन्त्री कोहेलनं गुटेरेसयात न्ह्यसः तःगु खः। वयकलं संयुक्त राष्ट्रसंघ प्रमुख गुटेरेसयात नापलायेगु तक रद्द यायेगु धम्की बिःगु खः।

थ्व नापं इजरायलं संयुक्त राष्ट्रसंघया अधिकारी तय्र्थ  भिसा बिइ मखु धका धाःगु दु। राष्टसंघया लागि इजरायलया प्रतिनिधि एर्डनं छगू इजरायली रेडियोयात मानवअधिकार सम्बन्धी मामिलाया उप–महासचिव मार्टिन ग्रिफिथ्सयात न्हापा हे भिसा बिइत अस्वीकार याये धुकुगु धका धाःगु दु।

सार्वजनिक मञ्चय् खनेमदुगु निला लिपा चीनं रक्षामन्त्री ली साङ्फुयात औपचारिक कथं बर्खास्त याःगु दु । छाय् चिइकूगु धाःसा सिइ मदुनि । चीनं न्हुम्ह रक्षामन्त्री धाःसा घोषणा याःगु मदुनि ।

सी चिनफिङया मन्त्रिपरिषद सदस्य विदेशमन्त्री क्विन ग्याङयात वंगु जुलाईपाखे बर्खास्त याःगु खः । वयात बर्खास्त याये धुका उच्च सैन्य अधिकारी तयेत न चिइकूगु दु व आः रक्षामन्त्री न बर्खास्त यायेगु धलखय् दु धका बीबीसीं धाःगु दु।

चीनया शीर्ष विधायक तय्सं न वयात चिइकेगु निर्णय नेशनल पिपुल्स कंग्रेसया स्थायी समितिं याःगु दु धका चीनया सीसीटीभीया रिपोर्टय् दु । थुगु वाःपाखे बेइजिङय् विदेशी रक्षा अधिकारी तय्त चीनं लसकुस यायेत तयारी यायेत्यःगु दु ।

उगु इलय् हे रक्षामन्त्री औपचारिक चिइकूगु दु । रोयटर्सं वंगु महिनाया रिपोर्ट कथं रक्षामन्त्री उपकरण खरिद व विकाससम्बन्धी संदिग्ध भ्रष्टाचार याःगु अनुसन्धानय् सालाकाःगु खः ।

मानसपटलय् वइ । तुइकं थिइगु पाल आकारया पलिइ तयातःगु सिड्नी ओपेरा हाउस । सन् १९७३ य् सिड्नी ओपेरा हाउसया उलेज्या याःगु खः ।

‘मल्टी—भेन्यु’ प्रदर्शन कला केन्द्रं म्हसिका दुगु थुगु भवन आः ५० दँ दुगु दु । सन् १९७३ अक्टोबर २० य् मदुम्ह महारानी एलिजाबेथ द्वितीयपाखे भवनया तःजिक उलेज्या जुगु खः ।

उगु भवन हलिमयय् दकलय् अप्पो किपा काइगु भवन मध्येय् छगु खः । युनेस्कोया विश्व सम्पदा धलखय् न दुथ्याका तःगु दु । भवनया २० गु शताब्दीइ उत्कृष्ट वास्तुशिल्प कार्यसमेत धयातःगु दु ।

उकिया डिजाइन डेनिस वास्तुकार जोर्न उट्जोनं याःगु खः ।