अमेरिकाया जर्जिया राज्यय् छगु ब्बनेकुथिइ गोली चले जूया प्यम्हेसिगु ज्यान वंगु दु।अथेहे गुम्ह घाःपाः जूगु दु। गोली चले जुगुलि निम्ह शिक्षक व निम्ह विद्यार्थीया ज्यान वंगु दु सा च्याम्ह विद्यार्थी व छम्ह शिक्षक घाःपाः जूगु दु।

एटलान्टाया ८० किलोमिटर उत्तरपूर्वय् च्वंगु ब्यारो काउन्टीया अपलाची हाई स्कूलय् यःयः थे अन्धाधुन्द गोली चले जुगु धका बीबीसीं धाःगु दु।गोली चले यागु द्धपनय् प्रहरीं १४ दँ दुम्ह मचायात ज्वंगु दु।

उम्ह मचा उगु हे ब्बने कुथिइ ब्बनाच्वम्ह धका प्रहरीं धाःगु दु। थ्व नाप अमेरिकाया ब्बनेकुथिइ गोली चले जूगु ४५ क्वःगु घटना खः धका धाःगु दु।

आक्रमण युक्रेनया पोल्टाभाय् रुसं लिपागु इलय् मिसाइल याःगुलि म्होति न ५१ म्हेसिगु ज्यान वंगु दु। सीपि छु भचा सैनिक तक जुगु धका युक्रेनया रक्षा मन्त्रालयं धाःगु दु।

आक्रमणय् २ सय ७१ म्ह घाःपाः जुगु विवरण यूक्रेनया रक्षा मन्त्रालयं सार्वजनिक याःगु दु। अन सैन्य तालिम केन्द्र व नाप च्वंगु अस्पतालय् आक्रमण जुगु खः।

उद्धार टोलीं २५ म्हेसित उद्धार याःगु दु सा उकिइ मध्ये ११ म्हेसित भग्नावशेषं पिकागु दु धकाः धाःगु दु।युक्रेनया राष्ट्रपति भोलोदिमिर जेलेन्स्कीं रुसी आक्रमणया छु न प्रतिक्रिया बिःगु मदुनि। तर रुसं आक्रमणया बार छु न खँ ल्ह्वःगु मदुनि धका बीबीसीं धाःगु दु।

पोल्टाभा शहर युक्रेनया राजधानी किएभं झन्डै ३ सय ५० किलोमिटर दक्षिणपूर्वय् लाः। रुसया सीमा नाप दुगु थुगु शहर किएभ व युक्रेनया निगुगु तधःगु शहर खार्किभ दथुइ मू राजमार्ग व रेलमार्गय् लाः।

युक्रेनया राष्ट्रपति जेलेन्स्कीं रुसलिसेया युद्ध क्वचाःकेगु योजना अमेरिकाया राष्ट्रपति न्ह्यःने न्ह्यब्वइगु जूगु दु।

युक्रेनया राष्ट्रपति भोलोदिमिर जेलेन्स्कीं रुसलिसेया युद्ध क्वचायेकेगु योजना अमेरिकाया राष्ट्रपति जो बिडेनयात वार्तापाखें न्ह्यब्वयेगु धयादीगु दु।

निदँ स्वयां अप्वः ईनिसें जुयाच्वंगु युक्रेन–रुस युद्ध वार्तापाखें जक क्वचायेके फइगु दाबी यासें राष्ट्रपति जेलेन्स्कीं थःगु योजनाया बारे बिडेन व मेपिं निम्ह उम्मेदवारयात नं जानकारी बीगु धयादीगु दु।

थुकिया निंतिं जेलेन्स्कीया कथं युक्रेन बल्लाःगु स्थितिइ दयेमाः। युक्रेनं स्ववाः न्ह्यः रुसया कुस्र्क क्षेत्रय् आक्रमण याना १ हजार वर्ग किलोमिटर रुसी भूभाग कब्जा याःगु नं युद्ध क्वचायेकगु योजनाया छगू ब्व जूगु दाबी याःगु दु। तर आर्थिक व कूटनीतिक गतिविधिइ नं लिच्वः लाकीगु जूगुलिं युक्रेनयात थ्व योजनायात न्ह्यःने यंकेगुलि समस्या जूगु समाचार संस्था रोयटर्सं धाःगु दु।

रुसयात जबरजस्ती युद्ध क्वचायकेगु छुं नं योजना ताः मलायेवं आः वार्तापाखें युद्ध क्वचायकेगु योजना दूगु जेलेन्स्कीं धाःगु दु। जेलेन्स्की वइगु सेप्टेम्बरय् न्यूयोर्कय् जुइगु संयुक्त राष्ट्र संघया महासभाय् ब्वति कायेत व बिडेनलिसे नापलायेत अमेरिका वनेगु तयारी यानाच्वंगु दु।

रुसया प्रतिनिधित नं अन्तर्राष्ट्रिय शान्ति शिखर सम्मेलनय् थें महासभाय् ब्बति कायेगु निति वइगु आशा यानागु वय्कलं धयादिल। थ्वसिबें न्ह्यः स्वीट्जरल्यान्डय् कीव शान्ति वार्ताया नितिं न्हापांगु शिखर वार्ता जूगु खः।भूमि विवाद तच्वयेधुंकाः रुसं २०२२ फेब्रुअरी २४ कुन्हु युक्रेनय् आक्रमण याःगु खः।

जर्मनीइ छम्ह मनूख यःयःथे छुरा प्रहार यायेवं स्वम्हेसिगु ज्यान वंगु दु। अथे हे प्यम्ह घाःपा जूगु दु।

पश्चिमी जर्मनीया औद्योगिक शहर सोलिन्जेन स्थापना जूगु ५ सय ५० दँया ज्याझ्वलय् उगु घटना जूगु खः। आक्रमणकारी आः तक बिस्यू वनाच्वंगु दु। बिल्ड वेबसाइटया कथं छम्ह मनूखं न्यासि वनाच्वपिन्त अथे छुरा क्यकूगु खः।

प्रहरीं आक्रमणकारीयात माला च्वंगु दु। प्रहरीं ४० गः सामरिक गाडी छ्यला उम्ह मनूयात मालेगु ज्या यानाच्वंगु दु। आक्रमणकारी सूलाच्वंगु शङ्काय् प्रहरीं फ्रोनहोफ बजारय् घेरा तःगु दु। अधिकारीं सर्वसाधारणतय्त छेँ त्वःता बिस्यु वनेत इनाप याःगु दु।

अन सतक अवरुद्ध जुयाच्वंगु दु। सोलिन्जेनया मेयर टिम कुर्जबाचं थःपवत धःगु आतङ्क व दुःखय् लानाच्वंगु दु धका धयादीगु खः।दक्को मिले जूया शहरया दँमुज्या हना च्वनागु इलय् थज्यागु दुःख फयेमाःगु दु धका धयादीगु खः।

स्वन्हु तक उत्सव कथं हनेगु तयारी दुगु व न्हि २५ हजार म्ह महोत्सवय् ब्बति काइगु भलसा कयातःगु खः। उगु घटना दक्को ज्याझ्वः स्थगित जूगु दु।

राष्ट्रपतिया निति स्वतन्त्र उम्मेदवार रोबर्ट एफ केनेडी जुनियरं उम्मेदवारी लितकाःगु दु।

केनेडी जुनियरं अमेरिकाया एरिजोनाय् जूगु चुनावी ¥यालीयात सम्बोधन यायेगु झ्वलय् थःगु उम्मेदवारी लित कयागु व थःम्हेसिया ट्रम्पयात समर्थन यानागु धका घोषणा याःगु दु धका बीबीसीं धाःगु दु।उगु ¥यालीइ केनेडी व ट्रम्प निम्हेसिया न सम्बोधन याःगु खः।

केनेडी जुनियर अमेरिकी सिनेटर रोबर्ट एफ केनेडीया काय् व पूर्व राष्ट्रपति जोन एफ केनेडीया काय्ता खः।