श्रीलंकाय् राष्ट्रपति निर्वाचनया मतगणना जुयाच्वंगु दु। आःतक वःगु लिच्वलय् वामपन्थी नेता अनुरा दिसानायकें न्ह्यने लानाच्वंगु दु।

श्रीलंकाया निर्वाचन आयोगया कथं १० लाख मतगणना लिपा डिसानायकें ५० प्रतिशत मत हये धुकुगु दु। राष्ट्रपति निर्वाचित जुइत ५१ प्रतिशत मत कायेवं हे गाः। डिसानायके राष्ट्रिय जनसत्ता गठबन्धनया उम्मेदवार खः। वय्कःया जनमुक्ति मोर्चा पार्टी नं थ्व गठबन्धनय् दुथ्याः।

दिसानायके धुंकाः निगूगु थासय् साजित प्रेमादासया पार्टी २० प्रतिशत व स्वंगूगु थासय् वर्तमान राष्ट्रपति रानिल विक्रमसिंघे १८ प्रतिशत मत हःगु दु पूर्वराष्ट्रपति गोटाबाया राजपक्षेया काय् नमल राजपक्षें १ प्रतिशत जक मत काःगु खः।श्रीलंकाया राष्ट्रपतिया नितिं ३८ म्ह उम्मेदवारतय् प्रतिस्पर्धा जुयाच्वंगु दु।

न्हूम्ह राष्ट्रपति ल्ययेगु नितिं शनिवाः मतदान जूगु खः। बीबीसीया कथं निर्वाचनय् ७० प्रतिशत मतदान जूगु खः।

गाजापट्टीया दक्षिणी क्षेत्र खान युनिसय् शनिवाः न्हिनय् छम्ह प्यालेस्टिनी मचायात कुपोषण व उपचारया अभावं सीउगु  दु।

थ्व नाप कुपोषणं सीपि मस्ततयेगु ल्याः ३७ म्ह थ्यःगु दु। चिकित्सा स्रोत प्यालेस्टिनी समाचार समिति (वाफा) यात कुपोषण व नसाँ आपूर्तिया अभावं मस्त सीउगु दु धका धाःगु दु। गाजाय् ५० हजार स्वया अप्पो मस्ततय्त गम्भीर कुपोषणं ग्रस्त जुयाच्वंगु दु धका युनिसेफं घोषणा याःगु दु।

संयुक्त राष्ट्रं गाजापट्टीइ मानवीय अवस्था दयनीय दु धका चेतावनी बिउगु दु। गाजापट्टी च्वना च्वपिन्स अक्टोबर ७ निसे जुयाच्वंगु विनाशकारी इजरायली युद्धया कारणं अभूतपूर्व मानवीय व स्वास्थ्य सङ्कटया सामना यायेमाला च्वंगु दु।

फ्रान्सय् दक्षिणपन्थी नेता मिशेल बार्नियर प्रधानमन्त्री नियुक्त जुइवं प्रदर्शन तच्वःगु दु। म्हिगः फ्रान्सया राजधानी पेरिस, नाइस व लेमन लगायत देय्या थीथी शहरय् बार्नियरया नियुक्तिविरुद्ध द्धलं द्धः नागरिक तय्स प्रदर्शन यागु दु धका बीबीसीं धाःगु दु।

आन्तरिक मन्त्रालयं म्हिगः देयन्यक १ लाख १० हजार म्हेसिया विरोध प्रदर्शन याःगु दु धका धाःगु दु। थौ न देयन्यक सच्छिगु मल्याक थीथी थासय् प्रदर्शन यायेगु तयारी दु धका धाःगु दु। प्रदर्शनया मू ग्वसाः खलः फ्रान्सेली ट्रेड युनियन व वामपन्थी दल तय्स यायेत्यःगु खः।

राष्ट्रपति इमानुएल म्याक्रोनं वाम दलया उम्मेदवारयात प्रधानमन्त्रीइ समर्थन मयावं वयकःया बिरुद्ध प्रदर्शन जुयाच्वंगु खः। प्रदर्शन तःच्वयेवं प्रधानमन्त्री मिशेल बार्नियरं सरकार गठन यायेत थः वामपन्थी नाप मेमेगु दल नाप खँ ल्हाय्त तयार दु धका धाःगु दु। फ्रान्सय् जूगु चुनावय् बामपन्थी दलं दकलय् अप्पो सिट हःगु खः।

तर दक्षिणपन्थी नेता बार्नियर प्रधानमन्त्री जुइवं यक्कोसिया मयमूगु खः।

अमेरिकी रोजगारीया अवसर अप्पो च्वंगु इलय् व भर्नां अगस्टय् काःगु सरकारी तथ्याङ्कं क्यःगु दु। रोजगारीया अवसर थहावःगुलि व भर्नाय् क्यःगुलि अप्पो बेरोजगार दर कुहावःगु तथ्याङ्कं क्यःगु खः।

हलिमय दकलय् अप्पो तधःगु अर्थतन्त्र दुगु चीनं वंगु महिना १ लाख ४२ हजार रोजगारी सिर्जना याउगुलि जुलाईलय् थुगु ल्याः ८९ हजारय् सीमित जुगु खने दु।

श्रम विभागया कथं बेरोजगारीइ भचा अर्थात् ०.१ प्रतिशतं म्हाृ जुया ४.२ प्रतिशत कायम जूगु दु।

अमेरिकां रुसया सरकारी मिडियाया अधिकारीतय्त प्रतिबन्ध तःगु दु। राष्ट्रपति चुनावय् स्यकेत स्वगू द्धपनय् अमेरिकां रुसी मिडियाया झीम्ह अधिकारीतय्त प्रतिबन्ध तःगु दु।

बीबीसीया कथं अमेरिकाया राष्ट्रपति चुनावय् प्रभावित यायेत स्वंगु अभियान हे न्ह्याकूलि रुसयात प्रतिबन्ध तःगू खः।रुसया सरकारी मिडिया आरटी (साविकया रसियन टुडे) य् रुसया सन्देश प्रवाह यायेगु निति टेनेसीया छगु फर्मयात छगू करोड डलर बिउगु द्धपः बिउगु खः।प्रतिबन्ध तःगु झीगु मध्ये आरटीया प्रमुख मार्गरिटा सिमोन्यानया नां तक दुथ्याःगु दु।

आरटीं धाःसा अमेरिकाया द्धःप बिउगुलि खण्डन याःगु दु। अमेरिकाय् थ्व हे नोभेम्बरय् राष्ट्रपति निर्वाचन जुइत्यःगु खः। निर्वाचनय् डोनाल्ड ट्रम्प व कमला ह्यारिस उम्मेदवार जुयाच्वंगु दु।

अमेरिकां न्यायाधिवक्ता मेरिक गारल्याण्डं रुसं अमेरिकाया राष्ट्रपति निर्वाचनया लिच्वः थः याःगु अनुकुल जुइगु कथं चाहे जुइगु द्धपः बिउगु खः।