• Read more about add

निजी ख्यलं दयकूगु न्हापागु संकिपा ‘माइतीघर’ या अभिनेता सीपी (चिदम्बरप्रसाद) लोहनी मन्त।

वयकः ८६ दँय् उपचार यायेगु झ्वलय् अन्नपूर्ण न्युरो अस्पतालय् मदुगु खः। अभिनेता लोहनी पार्किन्सन व अल्जाइमर ल्वचं पीडित जुयाच्वंम्ह खः।

सीपी लोहनी भारतीय अभिनेत्री माला सिन्हाया भात खः।वयकःया छम्ह म्ह्याय् न दी।

सङ्गीत ख्यलय् विशिष्ट योगदान याना वयाच्वपि स्रष्टापिन्त बियावयाच्वंगु छिन्नलता म्येया सिरपा व सम्मानया घोषणा याःगु दु। छिन्नलता गीत पुरस्कार गुठीया अध्यक्ष प्राडा वासुदेव त्रिपाठीया कथं गुठीया साधारण सभां २०७९ व २०८० सालया छिन्नलता गीत पुरस्कार व सम्मान घोषणा याःगु खः।

२०७९ सालया लागि छिन्नलता गीत पुरस्कार भूषण खरेल (गीत रचना), मनराजा नकर्मी (सङ्गीत) व शिव परियार (गायन) यात लःल्हाइगु जुगु दु। अथेहे युवा प्रतिभा पुरस्कार मेनुका पौडेलयात बिइगु जुगु दु।

२०८० सालया पुरस्कार वीरेन्द्र पाठक (गीत रचना), चण्डी काफ्ले (सङ्गीत) व मनिला सोताङ (गायन) यात लःल्हाइगु धका गुठीं धाःगु दु। लोकप्रिय युवा प्रतिभा पुरस्कार भुपु पाण्डेयात बिइगु जुगु दु।

दक्षिण भारतीय सुपरस्टार रामचरणयात चेन्नईया वेल्स विश्वविद्यालयं मानार्थ विद्यावारिधि लःल्हागु दु।

सामाजिक सञ्जालय् तस्वीर सेयर यासे अभिनेतां अथे जानकारी बियादीगु खः। दीक्षान्त समारोहय् रामचरण न मूपाहाँ कथं ब्बति काःगु खः।

फिल्म उद्योगय् बिःगु योगदानया लागि वेल्स विश्वविद्यालयं रामचरणयात हःगु खः।

तस्वीर सेयर यासे रामचरणं च्वंगु दु, ‘वेल्स विश्वविद्यालयपाखे मानार्थ विद्यावारिधिया उपाधि काये दया थः तसक लय्तागु दु। जि चेन्नईया जनता व जिगु यात्राय् सहभागी जूपि सकसित सुभाय् दु। यक्को म्हगस दु व उपलब्धि पूरा याये ल्यःदनिइ।’

नेपाल चलचित्र सङ्घया अध्यक्षय् नरेन्द्र महर्जन निर्वाचित जूगु दु।

अथेहे दुजलय् करण श्रेष्ठ, गोपालकाजी कायस्थ, देवेन्द्र खड्गी, गोविन्द शाही, प्रज्वल राणा, ओमप्रकाश जैसी, आशिष तामाङ, छविराज ओझा, कपिलप्रसाद द्धा, दिप्रश शाक्य, नीरज गुप्ता, राजकुमार श्रेष्ठ व सुरेन्द्र थापापि निर्वाचित जूगु दु।

उपाध्यक्ष, महासचिव, कोषाध्यक्ष लगायतया पदय् न्हुगु कार्यसमितिया बैठकं विधान कथं मनोनीत याइ धका अध्यक्ष महर्जनं धयादीगु दु।