यशराज फिल्म्सया जासूस ब्रह्माण्ड ‘पठान’ य् शाहरुख खान वंगु दँय् एक्सन संकिपापाखे वःगु खः। सिद्धार्थ आनन्द निर्देशन याःगु उगु संकिपा वंगु दँय् यक्को कमे याःगु खः।

संकटय् लानाच्वंगु बलिउडयात तक उद्दार याःगु खः। शाहरुखनाप दीपिका पादुकोण व जोन अब्राहमया शीर्ष भूमिकाय् दुगु उगु संकिपा नं ‘बाहुबली २’ या कलेक्सनयात तक लिउने लाकूगु खः।

भविष्यय् तक सिक्वेल दयकेगु लँ तक ‘पठान’या न्हापागु ब्बः क्वचाःगु खः। ‘पठान’ स्पाइ युनिभर्सय् दकलय् अप्पो ५४० करोड कमे याःगु संकिपा खः। उगुु संकिपा न हलियकं १ हजार करोड भारु कमे याःगु खः।

ल्वकंह्वाम्ह निर्देशक पवन जोशीं च्वयादिगु म्यें अय्लाः लूवःम्ह मय्जु... रेकर्ड क्वचागु दु।

उगु म्येया वाजं ग्वसाः अनिल तुलाधर खःसा काराओके म्यें हालामि गोपाल महर्जनं सः वियादीगु खः। रेकर्ड मिक्सिङ व माष्टरिङया ज्या आभाष जोशी यानादीगु खः।

पवन जोशीं यक्को नेवाः व खस म्येया निर्देशक यानादीगु धुकुम्ह खःसा गोपाल महर्जनया थ्व न्हापागु म्ये खः।

क्रिस्टोफर नोलनं निर्देशित ’ओपनहाइमर’ नं थुग दँय् ओस्कर मनोनयनय् वर्चश्व कायम याःगु दु । १३ गु विधाय् मनोनित जूसे थुगु संकिपातं मनोनयनय् थःगु सर्वोच्च थाय् कायम याःगु दु।

अथेहे, इमा स्टोन अभिनित फ्यान्टसी विधाय् फिल्म ’पोर थिङ्गस’ न ११ व मार्टिन स्कोर्सिसया ’किलर्स अफ फ्लावर मुन’ न ओस्कर मनोनयनय् १० गु विधा मनोनयन जुइत ताः लागु खः।

बक्स अफिसय् ब्लकबस्टर ग्रेटा गेर्विकयया ’बार्वी’ न धाःसा च्यागु थासय् कब्जा याःगु दु। उत्कृष्ट संकिपाया विधाय् संकिपा नापं ’अमेरिकन फिक्सन’, ’एनाटोमी अफ अ फल’, ’द हल्डोभर्स’, ’माइस्ट्रो’, ’पास्ट लाइभ्स’ व ’द जोन अफ इन्टरेस्ट’ न प्रतिस्पर्धा याःगु दु।

गोल्डेन ग्लोब त्याकूम्ह अभिनेत्री लिली ग्ल्याडस्टोनं उत्कृष्ट अभिनेत्रीया मनोनयनय् लाःम्ह न्हापागु आदिवासी अभिनेत्रीया इतिहास दयकूगु दु। मार्च १० य् जुइगु संकिपा ख्यलय् दकलय् प्रतिष्ठितमध्ये ओस्कर ज्याझ्वः जिम्मी किमेलं संचालन याइगु जुगु दु।

पप संगीतया जुजु कथं म्हसिउम्ह माइकल ज्याक्सबारेया बायोपिक फिल्म तयार जुयाच्वंगु दु । थ्व हे वइगु सन् २०२५ य् थुगु संकिपा प्रदर्शन जुइगु तिथि घोषणा जूगु दु।

गायननाप थःगु सिग्नेचर डान्स स्टेपया कारण प्रसिद्ध ज्याक्सन म्हसिउगु याः। लायन्सगेटं थुगु संकिपायात उत्तर अमेरिका व युनिभर्सलं अन्तर्राष्ट्रिय बजारय् रिलिज यायेत्यःगु दु। जनवरी २२ निसे थुगु संकिपा निर्माण सुरु जुइगु भेराइटी म्यागजिनं उल्लेख याःगु दु।

चर्चित संकिपा ‘बोहिम्यान ¥याप्सोडी’ फेम्ड रचनाकार ग्राहम किङ तक दुथ्याःगु थुगु संकिपा १८ अप्रिल २०२५ य् प्रदर्शनमा जुुइगु दु। माइकल ज्याक्सनया काय्चा जाफर ज्याक्सन न डेब्यु मुख्य भूमिकाय् अभिनय यायेत्यःगु थुगु संकिपाताय् एन्टोइन फुकां निर्देशन यायेत्यःगु खः।

‘थुगु संकिपा बायोपिक जक मखु, माइकल ज्याक्सनया कलात्मक क्रान्तिया लागि थ्व जीवित दसु खः,’ आधिकारिक सारांशय् धयातःगु दु।

गोल्डेन भ्वाईस अफ नेपाल कथं म्हस्यूम्ह प्रेमध्वज प्रधान व प्रतिमा राजभण्डारीया “छन्त छु जुल” बोलया म्ये यात कया दयेकातःगु म्युजिक भिडियो म्हिगः छगू ज्याझ्वः दथुइ पितब्वज्या जूग दु। थुगु म्येया रचना नांजाम्ह म्ये च्वमि निर्मलरत्न शाक्यं यानादीगु खःसा वयकलं हे लसय् हनादीगु खः।

थ्व म्येया निंतिं सुमन कपालिं बाजं ग्वसाः ग्वयादीगु खः। विश्वास बज्राचार्यया निर्देशनय् लुजः सिंहं छायाँकन यानादीगु खःसा कर्मा व शोभा महर्जनं अभिनय यानादीगु खः। ख्यालिजुजु मदनकृष्ण श्रेष्ठ मूपाहाँ कथं झायादीगु उगु ज्याझ्वलय् वयकलं त्वाः देवाय् मतच्याका उलेज्या यानादीगु खः। वयकलं नुगःखँ तयेगु झ्वलय् गीतसंगीतया जादू वर्णन यानां याये फइगु मखुगु धका खँ न्ह्यथंसे गीतसंगीतं हे थःयात जीवनय् उर्जा बिया च्वंगु दु धका धयादिल।

अथेहेतुं वयकलं म्ये च्वमि व लय् चिनामि शाक्यया कलाकारिताया प्रशंसा यानादिसे थःगु परिवारया निंतिं नं शाक्यपाखें म्ये सृजना जुइगु आश नं प्वंकादिल । ज्याझ्वलय् विशेष अतिथि सिनेकःमि एवं साहित्य अन्वेषक प्रकाश सायमिं भिडियो दुने छ्यलातःगु प्रविधीया प्रसंशा यानादिसे थुके नुगः मस्यासे खर्च यानातःगुलिं भिडियो तसकं स्वयेबहः जू धका धयादिल।

नेपालभाषाया न्हांपाम्ह म्युजिक भिडियो निर्देेशक विजयरत्न असंबरें उगु भिडियोया निर्देशन व कलाकारिता पक्ष बाँलाना च्वंगुलिं म्येयात अझ बाँलाका बिउगु दु धका धयादिल । ज्याझ्वलय् संगीतकार मनराजा नकःमि, म्येहालामि प्रतिमा राजभण्डारी व म्युजिक भिडियो निर्देशक विश्वास बज्राचार्य लगायत सभानायः जुयादीम्ह म्येच्वमि व लय् चिनामि निर्मलरत्न शाक्यं उगु म्येबारे थःथःगु नुगःखँ तयादीगु खः।