Display Style:
Column Style
लोकगायक प्रेमराजा महत कोरोनामुक्त
लहनान्युज | ञंलाथ्व १२ ११४०,भाद्र १४ आइतवाः
मेरिल्याण्ड व पेनसेलभेनियाया लागि महावाणिज्यदूत तथा वरिष्ठ लोकगायक प्रेमराजा महत व वया तिरिमय्जु कविता महत कोरोनापाखे मुक्त जुगु दु ।
वःगु अगस्त ७ य् महतं थःत व तिरिमय्जुयात कोरोना संक्रमण जुगु धका सामाजिक सञ्जालपाखे जानकारी बिःगु खः । महतं अगस्त २८ शुक्रवाः कोरोनामुक्त जुगु जानकारी फेसबुकमार्फत्
हे बःगु खः ।
कोरोना संक्रमण लिपा महत काय् डा. सरगम महतया निरीक्षण व निगरानी च्वना च्वंगु खः ।
महतं थः संक्रमित जूगु सार्वजनिक याये वः हलियकं च्वपि नेपालीपिन्स स्वास्थ्य लाभया कामना याःगु खः ।
आराध्यालक्ष्मी चिहाकःगु संकिपा सरस्वति पिहावल
नृपेन्द्रलाल श्रेष्ठ | ञंलाथ्व ११ ११४०,भाद्र १३ सनिवाः
यादवदास भ्वछिभोयाया निर्देशनय् थौंकन्हय लोकह्वाःम्ह कलाकार आराध्यालक्ष्मी खड्गीया म्हिता दिगु मिखा दान सम्बन्धि जनचेतनामूलक चिहाकःगु संकिपा ...सरस्वति... युट्युबय् सार्वजनिक याःगु दु ।
आराध्यालक्ष्मी खड्गीया मू भूमिकाय् दुुगु थुगु संकिपा एभीसिडी पोखरा युट्युबय् सार्वजनिक याःगु थुगु संकिपा निगु भाषं दयेकातःगु खः ।
सामाजिकक्रिया नेपालया न्ह्यब्वयाय् जनचेतनामूलक संकिपा ...सरस्वती... मिखा दानलिसे स्वापू दूगु खःसा थुके दुर्घटनावश मिखां मखंसां थौंया इलय् वासः यायेफइ धैगु अतिकं महत्वपूर्ण सन्देश न्ह्यब्वयातःगु दु ।
थुगु चिहाकःगु संकिपाय् आराध्यालक्ष्मी खड्गी नाप मेपि कलाकारपि कृष्णभक्त भहर्जन, एजन राजभण्डारी व सिम्रिक श्रेष्ठं अभिनय यानातःगु दु । जनचेतनात्मक म्ये कथं थुकी निशा देशार, आनन्द कार्की, सरिता शाही, सुरजकुमार थापा व जिना रसाईलीं हालातःगु दुसा शुभ बहादुर सुनाम व राजु सिंहं थुगु म्येयात लसय् हनातःगु दु ।
थुगु संकिपाय् बाखं, पट्कथा, म्ये लिसें कला निर्देशन आनन्दरत्न बज्राचार्यं यानादिगु खः । निर्देशक यादवदास भ्वछिभोया खः ।
सज्जा चौलागाईं जुल ‘नेपाल आइडल’
शोभा श्रेष्ठ | ञंलाथ्व ११ ११४०,भाद्र १३ सनिवाः
सज्जा चौलागाईं ‘नेपाल आइडल’ सिजन–३ या विजेता जूगु दु । म्हिगः बहनि जूगु ग्रान्ड फिनालेय् प्रवीण बेडुवाल व किरण कुमार भुजेलयात लिउने लाका सज्जां त्याकेत ताः लाःगु दु ।
सज्जां टाइटल नाप नगद ५० लाख त्याकूगु दु । फष्ट रनरअप प्रविण वेडुवाल जूगु दु सा किरण सेकेन्ड रनरअप जूगु दु । उमिस १० लाख व ५ लाख त्याकेत ताः लाःगु दु न ।
थौंकन्ह्य कोरोनाया कारण ग्रान्ड फिनाले सामाजिक दूरी कायम यासे ज्याझ्वः याःगु खः ।
फाइनलय् थ्यःपि सज्जा, प्रविण व किरण मध्ये किरण वाइल्ड कार्ड इन्ट्री मार्फत फाइनलय् थ्यःगु खः ।
नेपाल आइडलय् थुगु सिजनय् न्ह्यू वज्राचार्य, कालीप्रसाद बास्कोटा व इन्दिरा जोशी निर्णायक जूयादिगु खः ।
न्हापागु सिजनय् बुद्ध लामा व निगु सिजनय् रवि ओड त्याकूगु खः ।
अमोघ वीर वज्राचार्यया ‘अप्सरा थें च्वं’ पिदन
लहनान्युज | ञंलाथ्व ९ ११४०,भाद्र ११ बिहीवाः |
बुदिंया भिंतुना म्ये कासाया छम्ह प्रभावशाली कासामि अमोघ वीर वज्राचार्यया नेपालभाषा म्ये ‘अप्सरा थें च्वं’ पिदन । भाजु बज्राचार्यं हालादीगु थुगु म्ये ज्ञानमुनि शाक्यं च्वयादीगु, लसय् हनादीगु व संगीत संयाेजन यानादीगु खः ।
थुगु म्येया पिदंगु म्यूजिक भिडियाे छायाँकन यानादीम्ह बिजन वज्राचार्य खःसा निर्देशन बिश्वास वज्राचार्यं यानादीगु खः । उपासना शाक्यं कोरियोग्राफी यानादीगु थुगु म्ये भिडियाेय् मिजं माेडल म्येहालामि बज्राचार्य हे खःसा वयकःयात एनी शाक्यं साथ बियादीगु खः ।
अमोघवीरया नेपाल भाषाया म्ये ‘अप्सरा थें च्वं’ पिहावल
नृपेन्द्रलाल श्रेष्ठ | ञंलाथ्व ७ ११४०,भाद्र ९ मंगलवाः
गायक अमोघ वीर वज्राचार्यया नेपाल भाषाया म्ये ‘अप्सरा थें च्वं’ या म्युजिक भिडियो सार्बजनिक जूगु दु ।
भाषा सस्कृतियात जिबन्त रुप बियातःगु थुगु म्ये गायक वज्राचार्यं नेपाल भाषा म्ये बालाक्क न्ह्य ब्बःगु दु ।
ज्ञानमुनी शाक्या च्वसाय् व लय् चिनादिगु थुगु म्येया एरेन्ज तक यानादिगु खः ।
थुगु म्येया छायाँकार बिजन वज्राचार्यं छायांकन यानादिगुलि बिश्वास वज्राचार्यं निर्देशन यानादिगु खः ।
उपासना शाक्यं कोरियोग्राफी याःगु म्युजिक भिडियोय् गायक नाप अमोघ वीर वज्राचार्य व एनी शाक्यं मोडल याःगु खः ।
