Display Style:
Column Style
मधुशाला म्येया रिलिज युट्युब च्यानल जुल
नृपेन्द्रलाल श्रेष्ठ | गुंलागा १४ ११४०,भाद्र २ मंगलवाः
अगिना तण्डुकार (शाही) या मधुशाला म्येया म्युजिक भिडियो म्युजिक नेपालया युट्युब च्यानल पाखें वल्र्ड प्रिमियर जुगु दु ।
भगवती ढुङ्गेलं च्वयादिगु उगु म्येय् सुशील शाहीं लय् तयादिगुलि अगिना तण्डुकारं (शाही) हालादिगु खः ।
अथेहे अडियो नेपालय् रेकर्ड जुगु थुगु म्ये यात बुद्ध साय्मि एरेन्ज याना दिगु खः ।
रेग्मीं आइटम, जनक खड्का व बिपिन प्रसाई न उगु म्येया अभिनय यानादिगु खः । थुगु म्युजिक भिडियो कृष्ण तामाङ्गं निर्देशन यागु खःसा तिलक रिजालं सम्पादन यानादिगु खः ।
पवन जोशीया म्येया म्यूजिक भिडियो पिहावइगु
नृपेन्द्रलाल श्रेष्ठ | गुंलागा ६ ११४०,साउन २५ आइतवाः
लोकह्वाःह बरिष्ठ निर्देशक पवन जोशीं मेगु बुद्ध भजन म्येया म्यूजिक भिडियो निर्देशन यानादीगु दु । नानीमैंया महर्जनया लसय् व सलय् न्हूगु बुद्ध भजन म्येया म्यूजिक भिडियो भाजु जोशीं यानादीगु खः ।
अप्वः म्यूजिक भिडियो निर्देशन यानाः वयाच्वनादीम्ह बरिष्ठ निर्देशक जोशीं बुद्ध भजन म्येया म्यूजिक भिडियो निर्देशन यानाः वयाच्वनादीगु दु ।
उगु म्यूजिक भिडियो येँया कमलपाखेरी व स्वयम्भूया विहार लिसें थीथी थासय् सुटिंग जूगु खः । सुटिंग ज्याझ्वःयां ज्या क्वचाःगु व आः सम्पादन यानाः याकनं हे यूट्युब च्यानलपाखें सार्वजनिक यायेगु खँया जानकारी बियादिगु खः ।
थुगु बुद्ध भजन म्ये मोहनदेवी महर्जनं च्वयादीगु खः । संगीत संयोजक जिवित जल्मीया संगीत संयोजन यानादीगु थुगु बुद्ध भजन म्ये बरिष्ठ संगीत संयोजक लिसें रिकर्डिष्ट बुद्ध सायमिया अडियो नेपाः स्टुडियोस रिकर्ड जूगु खः ।
नांजाःम्ह युवा क्यामेरा पर्सन राजेश शाक्यया छायांकन व सम्पादन दुथ्याःगु थुगु बुद्ध भजन म्येया म्यूजिक भिडियो दुने स्वयं म्येहालामि लिसें लय् चिनामि नानीमैंया महर्जनलिसेलिसें श्याम, दिनेश, मोहनदेवी, ज्ञान, रजनी इत्यादी कलाकारपिन्सं अभिनय यानादीगु दु ।
पवन जोशीया निर्देशनय् बुद्ध भजन म्ये पिदनिइगु
नृपेन्द्रलाल श्रेष्ठ | गुंलागा ३ ११४०,साउन २२ बिहीवाः
लोकह्वाम्ह बरिष्ठ निर्देशक पवन जोशीया निर्देशनय् न्हूगु नेपालभाषाया बुद्ध भजन म्येया म्यूजिक भिडियो मोहनदेवी महर्जनं हालादिगु म्ये सुथय् सूर्द्यः लुयावःथें...बोलया भजन म्ये याकनं हे
पिदनेत्यंगु दु ।
महर्जन हालादिगु थुगु म्ये रितेश महर्जना च्वसां पिज्वःगु थुगु भजन म्येया संगीत संयोजन लोकंह्वाःम्ह संगीत संयोजक जीवित जल्मीं यानादीगु खः ।
राजेश शाक्यया छायांकन व सम्पादन यानादिगु खः । थुगु म्युजिक भिडियो किपुलि जूगु खः धकाः बरिष्ठ निर्देशक जोशीं लहनान्युजयात जानकारी बियादीगु खः ।
थुगु म्ये थौंकन्ह्यया समाजय् ब्वलनाच्वंगु यथार्थ बाखंया लिधँसाय् पिज्वःगु म्येया म्यूजिक भिडियो याकनं हे यूट्युब च्यानलपाखें सार्वजनिक जुइगु जानकारी बिउादिगु खः ।
बलिउड अभिनेता अमिताभ व अभिषेकयात कोरोना सङ्क्रमण
लहनान्युज | दिल्लागा सप्तमी ११४०,असार २८ आइतवाः
बलिउड अभिनेता अमिताभ बच्चन नाप वया काय् अभिनेता अभिषेकयात न कोरोना भाइरस सङ्क्रमण पुष्टि जूगु दु ।
अभिषेकं थःगु आधिकारिक ट्विटर पाखे थः व थःया अवू अमिताभयात न कोरोना सङ्क्रमण जूगु धका जानकारी बिःगु दु ।
उपि निम्हेसित अस्पतालय् भर्ना जूगु धका भारतीय सञ्चारमाध्यमं जानकारी बिःगु दु ।
अभिषेक नाप अमिताभ निम्हसिया कोरोना सामान्य लक्ष्यण ख दुगु धका ट्वीटर पाखे जानकारी बिःगु दु ।
आः मेपि परिवारया सदस्यपिनिगु न कोरोना परीक्षण जूया च्वंगु दु । परिवारया सदस्यपिनिगु रिपोर्ट धाःसा थौं वइ धका धाःगु दु ।
अभिनेता अभिषेकं सकसित शान्त जुया व आते मजुइत इनाप यानादिगु दु ।
अमिताभं थःगु ट्वीटरपाखे वःगु झीन्हुया दुने थःपिनिगु सम्पर्कय् वःपि नाप कोरोना परीक्षण यायेत इनाप यानादिगु दु ।
बलिउडया कलाकार व प्रशंसकपिन्त अमिताभ व अभिषेक निम्हसिया भिं उसाँय् या कामना यानादिगु दु ।
‘सुइका’ शुक्रवाः पिदनीगु
सुरज, लहनान्युज | दिल्लागा तृतीया ११४०,असार २४ बुधवाः
आनन्द बज्राचार्य व सविता मालाकारया सलय् नेपालभाषाया म्ये ‘सुइका’या म्यूजिक भिडियो वइगु शुक्रवाः प्रेमियर जुइगु जूगु दु । राजु महर्जनं च्वयादीगु व म्येहालामि आनन्द बज्राचार्यं हे संगीत तयादीगु व संगीत संयोजन नं यानादीगु थुगु म्ये शुक्रवाः ३ बजे सार्वजनिक जुइगु म्यूजिक भिडियो निर्देशक सुजन बज्राचार्य ‘ख्वपय्’ नं जानकारी बियादीगु खः ।
थुगु म्येजिक भिडियोय् तीर्थ अवाले, सुजिना श्रेष्ठ, रामकृष्ण खड्गी, रिजोन, रमेश व विनयं अभिनय यानादीगु खःसा छायाँकन मोहनकुमार ‘झिल्लु’, सम्पादन व कलर अनिलकुमार महर्जन, ड्रोन सनी शाक्य, डिजाइन सेनेक्स मिडियां याःगु खः ।
कल्चर थियटर अनलाइन टिभीया न्ह्यब्वया थुगु म्युजिक भिडियोय् खस नेपाली भाषा व अँग्रेजी सबटाइटल नं दुथ्याकातःगु दु ।
