Display Style:
Column Style
सोनु सुदयात यूएनडीपीपाखे विशेष सम्मान
मिलन कुमार | अनलाथ्व त्रयोदशी ११४०,असोज १३ मंगलवाः
कोभिड १९ महामारीया सुरुनिसे निःस्वार्थ रुपं करोडौया ग्वाहालि यागुलि अभिनेता सोनु सुदयात संयक्त राष्ट्र विकास कार्यक्रम (यूएनडीपी) पाखे प्रतिष्ठित ‘एसडीजी’ विशेष मानवीय कार्य पुरस्कारपाखे सम्मानित याःगु दु ।
सोमवाः बहनि भर्चुअल समारोहय् सुदया उगु अवार्ड प्रदान यायेगु घोषणा याःगु खः । थुगु प्रतिष्ठित अवार्ड कायेत्यम्ह अभिनेता सोनु “थ्व दुलर्भ सम्मान खः । यूएनया मान्यता विशेष दु । जि छु न आशा मयासे देशवासीया लागि छु भचा ज्या यानागु खः । थुगु मान्यता व अवार्डपाखेसम्मानित जुइ दया थः तसकं लय्ता दुगु धका धयादिसे २०२० एसडीजी हासिल यायेगु यूएडीपीया प्रयासय् जिगु न समर्थन दु धका धाःगु दु ।”
सोनया नाप यूएडीपीया थीथी प्रतिष्ठित पुरस्कारपाखे सम्मानित जुपि मेपि कलाकारया धलखय् बलिउड अभिनेत्री प्रियंका चोपडा नाप हलिउड कलाकारपि एन्जेलिना जोली, डेभिड बेकहम, लियोनार्डो डिक्याप्रियो, एम्मा वाटसन, लियाम निसन, क्याट ब्लान्सेट, एन्टोनियो बान्डेरास व निकोल किडम्यानपि न दुथ्याःगु दु।
कोरोनामुक्त जुइ धुका अमिताभ ज्याय् लिहा वल
मिलन | अनलाथ्व १ ११४०, असोज २ शुक्रवाः
अमिताभ धाःल १७ घण्टाया ज्या कोरोना सक्रमित जुसा शरीरयात राहत मिले जुगु धका धाःगु दु ।
लच्छि न्ह्य जक कोरोना संक्रमणमुक्त जुम्ह अभिनेता अमिताभ बच्चन कौन बनेगा करोडपति (केबीसी) या सेटय् लिहा वये धुकुगु दु । ७७ दँ दुम्ह अभिनेता बच्चन छायांकनय् लिहा वये धुका थःगु ज्याय् तसक व्यस्त जुया वयाच्वंगु दु । अभिनेता बच्चन बिहीवाः जक १७ घण्टा लगातार ज्या याःगु खः ।
छु ई कोरोनाया काराण म्ह शिथिल जुया १७ घण्टा लगातार ज्या यानागु राहत जुगु धका अमिताभ धाःगु खः ।
थुकिया बारे जानकारी बिइगु कथं बच्चन थःगु ब्लगय् च्वंगु दु, “छन्हु करिब १७ घण्टाया निरन्तर ज्या याये धुका छु ई जक न्ह्य छेँय् लिहा वयाःगु दु धका धयादिसे,. कोरोना पीडित जुइ धुका शरीरया लागि १७ घण्टाया ज्या राहतपूर्ण जूगु धका धाःगु दु ।”
पवन जोशीया निर्देशनय् मेगु म्यूजिक भिडियो
शोभा श्रेष्ठ | ञंलागा ३० ११४०,असोज १ बिहीवाः
लोकह्वाम्ह बरिष्ठ निर्देशक पवन जोशीया च्वसाय् मेगु छगू पृथक शैलीया न्हूगु म्ये पिहावये त्यंगु दु ।
आः पिहावये त्यंगु म्ये राजमती कुमति धाल, नुगः जिगु ख्वल यःमां, पवन जोशीया च्वयादिगु खः ।
उगु गायक नाप कलाकार अगिना तण्डुकारया हालादिगु खः ।
थुगु म्येया संगीत संयोजन लोकंह्वाःम्ह संगीतकार अनिल तुलाधरं यानादीगु दु । अन्नपूर्ण रिकर्डिंग स्टुडियोस रिकर्ड जूगु थुगु म्येया रिकर्डिष्ट विजय मास्की याःगु खः ।
म्ये रिकर्ड क्वचायेधुंकाः अगिना तण्डुकार थःगु सः न्यनाः थः हे लय्तागु थुगु म्येयात यथार्थ भावार्थ न्ह्यब्वयाः याकनं हे म्यूजिक भिडियो निर्माण यायेगु जानकारी न बियादिगु खः । थुगु छपू बांलाःगु व स्तरीय नाप न्हूगु शैलीइया म्येय् थःगु सः थ्वयेकेदूगुलिं लसता प्वकादिगुखः
अथेहे, पवन जोशीया च्वसां पिज्वःगु थुगु म्येयात अतिकं स्तरीय व ई कथं बांलाक्क म्यूजिक भिडियो निर्माण यानाः स्वकुमिपिनिगु न्ह्यःने हयेगु जुइ धकाः म्येहालामि सुशील शाहीं जानकारी बियादिगु खः ।
म्येहालामि सलिल सुन्दर तुलाधरया 'यः मां' म्ये सार्वजनिक जुल
ञंलागा ३० ११४०(असोज १) बिहीवाः
म्येहालामि सलिल सुन्दर तुलाधरया नेपालभाषाया म्ये ‘यःमां’ या म्युजिक भिडियो सार्वजनिक जूगु दु । म्येहालामि तुलाधरं थः मदुम्ह मां रुप शोभा तुलाधरयात समपर्ण याना दयेकूगु म्येया भिडियो हाइलाइट्स नेपालया युट्युब च्यानलपाखें सार्वजनिक जूगु खः ।
थुगु म्ये म्येहालामि तुलाधरं मदुम्ह मां मदूगु ४५ न्हुया पुण्य तिथिस संगीतवद्ध यायेगुलिसें रेकर्ड याःगु खःसा म्येयागु म्युजिक भिडियो दछिया पूण्य तिथिया दिं लाकाः सार्वजनिक याःगु खः ।
सार्वजनिक म्येया म्यूजिक भिडियो मन्जु श्रेष्ठ, दिपक मगर व सर्निका राजोपाध्यायं अभिनय यानादीगु दु । मतिना प्रोडक्सनं तयार याःगु म्यूजिक भिडियोया निर्देशन नांजाःम्ह म्यूजिक भिडियो निर्देशक विजु कर्माचार्यं यानादीग दु ।
छायांकन अमर चित्रकारं याःगु खःसा सह निर्देशन व भिएफएक्स महेश्वर श्रेष्ठया दु ।
मांया गुण चित्रण यानाः संसारय् न्ह्याम्हेसित नं दक्कले माया याइम्ह देवी समानया मांया वियोग गुलि दुःखदायी जुइ धैगु भावना कःघानाः तयार यानातःगु थूगु दु ।
म्येया संगीत संयोजन अन्जन श्रेष्ठं याःगु दुसा रण बहादुर ताम्राकारं म्ये च्वज्याय् ग्वाहालि याःगु दु ।
थूगु म्येया हालामिलिसें संगीतकार व रचनाकार सलिल सुन्दर तुलाधरं थ्वयां न्ह्यः नं नेपाली संगीत लागाय् ड्याम ड्याम थें जाःगु लोकंह्वाःगु म्ये बियादीधुंकूगु दुसा नेपाली संकिपा निजर्लाय् भाले मोटर, चोखो मायामा तिमी नै हौ, थें जाःगु म्ये नं हालादीगु दु ।
अथेहे नेपाल भाषा संगीतय् छपलाः एल्बम, मखं त्वाःया कायमचा नापं मेमेगुन लोकंह्वाःगु म्ये हालादिधुंकुगु दु ।
म्युजिक भिडियो क्वय् स्वयादिसँ :
बुद्धभजन म्ये कासा जुइगु
लहनान्युज | ञंलागा ८ ११४०,भाद्र २५ बिहीवाः
बुद्ध शान्तपार्क अनलाईनया ग्वसालय् प्रतिभाया खोजी २०७७ नेपालभाषा व खस नेपाली भाषा बुद्धभजन म्ये कासा जुइ त्यःगु दु ।
थुगु कासा भाद्र २५ गते बिहिवाः यूट्युब च्यानलपाखें नेपालभाषा व खस नेपाली भाषाया झिम्ह झिम्ह यानाः उत्कृष्ट टप १० कासामिपिनिगु नां घोषित याःगु दु ।
थुगु कासाय् मुक्कं १८० म्ह म्येहालामि कासामिपिन्सं ब्वति काःगु खःसा उकि मध्ये नेपालभाषां उत्कृष्ट टप १० य् झिम्ह व खस नेपाली भाषांं उत्कृष्ट टप १० झिम्ह म्येहालामि कासामिपिं यानाः २० म्ह म्येहालामि कासामिपिनिगु नां सार्वजनिक याःगु खः ।
नेपालभाषापाखे उत्कृष्ट टप १० छनौट जूपिं बुद्धभजन म्येहालामिपिं खः, मिना मानन्धर, सुशील शाही, गीता शाक्य, राजेन्द्र बज्राचार्य, प्रतिमा बज्राचार्य, रविन श्रेष्ठ, रेजिना बज्राचार्य, राजु शाक्य, मन्जिल शाक्य व विनोदरत्न शाक्य खः ।
अथेहे, खस नेपाली भाषां उत्कृष्ट टप १० छनौट जूपिं बुद्धभजन म्येहालामिपिं खः, कल्पना श्रेष्ठ, ससुरज मानन्धर, अगीना तण्डुकार, रेशम थापा, सुजना महर्जन, सुमन शाक्य, मनिका
तुलाधर, सविना मानन्धर, अनिशा शाक्य व दिल्लीराज शाक्य खः ।
छनौट कासामिपिन्त याकनं न्हूगु म्येया ट्रायक उपलब्ध याकेत ग्वसाः खलकं इनाप याःगु दु ।
