Display Style:
Column Style
नौलो डिजिटल अडियो भिडियो बाँलागु दबु जुइगु दाबी
लहनान्युज | ञंलागा ८ ११४०,भाद्र २५ बिहीवाः
अमेरिकाय् च्वना वया च्वंपिं नेपाःमिपिन्स चायेकुगु डिजिटल प्लेटफर्म नेपाःया अडियो भिडियो सृजना ख्यःया निंतिं छगु बाँलागु दबु जुइ धका दाबी याना हःगु दु ।
थ्वहे सेप्टेम्बर महिनां निसें औपचारिक रुपं न्ह्याकुगु डिजिटल प्लेट फर्म नौलो डिजिटलया युट्युबय् नेपाः दुने वा नेपाःलिसे स्वापु दुगु सकतां कथं हलं दुथ्याकेगु खँ थ्व दबुया छम्ह दुजः सुनिल माथेमा प्रधानं धयादीगु दु ।
सुनिल माथेमा प्रधान, शरद श्रेष्ठ व रोशन पुरी स्वम्ह जाना चायेकुगु थ्व युट्युबय् विशेष याना खस नेपाली भाय्या अडियो भिडियो हलंज्वलं दुथ्याकिगु ग्वसाः दुसाः थुके अंग्रेजी भाय् वा मेमेगु भाय्या हलंज्वलं नं ईब्यः स्वया दुथ्याकीगु खँ थुकिया हामा प्रधानभाजुं कनादिल ।
कोरोना संक्रमणया कारणं संसारया फिल्मख्यः शुन्य अवस्थाय् लाना च्वंगु दुसाः विशेष नेपाःया खस नेपाली फिल्मया स्वकुमिपिं आः या याकनं हलय् फिल्म स्ववइगु अवस्था मदु धका धासे नौलो डिजिटलया प्रधानं थज्यागु ईलय् नेपाःया फिल्म संसारय् न्यंकभनं च्वना च्वंपिं नेपामिया नापनापं मेमेपिं दथुई थ्यंकेगु तातुना थ्व नौलो डिजिटलया शुरुआत यानागु खँ कनादिलसा थुकें फिल्म क्यना दुहाँ वःगु दामय् सर्जक वा निर्मातायात अप्वःसिबे अप्वः लबः बिइगु ग्वसाः दूगु खँ नं वयकलं न्ह्यथनादिल ।
नौलो डिजिटलया युट्युबय् फिल्म जक मखसे छुं नं कथंया म्युजिक भिडियो , टक प्रोग्राम , फेशन शो , रियालिटि शो , ईन्टरभ्यु लगायतया न्ह्यागु कथंया अडियो भिडियो सृजनायात थाय् बिइगु खँ नं नौलो डिजिटल सुत्रं जानकारी बिउगु दु । थुके थःथःगु सृजना दुथ्याकेगु मनदुपिन्सं थुकिया स्वम्ह हामा सुनिल माथेमा प्रधानयात ०१४४०५७०१०३२ , शरद श्रेष्ठयात ०१५७१२६५७६३९ व रोशन पुरीयात ०१७०३६२५७३२९ ल्याखय् भाइबर मार्फत फोन याना स्वापु तयेत नं वयकपिन्सं इनाप यानादीगु दु ।
सञ्जय न क्वचायेकल ‘शमशेरा’या छायांकन
लहनान्युज | ञंलागा ७ ११४०,भाद्र २४ बुधवाः
स्वास्थ्य उपचारया लागि छु ई ज्या पाखे बिदा कयाच्वम्ह अभिनेता सञ्जय दत्तं संकिपा ‘शमशेरा’ या थःगु भागया छायांकन क्वचायकुगु दु ।
थुथु संकिपाया लागि छगु साधारण ’प्याच वर्क’ छायांकन याःगु खः । रणवीरं थ्व स्वया न्ह्यः हे क्वचायेके धुकुगु खः । सञ्जयया निन्ह जक छायांकन ल्यः दनिगु खः । सञ्जय न थःगु भागय् दुगु न क्वचायेकुगु खः ।
एसराज फिल्मं निर्माण याःगु संकिपा माःगु दक्को सुरक्षाया निर्देशन पालना याना सञ्जय न छायांकन याःगु धका धाःगु खः । सञ्जययात खतरा मजुइमा धका छायांकन सुरु जुइ न्ह्य हे
छायांकनय् संलग्न जुइ माःपि दक्को होम क्वारिन्टिनय् तःगु खः सा नाप कोरोना परीक्षण तक याःगु खः ।
थुगु संकिपाय् सञ्जयया नाप रणबीर कपुर, वाणि कपुरया मू भूमिका दुगु खः । थ्व हे दँया जुलाईलय् रिलिज मिति तोके याःग् खःसा कोरोनाया कारण लिछाःगु खः ।
वःगु महिनाय् फोक्सोको क्यानसर खने दुुगलि सञ्जयया प्रारम्भिक उपचार मुम्बइलय् हे याःगु खः । स्थिती सामान्य जुइवं हे वयाःगु उपचारया लागि अमेरिकाय् यकेगु धका धाःगु दु । थुकिया लागि वयात अमेरिकां न्यादँया लागि भिसा बिइ धुकुगु दु ।
इटलीया भेनिस सहरय् फिल्म फेस्टिबल जुइगु
लहनान्युज | ञंलाथ्व १४ ११४०,भाद्र १६ मंगलवाः
कोरोना महामारीया दथुइ इटलीया भेनिस सहरय् फिल्म फेस्टिबलया ग्वसाः ग्वये त्यःगु दु ।
थुकिया लागि ज्या जुया च्वंगु दु ।
चर्चित भेनिस फिल्म फेस्टिबलय् थुकि पटक धाःसा सामाजिक दूरी कायम याये माःगु नियमयात अनिवार्य लागु याये त्यःगु दु ।
इटली, कोरोना महामारीपाखे दकलय् अप्व प्रभावित जुगु देय् खः ।
अमेरिकाय् बलिउदया सकिपा रिलिज जुल
लहनान्युज | ञंलाथ्व १२ ११४०,भाद्र १४ आइतवाः
कोरोना महामारीया कारण जनजीवन प्रभावित जुया वनाच्वंगु दु । गन गन देशय् जनजीवन बिस्तारं लिहा वये धुकुग दु ।
महामारीया कारण मनोरञ्जन उद्योगय् न प्रभावित जुया वयाच्वगु दु । आः सावधानी अपने याना कलाकारपि थःगु ज्याय् लिहा वने धुकुगु दु ।
थ्व हे दथुइ अमेरिकाय् बलिउड प्रेमीपि अमेरिकाय् छु हलय् थःगु सेवा प्रदान याये त्यःगु दु । अमेरिकाय् रिगल भर्जिनिया सेन्टर व रिगल कन्ट्रिसाइड, भर्जिनिया व २८ अगस्तय् स्वगू बलिउड संकिपा पुनः प्रदर्शनी याःगु दु ।
उकि रणवीर सिंह व सारा अली खानया सिम्बा, भूमि पेडनेकर व तापसी पन्नुको साँड कि आँख व ऋतिक रोशनया सुपर ३० रिलिज याःगु दु ।
थ्व स्वया न्ह्य ‘सिम्बा’ अस्ट्रेलियाय् रिलिज याये धुकुगु खः, ‘सुपर ३०’ नेदरल्यान्डय् रिलिज जुइ धुकुगु खः ।
किपूया बुँख्याः ब्याण्डं न्हापांगु म्यूजिक भिडियो
नृपेन्द्रलाल श्रेष्ठ | ञंलाथ्व १२ ११४०,भाद्र १४ आइतवाः
..जिमि बाज्यां धाःगु थौं छ्वय्ला बजि नयेगु दिन, भुतुलिइ सु दुयाः थौं छ्वय्ला छुइगु दिन । मल्ता चि हाः यानाः चिकं क्वयेकाः झ्वाँय् याना, मूसःगु अय्लाःनाप नल नल नल छ्वय्ला बजि...।
किपूया बुँख्याः ब्याण्डं नं न्हापांगु म्यूजिक भिडियो कथं ...छ्वय्ला बजि... मेटल संगीतपाखें समाजय् ब्वलनाच्वंगु यथार्थ परिवेश व सामाजिक चित्रणयात ब्यंग्य यानातःगु दु ।
थुगु नेपालभाषा म्ये संगीत ख्यलय् न्हूगु प्रयोग कथं युवापुस्ता दथुइ पिहा वयेत्यःगु म्ये ख ।
थुगु मेटल म्ये ...छ्वय्ला बजि...वइगु सेप्टेम्बर १ मंगलवाः बुँख्याःया यूट्युब च्यानलपाखें सार्वजनिक जुइत्यःगु ख
म्ये मेटल, म्यूजिक भिडियोया सम्पादन, कलर एनिमेटर राजेश शाक्यं यानादिगु खः । शाक्यं थुगु म्येया म्यूजिक भिडियो मचांनिसें बुरातकं नं लोकह्वाइ धका लहनान्युजयात धयादिगु खः ।
अथेहे, बुँख्याः ब्याण्डया ब्याण्ड म्यानेजरलिसें म्यूजिक भिडियोया व्यवस्थापक सुबन जोशीं नेवाः समाज दुने बांलाःगु पक्षत आपालं दूगु व उगु बांलाःगु पक्षय् नं नकारात्मक लिच्वः लाइगु
कथं परम्परा व चलनयात कःघाये हे माःगु यथार्थतायात थुगु म्यूजिक भिडियों कुतः यानागु जानकारी बियादीगु दु ।
आपालं स्टेजय् कन्सर्ट बिइधुंकूगु बुँख्याः ब्याण्ड मेटल संगीत ख्यलय् लोकंह्वाःगु ब्याण्ड खः । थुगु ब्याण्डय् आः निर्गमन महर्जन भोकलिष्ट व गितारिष्टया रुपं दुसा सजिव महर्जन ड्रमय्, अनिल महर्जन बास गितारय् व सुवन जोशी ब्याण्ड म्यानेजरया रुपं दु ।
थुगु म्यूजिक भिडियोय् दिपु कुमार महर्जन, गणेश रोजर्स व सम्राट महर्जनपिन्सं सिनेम्याटोग्राफरया भूमिका म्हितादीगु खःसा मेकअप आर्टिष्टया रुपं सोफी गुरुंग व शान्ति गुरुंगं भूमिका म्हितादीगु दु । व्यवस्थापनया भाला सुवन जोशी व विजेन महर्जनं यानादीगु थुगु म्येया निर्देशन निर्गमन महर्जन व सम्पादनलिसें कलर एनिमेशन राजेश शाक्यं यानादीगु दु ।
