Display Style:
Column Style
दीपक बज्राचार्यपाखें एनएस ११३४ ब्याण्डया “माया लाउन” म्ये सार्वजनिक
सुरज, लहनान्युज | थिंलाथ्व एकादशी ११४० (डिसेम्वर ८ २०१९) |
कालो कालो आँखा तिम्रो साह्रै मन पर्यो ।
रातो रातो गाला तिम्रो चुम्न मन लाग्यो ।
थजाःगु हे शब्द दुथ्याःगु ११३४ ब्याण्डया म्ये “माया लाउन” लोकंह्वाःम्ह म्येहालामि दीपक बज्राचार्यं सार्वजनिक यानादिल । ब्याण्डका म्येहालामि सूजन शाक्यं च्वयादीगु, लसय् हनादीगु थुगु म्येया म्यूजिक भिडियो निर्देशन धाःसा रिक्की शाक्यं यानादीगु खः । मनोज भेलें छायाँकन यानादीगु थुगु म्यूजिक भिडियोय् अमोघवीर बज्राचार्य, एनी शाक्य, इक्रिना बल्ल व मेमेपिं कलाकारपिन्सं अभिनय यानादीगु दु । फिरोज बज्राचार्यं संगीत संयोजन यानादीगु थुगु म्ये ज्योति रेकर्डस्य् रेकर्ड जूगु खः ।
खुपुगु देछाःकथं पिदंगु थुगु म्ये पिथंगु ब्याण्डया साथ, फेसबुक, भिरको खोलो थेंजाःगु म्ये बजारय् पिदने धुंकूगु दु ।
ब्याण्डय् म्येहालामि सुजन शाक्यनापं ड्रमय् उर्जल शाक्य, बेस गिटारिष्ट मिनेष शाक्य, लिड गिटारिष्ट आषिश शाक्य व मादल वादनय् उत्सव बज्राचार्यं दुथ्याः ।
म्यूजिक भिडियाे दुथ्याः, क्वयया लिंक क्लिक यानादिसँ ।
नेपालभाषा म्यूजिक भिडियो अवार्डया टपटेन सार्वजनिक
शोभा श्रेष्ठ | थिंलाथ्व तृतीया ११४०
दक्कले आपाः विधाय् अवार्ड बीत्यंगु ‘नेपालभाषा स्टार म्यूजिक भिडियो अवार्ड २०१९’या टप टेन सार्वजनिक जूगु दु । ग्वसाः खलः संसार क्रिएशनं थौं यलय् ज्याझ्वः यानाः टप टेन सार्वजनिक याःगु खः ।
ज्याझ्वलय् टप टेनय् दुथ्याःपिं कलाकार व प्राविधिकतयत दसिपौ व मेडल लःल्हात ।
अवार्डया थीथी विधा दुने उत्कृष्ट म्येहालामि मिजं, उत्कृष्ट म्येहालामि मिसा, नवोदित म्येहालामि मिजं, नवोदित म्येहालामि मिसा, लयचिनामि, म्येच्वमि, संगीत संयोजक दुथ्याः ।
व हे कथं, भिडियोपाखे उत्कृष्ट मोडल मिजं, उत्कृष्ट मोडल मिसा, भिज्युअल एडिटर, क्यामेरा पर्सन, समाः, भिडियो रंग समिश्रण, उत्कृष्ट म्यूजिक भिडियो, भेषभूषा, रेकर्डिङ्ग कक्ष, उत्कृष्ट नृत्य निर्देशक विधा नं दुथ्याकूगु दु ।
थुगु हे अवार्डया फाइनल ज्याझ्वलय् जन संगीत स्रष्टा अमरराज शर्मायात लाइफटाइम अचिभमेन्ट अवार्ड बीगु जूगु दु ।
राइजिंग स्टार सिंगिंगय् मनोनित उत्कृष्ट न्यागू नेपालभाषा म्यूजिक भिडियोया हालामिपिन्त नं ज्याझ्वलय् दसिपौ व मेडल लःल्हाःगु खः ।
दक्वं विधाय् मनोनयनय् लाःपिं कलाकार व प्राविधिकतयत खल्ती अथवा स्पायरोपाखें भोटिंग यायेफइगु ग्वसाः खलकं धाःगु दु ।
ज्याझ्वलय् वरिष्ठ जनसंगीत स्रष्टा अमरराज शर्मा, अभिनेत्री हिसिला महर्जन, वरिष्ठ म्येहालामि जुजुकाजी रंजीत, वरिष्ठ तबला वादक लिसें संगीतकार मनराजा नकर्मी, वरिष्ठ फोटोग्राफर राजभाई सुवाल, वरिष्ठ सिने पत्रकार विजयरत्न असंबरे, न्हापांम्ह आदिवासी नायः जय श्रेष्ठ, यल महानगरपालिका १६ वडाध्यक्ष लिसें म्येच्वमि निर्मलरत्न शाक्यलिसेंया उपस्थिती दुगु खः ।
थुगु हे अवार्डया प्रचारप्रसारया नितिं वइगु मंसीर २८ गते शनिबाःकुन्हु ख्वनाया फुटबल मैदानय् आर्टिष्ट फुटबल म्याच नं जुइत्यंगु दु ।
लोकंह्वाःगु चाइनिज सिरियल हाकनं क्यनिगु
लहनान्युज | थिंलाथ्व द्धितिया ११४० (नोभेम्वर २८ २०१९)
चीनया अतिकं लोकंह्वागु टेलिसिरियल “शि यउ चि“ या नेपाली भर्सन “ पश्चिमतिरको यात्रा “ आः हाकनं नेपाल मण्डल टेलिभिजन व इन्डिजिनियस टेलिभिजनपाखें प्रसारण याइगु जूगु दु ।
येँ छगू पत्रकार सम्मेलन यासे अरनिको समाजया अध्यक्ष डा. सर्वोत्तम श्रेष्ठं चीन व नेपाःया सम्बन्ध अझ क्वातुकेगु नितिं थज्याःगु टेलिसियलपाखें ग्वाहालि याइगु खँय् बिश्वास यानादिगु खः ।
थुगु सिरियल प्यदँ न्ह्यः अरनिको समाजं चीनया केन्द्रिय टिभीया अनुमति कयाः थःपिनिगु हे स्रोतसाधन छ्यला नेपाली भाषं अनुवाद याना नेपालमण्डल टेलिभिजनय् निक्वः तक्क प्रसारण याःगु खः ।
आ थ्वहे वाःलंनिसें हाकनं स्वक्वःगु खुसिइ नं नेपाल मण्डल टेलिभिजनपाखें व इन्डिजिनियस टेलिभिजनपाखें न्हापांगु खुसिइ प्रसारण यायेत्यनागु खँया जानकारी डा श्रेष्ठं बियादिइगु खः ।
अथेहे नेपाल मण्डल टेलिभिजनया सीईओ कुमारराजा महर्जनं नं चीनया लोकंह्वागु प्यसदँ न्ह्यः पुलांगु चिनिया उपन्यासय् आधारित पश्चिमतिरको यात्रा नेपाल मण्डल टेलिभिजनपाखें स्वक्वगु
खुसिइ नं प्रसारण यायेगु ह्वता बिउगुलिं सुभाय् देछासे लसता प्वंकादिगु ।
इन्डिजिनियस टेलिभिजनपाखें जगत डोंग तामाङंं दकले न्हापांखुसिइ थःपिनिगु टेलिभिजनयात थुगु सिरियल प्रसारण यायेगु ह्वता बियादिइगुलिं लसता प्वंकादिल । अथेहे थुगु सिरियलया नेपाली भाषं स्वरांकन यायेगुलिइ डबिंग निर्देशक जुया ज्या यानादिइम्ह सिने पत्रकार विजयरत्न असंबरें थुगु सिरियलया स्वरांकन यानाबलेया अनुभव कनादीगु खः ।
ज्याझ्वलय् मूपाहाँ वाङमय शताब्दी पुरुष सत्यमोहन जोशीं चीनया साहित्य व संस्कृतिलिसें पश्चिमतिरको यात्राया बारे न्ववानादिइगु खः ।
थुगु सिरियल चीनिया प्रसिद्ध बौद्धभिक्षु स्वीयान् चाङ्( हुएन् साङ्) चीनपाखें भारतया नालन्दा विश्वविद्यालयया अध्ययन यायेत वंबलेया ऐतिहासिक यात्राया मुख्य विषयबस्तुइ आधारित खःसा थुगु सिरियल विशेष याना मस्तय्गु दथुइ अतिकं लोकंह्वाःगु व आःतक्क स्वद्व स्वयां अप्वः प्रसारित जुया विश्वया दकले अप्वः प्रसारित जूगु टिभि सिरियलया रुपय् विश्व रेकर्ड तयेत तक्कं ताःलागु खँ पत्रकार सम्मेलनय् जानकारी बिउगु खः । थ्व सिरियलया नेपाली भर्सनय् मूपात्र पिनिगु निंति सः बियादीम्ह कलाकार उमेश मायालु नं पत्रकार सम्मेलनय् उपस्थिति दुउगु खः ।
नेपालभाषा स्टार म्यूजिक भिडियो अवार्ड २०१९ टप १० सार्वजनिक
नृपेन्द्रलाल श्रेष्ठ | थिंलाथ्व द्धितिया ११४० (नोभेम्वर २६ २०१९)
नेपालभाषा म्यूजिक भिडियो अवार्ड २०१९ टप १० सार्वजनिक छगु ज्याझ्वः दथुइ सार्वजनिक याइगु जुगु दु ।
संसार क्रियसन्सया ग्वसालय् जुइगु थुगु ज्याझ्वःया टप १० बुधवाः सार्वजनिक याउगु दु । थुगु अवार्डया नितिं नेपालभाषाया ५७ गू म्यूजिक भिडियो दुतिंगु दु सा उकि मध्ये १० गु म्यूजिक भिडियो ल्यज्या यानाः टप १० सार्वजनिक याउगु खः ।
छगु ज्याझ्वः दथुइ कन्हय् मंसीर १३ गते शुक्रवाः यलया बागडोल रिङ्गरोडय् च्वंगु बेखाज् पार्टी भेन्युइ छगू तःजिगु समारोह यानाः न्हापांगु नेपालभाष स्टार म्यूजिक भिडियो अवार्डस् २०१९ या टप १० य् छनोट जूपिं सकलसित दसिपौ लिसे मेडल लःल्हाइगु ज्याझ्वः दूगु ग्वसाः खलः पाखे जानकारी बियादीगु दु ।
थुगु अवाड नापं विशेष अवार्ड ७ म्हेसित लःल्हाइगु न ग्वसाः दुगु धका जानकारी बियादिगु दु । संसार सप्तरंगी अवार्ड बरिष्ठ निर्देशक कलाकार च्वमि पवन जोशी, नेपालभाषाया न्हापांम्ह सिनेपत्रकार विजयरत्न असंबरे, बरिष्ठ संगीतकःमि मनरजा नकःमि, नेपालभाषा संकिपाया न्हापांम्ह नायक जय श्रेष्ठ, नेपालभाषा संकिपा ख्यलय् राजमती संकिपाया नायिका हिसिला महर्जन, बरिष्ठ गायक जुजुकाजी रंजित व बरिष्ठ मेकअप आर्टिष्ट सनमकुमार श्रेष्ठ घायलयात लःल्हाइगु धका जानकारी प्रमुख स्वतन्त्र संसार महर्जनं बियादीगु दु ।
अथेहे, विशेष अवार्ड संसार मल्टिप्रपोज अवार्ड पत्रकार ललेन्द्र शाक्ययात व लाईफटाइम एचिभमेन्ट अवार्ड बरिष्ठ संगीतकःमि अमरराज शर्मायात लःल्हाइगु जूगु दु ।
चिसंकिपा कासाया सिरपा नं लःल्हात
लहनान्युज | कछलागा औंसी ११४० (नोभेम्वर २६ २०१९)
नेपालभाषा साहित्यया बिकास व नेपालभाषा साहित्य ख्यलय् न्ह्यःज्याना थःत साहित्यकारया रुपय् स्थापित यानाच्वंपिं व स्थापित यायेत कुतः यानाच्वंपिं न्हूपिं व पुलांपिं पुस्ताया च्वमि व ब्वमिपिन्त छथाय् तयाः स्वक्वःगु नेपालभाषा साहित्य नखः ने.सं.११४० मंसिर ६ व ७ गते याना निन्हुयंकं याना क्वचागु नं दु ।
थुगु ज्याझ्वलय् निर्माता व कलाकारं थौंया इलय् संकिपाया ख्यलय् खनेदया वयाच्वंगु खँ न्ह्योब्वयाच्दीगु खःसा समाधान थुकथं यानावने मालिगु थःगु धारणा नं पितव्यूगु खः । सहजकर्ताया रुपय् राकेश महर्जनं न्ह्याकूगु थुगु ज्याझ्वलय् विजयरत्न असंबरे, आर्यम नकःमि, ओमचरण अमात्य व आशिष्मा नकःमिपिन्सं ब्वति कया थःथःगु धारणा पितव्यूगु खः ।
थुगु हे ज्याझ्वलय् नेपालभाषा चीहाः संकिपा कासा ग्वसाः खलःया ग्वसालय् जूगु नेपालभाषा टाईम्स चिहासंकिपा सिरपा निंतिं जूगु कासाय् या सिरपा इनेगु ज्या नं जूगु खः । शहरी विकास पूर्वाधार राज्यमन्त्री रामबीर मानन्धरं थुगु सिरपा इनादीगु खः ।
उगु कासाय् योबन शाक्य या ध्व छध्वः रेखां कियगु न्हाप जुया न्हय्न्याद्धः तकाः, रजिन महर्जन या मिउजियम ल्यूजुया न्यय्द्धः तका व लियांल्यू जूगु निगु संकिपा रामकृष्ण खडगीया स्वार्थ व दर्शनबीर शाक्यया ईन्द्रायणी यात नीन्याद्धः तका हनापौया लिसें लःल्हाःगु खःसा कासाय् ब्वतिकाःगु मेगु झिंप्यंगु चिसंकिपा यात म्हतिं न्याद्धः न्याद्ध तका दांया हःपाः सिरपाकथं लःल्हाइ्गु ज्या नं जूगु ख ।
कासाया सिरपा क्वःछिना मल्ल के सुन्दर,रमेशकाजी स्थापित,गौरीशंकर धुँजु,राजकृष्ण श्रेष्ठ, मानिक उराय व विजयरत्न असंबरेपिं दुथ्यागु पुचलं याःगु खः ।
