Display Style:
Column Style
रक्षामन्त्री रिजालं प्रम देउवायात राजीनामा बुझेयात
लहनान्युज | थिंला त्रयोदशी ११४२, पुष १ बिहीवाः
रक्षामन्त्री मिनेन्द्र रिजालं प्रधानमन्त्री शेरबहादुर देउवायात राजीनामा बुझे याउगु दु।
रक्षामन्त्री रिजालं प्रधानमन्त्रीया सरकारी कार्यालय सिंहदरवारय् वना राजीनामा बुझे याउगु खः।
थ्व स्वया न्ह्यः नेपाली कांग्रेसया महामन्त्रीया उम्मेदवार बिउगुलि रिजालं प्रारम्भिक मतपरिणाम वयेव हे राजीनामा घोषणा याउगु खः।
रिजालयात प्रधानमन्त्री शेरबहादुर देउवां वंगु असोज २२ गते रक्षामन्त्रीइ नियुक्त याउगु खः।
कांग्रेसया महामन्त्रीइ गगन थापा निर्वाचित
लहनान्युज | थिंला त्रयोदशी ११४२, पुष १ बिहीवाः
नेपाली कांग्रेसया महामन्त्रीइ गगन थापा निर्वाचित जुगु दु।
पार्टी कार्यालय सानेपाय् जुयाच्वंगु मतगणनाय् ४०९० मत ल्यायेखाय्गु झ्वलय् थापा २६४४ मत काये धुकुगु दु।
४६७९ मत कुहावंगुलि आः करिब ६ सय मत ल्याये खाय् ल्यदनिइ। तर थापां मेपि उम्मेदवारपि स्वया ९०० अप्वो मत काये धुकुगु दु।
निगु थासय् विश्वप्रकाश शर्मा १६८५ मत काउगु दु। अथेहे प्रकाशशरण महतं १३५७, प्रदीप पौडेल १२१७, डा. मिनेन्द्र रिजालं ७०६ व राजाराम कार्की न ९२ मत काउगु दु।
कांग्रेसया महामन्त्री पदय् आःतक १८४२ मत काल
लहनान्युज | थिंला त्रयोदशी ११४२, पुष १ बिहीवाः
नेपाली कांग्रेसया १४ क्वःगु महाधिवेशन अन्तर्गत महामन्त्री पदय् मतगणना जुयाच्वंगुलि गगन थापां ६ सय मतं न्ह्यने लानाच्वंगु दु।
२८२० मत गणना जुगुलि थापां १८४२ मत काउगु दु। अथेहे विश्वप्रकाश शर्मां ११४७, डा. प्रकाशशरण महत ९३५, प्रदीप पौडेल ८४२, डा. मिनेन्द्र रिजालं ४८० व राजाराम कार्की न ६७ मत काउगु दु।
महामन्त्रीइ शेरबहादुर देउवा प्यानलपाखे डा. प्रकाशरण महत व प्रदीप पौडेल, शेखर कोइराला प्यानलपाखे गगन थापा व मिनेन्द्र रिजाल, प्रकाशमान सिंह प्यानलपाखे विश्वप्रकाश शर्मा व विमलेन्द्र निधि प्यानलपाखे राजाराम कार्की उम्मेदवार बिउगु खः।
कांग्रेसय् निम्ह महामन्त्री निर्वाचित जुइगु व्यवस्था दु।
लुँ तोलां ७०० थहावन
रसिया श्रेष्ठ | थिंला त्रयोदशी ११४२, पुष १ बिहीवाः
लुँया भाः थौं न्ह्यसः थहावंगु दु। लुँ तोलां न्ह्यसः थहावना ९३ हजार रुपैयाँ थ्यंगु दु धका नेपाल सुनचाँदी व्यवसायी महासङ्घं धाउगु दु।
अथेहे, वह तोलां न नीन्यातका थहावंगु दु।
म्हिगः वहः तोलां १२ सय १० रुपैयाँ किनबेच जुगु खःसा थौं १२ सय ३५ रुपैया थ्यःगु दु।
कांग्रेसया महामन्त्री मतगणना गगन थापा व विश्वप्रकाश शर्मा न्ह्यने
लहनान्युज | थिंला त्रयोदशी ११४२, पुष १ बिहीवाः
नेपाली कांग्रेसया महामन्त्री मतगणना जुयाच्वंगुलि गगनकुमार थापा व विश्वप्रकाश शर्मा न्ह्यने लानाच्वंगु दु।
पार्टी कार्यालय, सानेपाय् सुरु जुयाच्वंगु गणनाय् ६०० मत ल्याःखागुलि थापां ३८१ मत हःगु दु सा विश्वप्रकाश शर्मां २२८ मत हःगु दु।
अथेहे प्रदीप पौडेलं २०७, प्रकाशशरण महतं २०१, मिनेन्द्र रिजालं १०१ व डाक्टर राजाराम कार्की २८ मत काउगु दु। थापा डाक्टर शेखर कोइराला प्यानलयाम्ह खःसा शर्मा प्रकाशमान सिंहया समूहपाखे महामन्त्रीया उम्मेदवारी बिउगु खः।
अथेहे पौडेल व महत सभापति निर्वाचित शेरबहादुर देउवा समूहयाम्ह ख। रिजाल शेखर समूहपाखे खःसा कार्की विमलेन्द्र निधि समूहपाखे महामन्त्रीया उम्मेदवारी बिउगु खः।
