नेपाली कांग्रेसया महामन्त्री पदया मतगणना सुरु जुगु दु। पार्टी कार्यालय सानेपाय् उपसभापति पदया मतगणना जुगु हे थासय् महामन्त्री पदया मतगणना सुरु जुगु दु।

सभापति शेरबहादुर देउवा प्यानलपाखे महामन्त्रीइ प्रकाशशरण महत व प्रदीप पौडेल, शेखर कोइराला प्यानलपाखे डा. मिनेन्द्र रिजाल व गगन थापा नाप प्रकाशमान सिंह प्यानलपाखे विश्वप्रकाश शर्मा व विमलेन्द्र निधि प्यानलपाखे राजाराम कार्की महामन्त्रीया उम्मेदवार जुगु खः। निर्वाचनं निम्ह महामन्त्री ल्यइ।

कांग्रेसया १४ क्वःगु महाधिवेशन अन्तर्गत जुगु निर्वाचनपाखे सभापति पदय् शेरबहादुर देउवा व उपसभापति पदय् पूर्णबहादुर खड्का व धनराज गुरुङ निर्वाचित जुइ धुकुगु दु।

निर्वाचन आयोगं राष्ट्रिय सभा निर्वाचनया लागि दल दर्ता यायेत आह्वान याउगु दु। आयोगं थौं बिहीबाः सार्वजनिक सूचं जारीयासे निर्वाचन प्रयोजनया लागि राजनीतिक दल दर्ता यायेत आह्वान याउगु खः।

दल दर्तााया म्याद थ्व हे पुस १० गते तक दु। राष्ट्रिय सभाय् निर्वाचन थ्व हे वइगु माघ १२ गते यायेगु निर्णय निर्वाचन आयोगं याउगु खः। पुस २० गते राष्ट्रिय सभा निर्वाचनया उम्मेदवारी दर्ता यायेगु ज्याझ्वः दु।

२१ गते उम्मेदवारीइ दाबी विरोधया उजुरी बिइगु, २२ व २३ गते उजुरीइ जाँचबुझ यायेगु निर्णय याउगु दु, २४ गते उम्मेदवारं नां लित कायेगु व २५ गते उम्मेदवारया अन्तिम नामावली प्रकाशन यायेगु कार्यतालिका दयकूगु दु।

उगु दिं उम्मेदवारयात निर्वाचनया चिं लल्हायेगु व तोके याउगु मतदान केन्द्रय् माघ १२ गते सुथय् ९ बजेनिसे न्हिसिया ३ बजेतक मतदान यायेगु आयोगं धाउगु दु।

नेपाल विद्युत प्राधिकरणया दक्को आय संकलन काउन्टरय् थौंनिसे पुस ५ गते तकया लागि बन्द जुगु दु।

बिलिङ सिस्टम अद्यावधिक याये माःगुलि दक्को आय संकलन काउन्टर बन्द जुइ धका नेपाल विद्युत प्राधिकरणं धाउगु दु

विद्युत प्राधिकरणया उपभोक्ताया २०७८ मंसिर महिनाय् खपत अर्थात् पुस १ गतेनिसे रिडिङय् लागू जुइ कथं न्हुगु विद्युत महसुल निर्धारण जुगु व महसुल दरय् ह्यूपा हःगु नेपाल विद्युत प्राधिकरणं एम–पावर विलिङ सिस्टमय् पुस महिनानिसे छक्वल लागू जुइ कथं अद्यावधिक यायेमाःगुलि आय संकलन काउन्टर बन्द याये माःगु धका प्राधिकरणं जारी याउगु सूचनाय् उल्लेख याउगु दु।

नेपाली कांग्रेसय् उपसभापतिइ पूर्णबहादुर खड्का व धनराज गुरुङ निर्वाचित जुगु दु।

बुधबाः चान्ह्य वंगु मत परिणाम कथं सभापति शेरबहादुर देउवा पक्षया उम्मेदवार खड्का व शेखर कोइराला पक्षया उम्मेदवार गुरुङ निर्वाचित जुगु धका निर्वाचन समितिं घोषणा याउगु दु।

देउवा पक्षया उम्मेदवार विजयकुमार गच्छदार निगु  मतं पराजित जुगु खः। निर्वाचन समितिया कथं खड्कां २१२१ व गुरुङं १९०८ मत काउगु ख।

अथेहे गच्छदारं १९०६, चन्द्र भण्डारी १५८०, सुजाता कोइरालां ६४४, महेश आचार्यं ५८९ व दिव्यश्वरी शाह न १३२ मत काउगु खः 

नेपाली कांग्रेस महाधिवेशनया निर्वाचनय् पदाधिकारी व केन्द्रीय सदस्यपिनिगु मतगणना थौं निसे शुरु जुइगु दु(।

मतपेटि पार्टी केन्द्रीय कार्यालय सानेपाय् तःगु खः। निर्वाचन समितिया संयोजक गोपालकृष्ण घिमिरे न बाँकी मतगणना बुधबाः निसे शुरू जुइगु जानकारी बिउगु दु।

शुरूइ पदाधिकारीया मतगणना यायेगु तयारी दु । पुस ५ गते दुने दक्को मत परिणाम सार्वजनिक जुइ धका धागु दु।