येँँ महानगरपालिकां त्रि.वि. शिक्षण अस्पतालयात अत्याधुनिक सीटी स्क्यान मेसिन लल्हाउगु दु।

थौं अस्पतालय् वना येँँ महानगरपालिका मेयर विद्यासुन्दर शाक्यं अस्पतालया निमित्त कार्यकारी निर्देशक प्रा.डा. सुवासप्रसाद आचार्ययात मेसिन न्यायेत चेक लल्हागु खः। उगु ज्याझ्वलय् नेकपा एमालेया वरिष्ठ उपाध्यक्ष ईश्वर पोखरेल, महानगरया उपमेयर हरिप्रभा खड्गी श्रेष्ठ, प्रमुख प्रशासकीय अधिकृत लोकनाथ पौडयाल, स्वास्थ्य संस्था दर्ता नाप नविकरण समितिया संयोजक दीपक के. सी.पिनिगु न सहभागी दुगु खः।

उगु ज्याझ्वलय् मेयर शाक्यं, उयपचार काये मखना मानवीय क्षति मजुइमा धासे महानगरं स्वास्थ्य सेवाय् लगानी अप्पोकाउगु दु धका धयादीगु खःः। ‘कोविड रोकथाम व नियन्त्रणया लागि सरकारी व सामुदायिक अस्पतालय् भेन्टिलेटर न लल्हागु दु। आइसोलेसन व कोविड अस्पताल चले यानागु दु।

अथेहे विशेषज्ञ स्वास्थ्य सेवा बिइफुगु सरकारी व सामुदायिक अस्पतालयात न ग्वाहालि यानागु दु। जिमिसं ज्या यायेगु इलय् महानगरय् च्वपिन्त स्वास्थ्य उपचारय् ध्यान बियाउगु दु।’ वयकल धयादीगु दु, सामुदायिक अस्पतालय् प्राविधिक क्षमता विकास याना व उपचारया लागि विरामीपिनिगु विश्वाश थकाना निजी स्वास्थ्य संस्थायात न बालाकाउगु दु। शिक्षण अस्पताल न उगु लँपूइ वकिइगु भलसा कयादीगु दु।’

उगु ज्याझ्वलय एमालेया वरिष्ठ उपाध्यक्ष ईश्वर पोखरेलं, महानगरं स्वास्थ्य क्षेत्रय् याउगु लगानीयात सकारात्मक लिच्वः खनेदुगु लिच्वःया अनुभव कनादीगु खः। ‘महानगरया कुतः महत्व दु व बालागु न खः। थुकिइ शिक्षण अस्पतालय् वइपि विरामीपिन्स तत्काल सेवा कायेफइ।’

उपमेयर हरिप्रभा खड्गी श्रेष्ठं धयादीगु दु, ‘सीटी स्क्यान मेसिनया उपयोगपाखे यक्को विरामीपिन्स  याउक सेवा काये फइगु भलसा कयादीगु दु।’

सिटी स्क्यान मेसिन न्यायेगु निति महानगरया आर्थिक अनुदानपाखे अस्पतालं मेसिन न्याना पुस ११ गते जडान सम्पन्न याउगु खः। फ्लास टेक्नोलोजी आधारित मेसिन १ सय २८ स्लाइस याउगु खः। स्पेसिफिकेसनया आधारय् सार्वजनिक खरिद ऐन प्रक्रियापाखे न्याउगु मेसिनया भाः ६ करोड १७ लाख १६ हजार ५५७ रुपैयाँ तुुगु खः। सम्झौता याउगु इलय् थुकिया भाः करीव ७ करोड ५० लाख रुपैयाँ खर्च तुइगु अनुमान याउगु खः। 

लुँ वहःया भाः थौं न घटे जुगु दु। लुँ तोलां थौं प्यसः घटे जुगु दु।

लुँ तोलां थौं प्यसः घटे जुया ९१ हजार ८ सय रुपैयाँ तोके याउगु दु धका नेपाल सुनचाँदी व्यवसायी महासङ्घ धाउगु दु।

अथेहे वहः तोला झीतका घटे जुगु दु। थौं वहः तोलां झीतका घटे जुया १२ सय ४० रुपैयाँ न कारोबार जुगु दु धका महासङ्घं धाउगु दु।

म्हिगः आइतवाः १०५ अङ्कं बढे जुगु शेयर बजाः परिसूचक नेप्से थौं सोमवाः हाकनं घटे जुगु दु।

नेप्से थौं १४ दशमलव ४८ अङ्कं घटे जुया २ हजार ८ सय ७१ दशमलव शून्य ५ विन्दुइ कुहावंगु दु। थौं माइक्रोफाइनान्स, मेमेगु व लगानी बाहेक दक्को समूहया शेयर घटे जुगु दु। बीमा, उत्पादन व विकास बैंकया शेयर उसकं कुहावंगु दु। २ सय २५ गु कम्पनीया १ करोड १ लाख कित्ता शेयर ५ अर्ब १५ करोड ४१ लाख रुपैयाँया कारोबार जूगु खः।

दकलय् अप्पो एचआईडीसीएलया ५७ करोड रुपैयाँया शेयर कारोबार जूगु खः। थौं माउन्टेन हाइड्रो नेपाल व सिभिल लघुवित्त कम्पनीया शेयर साढे ३ प्रतिशतं घटे जुगु खः। समग्र बजाः घटे जूसा फरवार्ड माइक्रोफाइनान्स, विन नेपाल माइक्रोफाइनान्स व बुद्धभूमि हाइड्रोया शेयर १० प्रतिशतं थहावना सकारात्मक सर्किट लगे जुगु दु।

बालाजुइ सतक विस्तारया इलय् थनाछ्वःपिं स्थानीय ३९ गू परिवारयात पुनस्र्थापना याय्माःगु माग यासें स्थानीय जनता हाकनं आन्दोलित जूगु दु ।

बालाजुइ न्हापा थःगु छेँ दुगु थासय् हे प्लेकार्ड ज्वनाः दनाः सडक विस्तार पीडित संघर्ष समितिपाखें वंगु शनिबाःनिसें अन प्रदर्शन शुरु याःगु खः । संघर्ष समितिया कार्यकर्तातय्सं अन छेँ दुपिं स्थानीय जनतायात वहे थासय् पुनस्र्थापना याय्माःगु माग याःगु दु।

उगु थासय् दुगु ३९ खा छेँयात जबर्जस्ती डोजरं थुना बीधुंकाः स्थानीय जनता उकिया विरुद्ध सर्वोच्च अदालत वंगु खः । सर्वोच्चं छेँ थुनाः खाली जूगु थासय् आःयात छुं नं संरचना मदय्केत अन्तरिम आदेश जारी याःगु खःसां अन सरकारं येँ महानगरपालिकाया सूचना केन्द्रलिसें थीथी ज्याकू तय्त धासें ज्या यानाच्वंगु जूगुलिं उकियात तुरुन्त दिकेगु लागिं थ्व प्रदर्शन यानागु धाःगु दु ।

सरकारपाखें थ्व संरचना निर्माण यानाच्वंगु मदिकल धकाः थःपिंसं आन्दोलन तच्वय्केगु चेतावनि संघर्ष समितिं ब्यूगु दु ।

ऊर्जा, जलस्रोत तथा सिँचाइमन्त्री पम्फा भुसालनाप नेपाःया लागि अष्ट्रेलियाली राजदूत फेलिसिटी जान भोल्कं शिष्टाचार भेट याउगु दु।

मन्त्रालयय् थौं निगु पक्षीय हित व थीथी विविध विषय छलफल जुगु खः। उगु झ्वलय् मन्त्री भुसालं अष्ट्रेलियानाप साझेदारीयात नेपालं तसकं महत्व बियाउगु दु धासे सन् १९६० निसे निगु देय् घनिष्ट, सौहार्दपूर्ण व मैत्रीपूर्ण सम्बन्धयात अझ बालाकंविस्त यके माःगुलि बःबियादीगु खः।

वयकलं हलियक सामना यानाच्वने माःगु महामारी व जलवायु परिवर्तनय चुनौती अप्पोया वंगुलि सहकार्य याना वनेमाःगु धका धयादीगु खः। नेपाल–अस्ष्ट्रेलिया साझेदारीयात थप बालाका यकेत राजदूत यानाच्वंगु भूमिकाया प्रशंसा यासे मन्त्री भुसालं नेपाःया आर्थिक व सामाजिक विकासय् अस्ष्ट्रेलिया याउगु ग्वाहालियात सुभाय् देछानादीगु खः।

राजदूत भोल्कं नेपाःया आर्थिक व मानवीय क्षमता अभिवृद्धिया लागि अष्ट्रेलिया सरकारं निरन्तर ग्वाहालि यायेगु भलसा बियादीगु खः।