येँ महानगरपालिका वडा नम्बर १०य् मदन भण्डारी कलेज भवनया शिलान्यास जूगु दु ।

महानगर प्रमुख विद्यासुन्दर शाक्यं कामपा वडा १० देवीनगरस्थित कलेज परिसरय् न्हूगु भवन दयेकेत शिलान्यास यानादीगु खः ।शिलान्यास धुंकाः नवासें महानगर प्रमुख शाक्यं शैक्षिक गुणस्तर थकायेत महानगरं लगानी नं थकयागु धयादिल ।

सार्वजनिक निर्माण विभागया प्रमुख रामबहादुर थापायाकथं न्ह्यानाच्वंगु आर्थिक दँय् ज्याझ्वः क्वचाइगु कथं कलेज भवन दयेकेत महानगरं ५ करोड तका आर्थिक ग्वहालि याइ ।थुकिया न्हापांगु किस्ता बी धुंकूगु दुसा ल्यं दनिगु धेबा ज्याया प्रगतिया लिधंसाय् बियायंकीगु धाःगु दु ।

कलेजया कथं र भवन निर्माणया लागत १० करोड तका खः । थ्व हे आर्थिक दँया असार मसान्त दुने निर्माण क्वचायेकेगु आज्जु कयातःगु दु ।

कांग्रेस नेता अर्जुन नरसिंह केसीं निर्वाचन समिति निष्पक्ष मजुगु धका द्धपः बिउगु दु।

केसीं निर्वाचन समिति संस्थापन पक्षया इसाराय् न्ह्याना च्वंगु द्धपः बिउगु दु। “संस्थापनं छु धाल वहे माने जुयाच्वंगु दु। निर्वाचन समिति क्यनेगु वा जक खः।

व हे कारण इलय् निर्वाचन सुरु जुइ मफुगु,“ धका वयकलं धाउगु खः। नेता केसी आः तक शेखर कोइराला टिमय् दु।

नेपाली कांग्रेसया नेता कृष्णप्रसाद सिटौलां प्रधानमन्त्री नाप पार्टी सभापति शेरबहादुर देउवा सभापति पदय् न्हापागु चरणय् हे त्याइगु भलसा काउगु दु।

थौं १४ क्वंगु महाधिवेशन अन्तर्गत मतदान याना पिहावयेगु झ्वलय् सञ्चारकःमि नाप खँ ल्हायेगु झ्वलय् वयकलं धाउगु दु, “न्हापागु चरणय् हे त्याइगु भलसा कयागु दु। विश्वास दया हे मत तयेगु निति वयागु खः,” धका वउकलं धाउगु दु।

नेपाली कांग्रेसया १४ क्वःगु महाधिवेशनय् मतदान जुयाच्वंगु राष्ट्रिय सभागृह व भृकुटीमण्डपय् मतपत्र सिधया मतदान रोके जुगु दु।

मतदान जुगु थासय् मतपत्र सिथया आः महाधिवेशन प्रतिनिधिपि मतपत्रयात पियाच्वंनेगु झवलय् लाइन च्वनाच्वंगु दु। राष्ट्रियसभागृहय् मतपत्र फूना मतदान रोके जुगु थ्व नाप स्वकः जुइ धुकुगु दु।

थ्व स्वया न्ह्य स्वद्धः मतपत्र सिधय् धुकुगु दु सा नकतिकि हे छापे याउगु १७ सय मतपत्र निर्वाचन अधिकृतं हस्ताक्षर याना इनेत ल्यदनिइ धका निर्वाचन समितिं धाउगु दु।

मतपत्र सिधया मतदान याये मखंव महाधिवेशन प्रतिनिधिपिन्स नाराबाजी तक याउगु खः।