यलया पुच्वो साझा पेट्रोल पम्प दुने ट्याङ्करय् मिँनःगु दु। मिँ च्याये वं हे यलया दमकलं मिं स्यागु खः।

इन्धन अनलोड यायेगु झ्वलय् ट्याङ्करय् मिँ नःगु खः। मिँ इलय् हे स्यायेफूगुलिं यक्वो क्षति मजूगु महानगरीय प्रहरी परिसर जावलाखेलं धागु दु।

चिकं तयेत पम्पय् वम्ह छम्ह सामान्य घाःपा जूगु धका प्रहरीं धागु दु।

नेकपा एमालेया प्रचार विभाग उपप्रमुख विष्णु रिजालं पार्टी विभाजन जुगु क्षतिपूर्ति मेमेगु दलपाखे दुहावया पुर्ति जुगु दु धका धयादीगु दु।

थौं सुथय् सुर्खेतय् जुगु छगु ज्याझ्वलय् स्थानीय तह निर्वाचन केन्द्रित प्रशिक्षण ज्याझ्वलय् सम्बोधन यासे रिजालं पार्टी विभाजनया बाबजुद न  वइगु निर्वाचन एमाले बालाक्क त्याइ धका धयादीगु खः।

रौतहट जिल्लाय् प्यम्ह मेयर, खुम्ह उपमेयर व ३६ म्ह वडाअध्यक्ष एमालेय् वःगु उदाहरण बियादीसे थथे मेमेगु जिल्लाय् न दुगु दाबी यानादीगु खः।

मेमेगु दलपाखे एमालेय् प्रवेशयापि, परिचित चुनाव चिं व थपे जूपि न्हुपि ३५ लाख मतदाताया आकर्षणया कारण एमाले न सुविधाजनक स्थिति दु धक धयादीगु खः।

नरय् थौं ताँय् जात्रा जुगु दु।

नरया भाटभटेनी जात्रा कथं थौं लिपागु दिं अन थीथी द्यः थाय् ताँय् ह्वला चाःहिलिइगु परम्परा दु।

भाटभटेनी द्यःया थाय् पञ्च बली बिइ धुका ताँय् ह्वला थी थी द्यःया थाय् ह्वला थः थःगु छेँय् लिहा वनिइगु याइ।

थौं चान्ह्य गुठियारपिन्स भाटभटेनी द्यः दुतयंकाः जात्रा क्वचायेकेगु याइ।

कतारय् रमादानया इलय् २१ म्ह नेपाःमिपिन्त क्षमादान बिउगु दु।

कतारया अमिर शेख तमिम बी हमाद अल थानीं इस्लाम धर्मावलम्बीया पवित्र महिना रमादानया लसताय् नेपाःमिपिन्त क्षमादान यायेत्यंगु धका कतारया दोहास्थित नेपाली दूतावासं धाउगु दु।

अथेहे क्षमादान काःपि यौनजन्य क्रियाकलापय् स्वम्ह, खुइगु ज्याय् लापि झींछम्ह, मादक पदार्थ बिक्री वितरण लापि निम्ह व आर्थिक हिनामिनाय् द्धपः फयाच्वपि खः।

लुँया भाः थौं तोलां प्यसः कुहावंगु दु।

तोलां प्यसः कुहावया थौं प्यसः कुहावया चार १ लाख २ हजार १ सय रुपैयाँ तोके याउगु दु धका नेपाल सुनचाँदी व्यवसायी महासङ्घं धाउगु दु।

अथेहे वहः तोलां १ हजार ४ सय २० रुपैयाँ थ्यःगु दु धका  महासङ्घं धाउगु दु।