विश्व स्वास्थ्य सङ्गठन (डब्लुएचओ)या महानिर्देशक डा टेड्रोस अधानोम गेब्रेयसस थौं नेपाः वइगु जुगु दु।

स्वास्थ्य तथा जनसंख्यामन्त्री विरोध खतिवडां ब्बनाय् वयकः थौं बैशाख ८ गते बहनि वइगु जुगु दु।

स्वन्हुया भ्रमणया झ्वलय् वयकलं राष्ट्रपति विद्यादेवी भण्डारी, प्रधानमन्त्री शेरबहादुर देउवा व राष्ट्रियसभाया अध्यक्ष गणेशप्रसाद तिमिल्सेनानाप शिष्टाचार भेटघाट याइगु जुगु दु।

अथेहे स्वास्थ्य तथा जनसंख्यामन्त्री खतिवडा व परराष्ट्रमन्त्री नारायण खड्कानाप भेटघाट याइ धका स्वास्थ्य मन्त्रालयया सचिव डा रोशन पोखरेलं जानकारी बिउगु दु।

पोखरा महानगरपालिकाया मेयर पद एकीकृत समाजवादीयात बिइगु निर्णय जुगुलि नेपाली कांग्रेसया जिल्ला पार्टी कार्यालय तालाबन्दी यानाबिउगु दु।

कांग्रेसको पोखरा महानगर समितिं जिल्ला कार्यालय तालाबन्दी यानाबिउगु खः।

नेपाली कांग्रेस पोखरा महानगरया सचिव गणेशबहादुर थापां कांग्रेस कार्यकर्तायात अपमान जुइगु कथं एकीकृत समाजवादीयात मेयर बिइगु निर्णय मभिंकूतले ताःचाः मच्योकगु धका धाउगु दु।

आः गथे याना न्ह्यावनेगु धइगु विषय महानगर कमिटी, वडा कमिटी व पदाधिकारीपिनिगु बैठक थौं सःतुगु दु।

नेपाल राष्ट्र बैंकया गभर्नर महाप्रसाद अधिकारी बुधबाःनिसे ज्याय् लिहावःगु दु।

सर्वोच्च अदालतं म्हिगः मंगलबाः ज्या यायेत रोके यायेमते धका अन्तरिम आदेश बिइगुलि गभर्नर अधिकारी ज्याय् लिहावःगु खः। ज्याय् लिहावयेवं अधिकारीं सरकारं संस्थाविरुद्ध आक्रमण याउगुलि अदालत वनेत बाध्य जुगु धका धाउगु खः।

‘अदालतं अन्तिम फैसलाय् न न्याय बिइगु भलसा दु’ धका वयकलं धयादीगु दु। वयकलं थःम्हेसिया व्यावसायिक ढंगं ज्या यायेगु व पूर्वाग्रह मतयेगु धका धयादीगु दु।

राष्ट्र बैंकय सरकारया आर्थिक सल्लाहकार जुइ धका धयादीुे वयकलथः ‘बायस’ जुया ज्या मयायेगु धका धयादीगु दु। राष्ट्र बैंकय् हाजिर जुइत वःम्ह अधिकारीयात कर्मचारीपिन्स लसकुस याउगु दु।

सत्तारुढ गठबन्धनपाखे येँ महानगरपालिकाय् मेयर नेपाली कांग्रेसं सिर्जना सिंह उम्मेद्वार जुइगु लगभग निश्चित जुगु दु।

महानगर कार्यसमितिया आकांक्षीपिनिगु नां केन्द्रयात सिफारिस मयासे हे सिंहयात उम्मेदवार दयकिगुलि नेतापि सहमत जुगु दु।

मंगलबारं च्वंगु सत्ता गठबन्धनया बैठकय् कांग्रेस नेतापिन्स सिंहयात येँ महानगरया मेयरया उम्मेदवार याइगु जुगु दु। महिला संघ व नेविसंघया नेता कार्यकर्ता स्वस्फुर्त तरिकां वःगु धका धाउगु दु।

सिंहं सक्रिय राजनीति २०३६ सालनिसे सुरु याम्ह खः। २०३६ सालय् सिंह गोरखाया महिला संघया अध्यक्ष न खः। ०३८ तक सिंह महावौद्ध क्याम्पसय् नेविसंघया इकाइ सभापति जुयादीम्ह खः।

उगु हे दँय् शंकरदेव क्याम्पसया स्ववियु निर्वाचनय् कोषाध्यक्ष जुयादीगु खः।

महोत्तरीया गौरीडाँडाय् ‘नो लालपुर्जा, नो भोट’ अभियान सञ्चालन याउगु दु।

गौरीडाँडाय् ताः ईनिसे च्वनाच्वपिन्स लालपुर्जा मबिउसा उमिसं अथे अभियान सञ्चालन याउगु खः।

निर्वाचनया इलय् ऐलानी जमिनय् च्वनाच्वपि गौरीडाँडाया बासिन्दापिन्स लालपु्र्जा बिइगु आश्वासन बिया नेता जुइगु त्याये धुका ल्वमनिइगु धका धाउगु खः।

बर्दिबास–३ गौरीडाँडास्थित पार्क व खड्ग होटलय् न्ह्यने विपी राजमार्गय् ‘नो लालपुर्जा नो भोट’ या बोर्ड तक तःगु खः।

उगु बोडय् ‘जनता झुके याये दइ मखु, मखु खँ ल्हाइम्ह नेता माःगु मदु’ धका च्वयातःगु खः।चौलागा चतुर्थी ११४२, बैसाख ७ बुधवाः