वंगु २४ घण्टाया दुने देयन्यक थप २६५ म्हेसित कोरोना भाइरस संक्रमण पुष्टि जुगु दु।

७ हजार १ सय १४ म्हेसित पीसीआर परीक्षण याउगुलि २३८ म्ह व १ हजार ५ सय ३३ म्हेसित एन्टिजेन परीक्षण याउगुलि २७ म्ह याना २६५ म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे वंगु २४ घण्टाय् कोरोना संक्रमणं निम्ह सीउगु दु सा ३५७ म्ह कोरोनामुक्त जुगु दु। थौं सोमबाः थपे जुगु नाप आःतक नेपालय् कोरोना संक्रमित जूपि ९ लाख १८ हजार ४४९ थ्यने धुकुगु दु सा आःतक ११ हजार ५४३ म्ह सी धुकुगु दु।

अथेहे ८ लाख ४ हजार ९०१ म्ह संक्रमणमुक्त जुइ धुकुगु दु।

आदीवासी जनजाति पत्रकारपिनिगु छाता संस्था नेपाल आदीवासी जनजाति पत्रकार महासंघ(फोनिज) येँ जिल्ला शाखाया खुक्वःगु जिल्ला अधिवेशन सम्पन्न जुगु दु।

राज्यलक्ष्मी शाक्यया सभाध्यक्षताय् जुगु उगु अधिवेशनय् शैलेस डंगोलया अध्यक्षताय् १३ म्हेसिगु न्हुगु कार्यसमिति सर्वसम्मत जुगु दु। अधिवेशनं उपाध्यक्षय् सोनाम यान्छी शेर्पा, सचिव निशा तामाङ, सह–सचिव राम मगर, कोषाध्यक्ष रजनी श्रेष्ठपिन्त ल्यःगु खः। अथहे सदस्यय् सरु श्रेष्ठ, भीम लामा, सुजन पाख्रिन, गीतु छन्त्याल, तेज किराँती, आङ्गेलु शेर्पा, मिङ्मा लामा व नितु डंगोलपिन्त ल्यःगु खः।

अधिवेशनं बागमती प्रदेश महाधिवेशनया लागि १७ म्ह प्रतिनिधि सर्वसम्मत ल्यःगु दु। राजेन्द्र मानन्धर, उदेन न्हुसाय्मी, प्रविन महर्जन, श्याम राई, हरिश लामा, दिक बहादुर श्रेष्ठ, नेम्गेल मोक्तान, पासाङ शेर्पा, सरु श्रेष्ठ, अरविन्द्र मान सिंह, रसिया श्रेष्ठ, दिव्य रत्न महर्जन, सृजना मगर, मीनु तामाङ, लक्ष्मी श्रेष्ठ, रेजिना श्रेष्ठ व मिङ्मा यस श्रेष्ठयात सर्वसम्मत ल्यःगु दु।

जिल्ला अधिवेशनं संघिय महाधिवेशया लागि ११ म्ह प्रतिनिधि सर्वसम्मतसर्वसम्मत ल्यःगु दु। सुरेन्द्रभक्त श्रेष्ठ, अमिर लामा, मञ्जीत महर्जन, श्याम नापित, सम्पदा लिम्बु, नुनुता राई, निशा तामाङ, रत्न काजी महर्जन, यशोदा भुजेल, राम मगर व राज्यलक्ष्मी शाक्य संघिय महाधिवेशन प्रतिनिधिय् सर्वसम्मत ल्यःगु खः।

उगु ज्याझ्वलय् मूपाहाँ कथं येँ महानगरपालिकाया उपमेयर हरिप्रभा खड्गी बिशेषपाँहा फोनिज संघिय कोषाध्यक्ष अमरध्वज लामा पाहाँ कथं नृपेन्द्रलाल श्रेष्ठ फोनिज बागतीया ईन्चार्ज समीर बलामीपि झायादीगु खः। फोनिजय् मंसिर २५ गते दुने दक्को शाखाय् अधिवेशन जुइत्यंगु खः।

अथेहे पौष २४ गते न्ह्यगू हे प्रदेशय् महाधिवेशन जुइत्यंगु खः। माघया ७ व ८ गते फोनिजया न्ह्यक्वःगु संघिय महाधिवेशन जुइत्यंगु दु।

नेपाली कांग्रेस प्रदेश नम्बर १ या सभापति पदया निर्वाचनय् निगु मत जक पराजित जुम्ह गुरुराज घिमिरे न हाकन मत गणना यायेगु माग याउगु दु।

संस्थापन इतर पक्षया घिमिरे न पुनः मत गणनाया माग यासे केन्द्रीय व प्रदेश निर्वाचन समितिइ लिखित निवेदन बिउगु दु। मत परिणामय् चित्त बुझे मजुगुलि पुनः मतगणनाया माग यासे निवेदन बिउगु खः।

पदाधिकारीइ छम्ह महामन्त्री बाहेक मेपि फुक्क पदय् थापा पक्षयापि हे विजयी भएको छ ।

सरकारं कोरोनाभाइरस (कोभिड—१९) विरुद्धया खोपया स्वंगूगु मात्रा अर्थात् ‘बुस्टर’ डोज बीगु तयारी याःगु दु ।

खोपया न्हापांगु व निगूगु मात्रा काःपिं दीर्घल्वगियात स्वंगूगु मात्रा बीगु तयारी याःगु खः । म्हिगः च्वंगु राष्ट्रिय खोप सल्लाहकार समितिया मुँज्यां सरकारयात न्हापांगु व निगूगु मात्रा खोप काःपिं अले एन्टीबडी म्ह्वः दुपिं दीर्घल्वगितय्त बुस्टर डोज बीत सल्लाह बियागु परिवार कल्याण महाशाखां धाःगु दु ।

दिर्घल्वगिया थ्व पुचलय् क्यान्सर, नुगः, स्येँ, जँलास्येँ, फोक्सोसम्बन्धी जटिल स्वास्थ्य समस्या मदुपिं नागरिकत नं लाः । सरकारं पूर्ण जनसंख्यायात कोरोनाविरुद्ध खोपया पहुँचय् महःसे हे बुस्टर डोजया तयारी याःगु खः ।

अथेसां  नेपालया मुक्कं जनसंख्याया ३४ दशमलव १ प्रतिशतं न्हापांगु मात्रा खोप काःगु दुसा २८ दशमलव ६ प्रतिशतं पूर्ण मात्रा खोप कायेधुंकूगु दु ।

निकिता शाही दक्षिण एशियायालीइ साउथ एसियन इकोनोमिक मिट धेंधेंबल्लाय् न्हाप जुगु दु।

उगु ज्याझ्वलय् दक्षिण एशियाय् नेपाः, भारत, बंगलादेश, पाकिस्तान, आफगानीस्तान, श्रीलङकाया बिद्र्यीथीपि दथुइ धेंधेंबल्ला जूगु खः।

पाल्पाया त्रिभुवन बहुमुखी क्याम्पसय बीबीएम न्ह्यःगु सेमिस्टरय् ब्वनाच्वम्ह शाहीयात न्हाप जूगुलि स्वद्धः अमेरिकी डलरया सिरपा लाःगु खः।

२०१९ न्हय् भौतिक रुपं जुइगु धेंधेंबल्ला थुगुसी धासाः भर्चुयल माध्यमं जूगु धेंधेंबल्लाय् विश्व बैङकं सर्टिफाइड याना तःगु अर्थशास्त्र लिसे स्वापू दुगु थीथी विषयवस्तुइ अध्ययन अनुसन्धान याना प्रतिवेदन लःल्हायेमागु खः।