नेकपा एमालेया अध्यक्ष केपी शर्मा ओली न्यागु दलीय गठबन्धन आः खुगु दलीय जुइ धुकुगु दु धका धयादीगु दु।

बिहीबाः केन्द्रीय सल्लाहकार परिषदय् नेकपा एमालेया अध्यक्ष केपी शर्मा ओली न्यागु दलीय गठबन्धन खुग दलीय जुइ धुकुगु दु धका धाउगु खः।

बिहीबाः केन्द्रीय सल्लाहकार परिषदया बैठकयात सम्बोधन यासे अध्यक्ष ओलीं न्यागु दलीय गठबन्धन राजावादीनाप मिले जुया खुगु दलीय जुगु धका धाउगु खः।

सर्वोच्च अदालतं स्थानीय तह निर्वाचननाप सम्बन्धित छगु मुद्दा याउगु निर्णय निन्हुलिपा न निर्वाचन आयोगय् थ्यंगु मदुनि।

वंगु मंगलबाः सर्वोच्च अदालतं निर्वाचनय् उम्मेमदवारी बिइत जनप्रतिनिधिपिन्स राजीनामा बिइमाःगु प्रावधान यथावत दुगु फैसला याउगु खः।

थौं विहीबाः याउगु पत्रकार सम्मेलनय् प्रवक्ता शालिग्राम शर्मा न सर्वोच्चं याउगु आदेश थःपिन्त सञ्चार माध्यमय् जक वःगु व आयोगय् जानकारी मवनि धका धाउगु दु।

सर्वोच्च अदालतं ८ चैत २०७७ य् ‘जनप्रतिनिधिपिन्स राजीनामा बिइमाःगु प्रावधान कार्यान्वयन मयायेत’ धका अन्तरिम आदेश बिउगु खः। वयालिपा सर्वोच्चपाखे मेगु सूचं मव धका प्रवक्ता पौडेलं धाउगु दु।

झापाय् न्यागु दलीय गठबन्धनं एकीकृत समाजवादी पिहावंगु घोषणा याउगु दु।

नेपाली कांग्रेसं याकचां भागबन्डा यायेत स्वंगूलि एकीकृत समाजवादी गठबन्धनं पिहावंगु घोषणा याउगु दु।

एकीकृत समाजवादीें गठबन्धनपाखे पिहावनागु घोषणा नाप झापाया दक्को स्थानीय तहय् प्रमुख व उपप्रमुखया उम्मेदवारपिनिगु नां सार्वजनिक याउगु खः।

समाजवादीं झापाय् छम्ह, खुम्ह उपप्रमुख व १५ वडाध्यक्ष माग याउगु खः।

तर कांग्रेसं समाजवादीयात अर्जुनधारा नगरपालिका व कमल गाउँपालिकाया उपप्रमुख जक बिइगु धका धाउगु खः।

पर्साया ठोरी गाउँपालिका–१ या वडाध्यक्ष रामप्रकाश कुँवर नेकपा माओवादी केन्द्र परित्याग याना जनता समाज पार्टी (जसपा) य् प्रवेश याउगु दु।

जसपां येँ जुगु ज्याझ्वः दथुइ ठोरी–येँ सम्पर्क मञ्च गठन यासे कुँवर जसपाय् प्रवेश याउगु दु। वडाध्यक्ष कुँवरयात जसपाया केन्द्रीय सदस्य अञ्जन शाक्य लगायतया नेतापिन्स पार्टी प्रवेश याकूगु खः।

माओवादी केन्द्रपाखे निर्वाचित वडाध्यक्ष कुँवर ठोरी गाउँपालिकाया प्रवक्ताया समेत भूमिका निर्वाह यानाच्वंम्ह जनप्रतिनिधि खः।

ठोरीं विकासया निति जसपाया नेतापिन्के बालागु बिचाः दुगु कारण थः जसपाय् प्रवेश यानागु खः धका कुँवरं धाउगु दु।

सचिवालय स्थानीय तह निर्वाचनय् महानगरपालिका व उपमहानगरपालिकाया उम्मेदवारबारे छलफल यायेत नेकपा एमालेया केन्द्रीय सचिवालय बैठक थौं च्वनेत्यःगु दु।

बैठक थौं न्हिनय् १ बजे पार्टी अध्यक्ष केपी शर्मा ओलीया निवास बालकोटय् च्वनेत्यःगु दु धका एमाले प्रचार विभाग उपप्रमुख विष्णु रिजालं जानकारी बिउगु दु।

महानगर व उपमहानगरया उम्मेदवार थौं हे टुग्ये यायेगु एमालेया तयारी दु। केन्द्रीय सचिवालय बैठक च्वने न्ह्यः एमालेया केन्द्रीय सल्लाहकार परिषदया बैठक न च्वनेत्यःगु दु।

सल्लाहकार परिषदया बैठक थौं सुथय् ११ बजे ए वान पार्टी प्यालेस शंखमुलय् च्वनिइगु धका प्रचार विभाग उपप्रमुख रिजालं जानकारी बिउगु दु।