उपराष्ट्रपति नन्दबहादुर पुनं प्रजातन्त्र दिवसं भौगोलिक अखण्डता, राष्ट्रिय स्वाधिनता व नेपाली जनताया स्वतन्त्रतायात अझ न सुदृढ यासे विकास व समृद्धिया लँपुइ न्ह्यने यकेत प्रेरणा बिइगु भलसा कयादीगु दु।

प्रजातन्त्र स्थापना वया लिपा थीथी कालखण्डय् जुगु आन्दोलनपाखे वःगु राजनीतिक उपब्धियात संविधानं संस्थागत काये धुकु धका धयादीसे वयकलं थुगु उपलब्धिया संरक्षण व रक्षाय् सकसित बःबिइमाः धक धयादीगु खः।

उगु भिंतुना सन्देशय् उपराष्ट्रपति पुनं धयादीगु दु, ‘थीथी कालखण्डय् जुगु सशस्त्र संघर्ष, जनआन्दोलन, जनयुद्ध व २०६२÷६३ या ऐतिहासिक जनआन्दोलनपाखे वःगु गणतन्त्र, संघीयता, धर्मनिरपेक्षता, सामाजिक न्यायसहितया समानुपातिक समावेशी शासन व्यवस्था लगायतया राजनीतिक उपब्धियात संविधानं संस्थागत याये धुकुगु दु। थुगु उपलब्धीया संरक्षण व रक्षा यायेत झी सकसिगु जोड जुइमाः।’

राष्ट्रपति विद्यादेवी भण्डारीं प्रजातन्त्र दिवसं दिगो शान्ति, सुशासन, विकास व समृद्धि हासिल यायेत सकसित उत्साह प्रदान यायेफयेमाः धका कामना याउगु दु।

थौं प्रजातन्त्र दिवसया लसताय् भिंतुना सन्देश बियादीसे राष्ट्रपति भण्डारीं अथे धयादीगु खः।

लोकतान्त्रिक प्रणालीं जक नागरिकपिन्त एकताया स्वामा हना बलागु राष्ट्र निर्माण यायेमाः धका वयकलं लोकतान्त्रिक गणतन्त्रयात जनताया जीवन नाप स्वायेमाः धका धयादीगु खः।

वयकलं प्रजातन्त्र स्थापनाया लागि जुगु गुलिन संघर्षय् थःगु अमूल्य जीवन उत्सर्ग यासे शहीदपिन्त श्रद्धाञ्जली देछानादीगु खः।

नेकपा माओवादी केन्द्रया केन्द्रीय समिति बैठक हाकनं सरे जुगु दु।

फागुन ८ व ९ गते सःतगु बैठक फागुन २० गते तकया लागि सरे जुगु दु।

माओवादी केन्द्रया बैठक वंगु पुस २५ गतेनिसे पटक–पटक सरे जुया वयाच्वंगु खः। 

वंगु २४ घण्टाया दुने देयन्यक थप ४३७ म्हेसित कोरोना भाइरस संक्रमण पुष्टि जुगु खः।

स्वास्थ्य तथा जनसंख्या मन्त्रालयया कथं ५ हजार १३३ म्हेसिगु पीसीआर परीक्षण याउगुलि २७५ म्ह व ३ हजार ९५८ म्हेसिगु एन्टिजेन परीक्षण याउगुलि १६२ म्ह याना ४३७ म्हेसित संक्रमण पुष्टि जुगु दु।

वंगु २४ घण्टाय् २ हजार ४५४ म्ह कोरोना संक्रमणमुक्त जुगु दु। कोरोना संक्रमणं निम्हेसिगु ज्यान वंगु दु।

प्रतिनिधिसभाया शुक्रबाः बैठक प्रमुख प्रतिपक्ष दल नेकपा (एमाले) न बैठक अवरोध कायम हे याउगु दु।

थौंया बैठक १० मिनेट २१ सेकेन्ड जक सञ्चालन जुगु खः। थौंया लागि छगु हे जक कार्यसूची तय जुगु खः। बैठकय् आदिवासी जनजाति आयोगया आर्थिक वर्ष २०७७÷७८ या वार्षिक प्रतिवेदन पेस याउगु खः।

प्रधानमन्त्री शेरबहादुर देउवाया पाखे कानुन, न्याय तथा संसदीय मामिलामन्त्री दिलेन्द्रप्रसाद बडू न प्रतिवेदन प्रस्तुत याउगु खः।

प्रतिनिधिसभाया मेगु बैठक थ्व हे फागुन ८ गते आइतबाः न्हिनसिया १ बजेया लागि सःतूगु दु।