मुख्यमन्त्री अष्टलक्ष्मी शाक्यया विश्वास मतसम्बन्धी प्रस्तावय् मतदान मयासे बागमती प्रदेशया प्रदेशसभा बैठक कात्तिक १० गते तकया स्थगित जुगु दु।

बिहीबाःया बैठक मुख्यमन्त्री शाक्यं तःगु विश्वासया मतसम्बन्धी प्रस्तावय् छलफल क्वचायेवं सभामुख सानुकुमार श्रेष्ठं कात्तिक १० गते तकया लागि बैठक स्थगित याउगु दु। बैठकय् मुख्यमन्त्री शाक्यं थःत विश्वासया मत बिइत प्रदेश सभाय् प्रस्ताव तःगु खः।

तर विपक्षी गठबन्धनय् दुपि नेकपा माओवादी केन्द्र संसदीय दलया नेता शालिकराम जम्मकट्टेल, नेपाली कांग्रेस संसदीय दलया नेता ईन्द्रबहादुर बानियाँ, नेकपा एकीकृत समाजवादी संसदीय दलया नेता राजेन्द्र पाण्डे व जनता समाजवादी पार्टीया सांसद प्रेमबहादुर तामाङं मुख्यमन्त्री शाक्ययात विश्वासया मत बिइ फइ मखु धका धाउगु खः।

थौं कतिपुन्हि कुन्हु हाँडि गामय् तजिक जात्रा जुगु दु।

हाँडि गामय् ‘गन मदुगु जात्रा हाँडी गामय्।’ धका न धायेगु याः। स्वंगु रथ पिकाइ। उगु रथय् गजू क्वय् व बिचय् मचा छेँ व द्यःया मूर्ति च्वय् तया रथया निर्माण याना तइगु खः।

द्यःया मचाः छेँय् क्वय् चाहिकेगु याइ। नाप रथय् मैनया नस्वाँगु स्वां तयातःगु दइ। थथे फरक व बिस्क शैलीयन जात्रा जुगुनि गन मदुगु जात्रा हाँडी गामय् धायेगु याइगु खः।

लगातार निन्हु यकं तसकं घटे जुगु शेयर बजाः परिसूचक नेप्से थौं भचा थहावंगु दु।

नेप्से थौं ६० दशमलव ५६ अङ्क थहावना २ हजार ५७१ दशमलव ६६ विन्दइ थ्यःगु दु। थौं दक्को समूहया शेयर थहावःगु दु। बैंकिङ समूहया शेयर ३२ अङ्कं, विकास बैंक समूह १४१, व्यापार ९०, होटल ९२, फाइनान्स १२१ व माइक्रोफाइनान्स समूहया शेयर ९९ अङ्कं थहावंगु दु।

अथेहे जलविद्युत् समूहया शेयर १०८ अङ्क, जीवन बीमा समूह १८९ अङ्क, निर्जीवन बीमा समूह २४८, उत्पादन समूहया १२२ व मेमेगु समूहया शेयर ६३ अङ्कं थहावंगु दु। थौं २१७ गु कम्पनीया शेयर कारोबार जुगुलि १२ गु बाहेक दक्को शेयर थहावंगु दु।

दकलय् अप्वो मैलुङ खोला हाइड्रो, आँखु खोला जलविद्युत्, युनिभर्सल पावर कम्पनी, सीईडीबी हाइड्रो व नेशनल हाइड्रो कम्पनीया शेयर १० प्रतिशतं थहावंगु दु।

थौं नेप्से थहावःसा कारोबार ल्याः व रकम धासा घटे जुगु दु। ६१ लाख १ हजार कित्ता शेयर २ अर्ब ६७ करोड रुपैयाँ कारोबार जुगु दु।

लक्ष्मण नेवा:  

मदुगु हसनां नुगलय् ध्वयेवं  

यो पासा जिमि लक्ष्मण नेवा: !  

त्रिसुलीया हे गंगा छ !  

न्ह्याक्व बा:वना: च्वंसां त्रिसुली  

स्वीमखु गबलें स्वीमखु ल: !  

छम्हजक नेवा: दत्तले त्रिसुली  

सीमखु गबलें, सीमखु छ !  

शोकाकुल 

येँया पासापिं  

स्वास्थ्य मन्त्रालयया कथं दकलय् अप्वो येँ १९२ म्हेसित कोरोना सक्रमण पुष्टि जुगु दु।

अथेहे रुपन्देहीइ ४१ म्ह, कास्कीइ ३८ म्ह, यलय् ३५ म्ह, मोरङय् २८ म्ह, ख्वपय् २३ म्ह, चितवनय् १८ म्ह, सुर्खेतय् १५ म्ह, मकवानपुरय् १४ म्ह, दाङय् ११ म्ह व झापाय् १० म्हेसित कोरोना संक्रमण पुष्टि जूगु दु।