सामाजिक सद्भावया पक्षयात पुस्तान्तरण यायेगु उदेश्यं येँ महानगर वडा ३ य् थौं मंकाः सिन्ह टिइगु व जेष्ठ नागरिक सम्मान ज्याझ्वः जुगु दु।

उगु ज्याझ्वलय् पूर्व उपप्रधानमन्त्री ईश्वर पोखरेल, महानगरया मेयर विद्यासुन्दर शाक्य व वडाध्यक्ष दीपक के. सी. न दोसल्ला न्येयका नाप रुद्राक्षया मालां सम्मान याउगु दु।

वया लिपा जेष्ठ नागरिकपिन्त सिन्ह टिइकेगु ज्याझ्वः जुगु खः। पूर्व उपप्रधानमन्त्री पोखरेलं, मोहनी सकसिया भाषाभाषी व जातजातियात सामाजिक सद्भावया सुत्रय् तःगु दु धका उल्लेख याउगु दु। थ्व थः व थं सम्बन्ध स्थापना यायेगु ई न खः धका नेता पोखरेलं धाउगु खः।

जेष्ठ नागरिकपिनिगु सहज जीवनया लागि येँ महानगरपालिकां महानगर विशेष भत्ताया व्यवस्था यानागु दु। ज्याझ्वलय् महानगरया मेयर शाक्यं धाउगु दु, हरेक वडाय् जेष्ठ नागरिक मनोरञ्जन केन्द्र दयकेत्यनागु दु। जेष्ठ नागरिकमैत्री पार्क निर्माण यायेत्यनागु दु।

स्वास्थ्य उपचारयात सहज दयकयेत प्रणाली विकास यात्यनागु दु। मोहनी सिन्हयात समावेशी दयकेत स्वयाउगु खः। थन जिमिसं जात छुटे यानागु मदु। वडाय् न्ह्याउगु न जातयापि दु सा जेष्ठ नागरिकपिन्त सःतागु दु धका मेयर शाक्यं धाउगु दु।

सुनसरीया धरानय् चलखं निम्ह मस्त सीउगु दु।

मदिक्क वाः वया चलः वया धरान उपमहानगरपालिका– १३ नागेश्वर मार्ग च्वपि निसान राईया च्यादँ दुम्ह म्ह्याय् निसु व प्यदँ दुम्ह काय् निहान राई सीउगु खः।

मंगलबाः न्हिनसिया पौने २ बजे चलः वया टिनया छेँ ल्हाउगु खःसा निम्ह मस्त अझ न बेपत्ता जुयाच्वंगु दु। घटनाया जानकारी वयेव इलाका प्रहरी कार्यालय धरानपाखे उद्धारया लागि प्रहरी टोली खटे जुगु दु।

उद्धारय् खटे जुपि प्रहरी टोलीं न्हिनसिया साढे ३ बजे निम्ह हे मस्त मृत अवस्थाय् लुगु दु धका प्रदेश प्रहरी कार्यालय विराटनगरं जानकारी बिउगु दु।

प्रतिनिधिसभाया बैठक निन्हु लिपा लिहावंगु दु। प्रतिनिधिसभाया बैठक थ्व हे वइगु कार्तिक ९ गतेया लागि सःतूगु खः।

तर, ९ गते प्रमुख विपक्षी नेकपा एमाले न पालिका अधिवेशन याउगुलि प्रतिनिधिसभाया बैठक लिजाउगु धका संसद सचिवालयं धाउगु दु।

९ गते एमाले न देयन्यक पालिका अधिवेशन याइगु जुगु दु। सभामुख अग्निप्रसाद सापकोटां प्रतिनिधिसभा नियमावली २०७५ या नियम ६ या उपनियम ३ बमोजिम कथं बैठक कार्तिक ११ गते न्हिनय् २ बजे बैठक सःतिइगु क्वछिउगु दु धका संसद सचिवालयया महासचिव डा.भरतराज गौतमं छगु सूचं पिकया जानकारी बिउगु दु।

परराष्ट्रमन्त्री नारायण खड्का व चिनियाँ विदेशमन्त्री वाङ यी दथुइ टेलिफोन सम्वाद जुगु दु।

मंगलबाः जुगु खँल्हाबल्हाय् चिनियाँ विदेशमन्त्री यी न थप २० लाख डोज खोप अनुदान बिइगु घोषणा याउगु दु धका मन्त्रालयं जारी याउगु प्रेस विज्ञप्तिइ उल्लेख याउगु दु।

यी न परराष्ट्रमन्त्री खड्कायात चीन भ्रमणया निमन्त्राण न बिउगु दु। मन्त्रालयया कथं टेलिफोन खँल्हाबल्हाय् खड्का व यी दथुइ निगु पक्षीय सम्बन्ध, कोभिड–१९ विरुद्धया खोपय् सहकार्य, व्यापार व विकास समन्वय व सीमा व्यवस्थापनया विषय छलफल जुगु खः।

थौं जुगु टेलिफोन सम्वादय् तातोपानी व रसुवागढी नाकापाखे थप कन्टेनर हयेगु विषय न छलफल जुगु दु धका धाउगु दु।

चितवनया नारायणी खुसिया ताँ तिंन्हुयाः छम्ह मनू बेपत्ता जूगु दु।

नवलपुरया गैंडाकोटपाखें नारायणी ताँ वःम्ह थ्यंमथ्यं ५५ दँया मिजं नं तांया दथू तिंन्हुयाः बेपत्ता जूगु धका प्रहरीं जानकारी बिउगु दु। वडा प्रहरी ज्याकुथि नारायणगढया प्रमुख प्रहरी निरीक्षक रघुसिंह विष्टया कथं तिंन्हुया वंम्ह मिजंया मालेगु ज्या जुयाच्वंसां नं आःतकं लुयावःगु मदुनि ।

खुसिइ लः अप्वःगु व बुलुसे नं च्वंगुलिं आःतक उद्धार ज्या जुयाच्वंसां नं लुयामवःगु विष्टं धाःगु दु । वं तिंन्हुइ न्ह्यः तांमय् तपुली, गञ्जी व निद्वःव स्वसः तका दां त्वःताथकूगु तर मेगु म्हसीका सिइदूगु छुं नं प्रमाण लुयामवःगु प्रहरी निरीक्षक विष्टं धाःगु दु ।