लुँया भाः थौं सामान्य घटे जुगु दु। लुँ तोलां थौं निसः क्वहावःगु दु।

लुँ तोला निसः कुहावया थौं ९१ हजार ८ सय रुपैयाँ कारोबार जुगु दु धका नेपाल सुनचाँदी व्यवसायी महासङ्घं धाउगु दु।

अथेहे, वहः तोलां न झीतक कुहावंगु दु। थौं वहः झीतका कुहावया ११ सय ९० रुपैयाँ कारोबार जुगु दु।

नेपाली कांग्रेसया केन्द्रीय सदस्य जीवन परियारं पार्टीया १४ क्वःगु महाधिवेशनय् सहमहामन्त्रीया उम्मेदवारी घोषणा याउगु दु।

मंगलबाः येँ पत्रकार सम्मेलन यासे नेता परियारं दलितपाखे सहमहामन्त्री पदय् उम्मेदवारी बिइगु घोषणा याउगु दु।

कांग्रेसय् थुगु पटकनिसे समावेशी समूह अन्तर्गत खस आर्य, महिला, थारु, आदिवासी जनजाति, दलित, मधेशी, मुस्लिम व लिउने लागु क्षेत्रपाखे छम्ह छम्हेसिया सहमहामन्त्री जुइगु व्यवस्था याउगु खः।

केन्द्रीय सदस्य परियारं संस्थापन इतर समूहपाखे सहमहामन्त्रीया उम्मेदवार जुइत्यंगु खः। संविधान सभा सदस्य जुयादीम्ह वयक १२ क्वःगु महाधिवेशननिसे निरन्तर केन्द्रीय सदस्य जुयाच्वम्ह खः।

नेपाली कांग्रेसया नेता प्रकाशमान सिंह न १४ क्वःगु महाधिवेशनयात लक्षित यासे सम्पर्क कार्यालय स्थापना याउगु दु।

नेता सिंह सिंहदरबारया पश्चिम गेट नाप ट्राफिक कार्यालयय् सम्पर्क कार्यालय सन्चालन याउगु दु। सम्पर्क कार्यालय सन्चालनबारे जानकारी बिइत याउगु ज्याझ्वलय् नेता सिंह छेँ भेटघाट यायेगु स्वया थ न अपूसे च्वनिइ जुगुलि सम्पर्क कार्यालय खोले यानागु धका धाउगु खः।

नेता सिंहं पार्टीया १४ क्वःगु महाधिवेशनया सभापति पदया उम्मेदवारी बिइगु घोषणा याउगु खः। तर सिहंया समूहय् वरिष्ठ नेता रामचन्द्र पौडेल, महामन्त्री डा. शशांक कोइराला व केन्द्रीय सदस्य डा. शेखर कोइराला न सभापतिया उम्मेदवारय् दाबी याउगु खः।

साझा उम्मेदवार छनोट यायेगु निति उमिगु दथुइ पूर्वमहामन्त्री सिंहया निवासय् थौं न्हिनय् छलफल जुइत्यंगु दु।

निष्ठानन्द बज्राचार्यया १६५ क्वःगु बुदिं थौं छगु ज्याझ्वःयासे हःगु दु।

येँया ओमबहालय् निष्ठानन्द स्मृति गुथिया ग्वसालय् छगु ज्याझ्वः जुगु खः। गुथिया संरक्षक प्रा. सुवर्ण शाक्यया सभाध्यक्षताय् जुगु उगु ज्याझ्वल् मूवक्ता कथं अनुबेशक प्रा. काशिनाथ तमोतं निष्ठानन्द नेपालभाषा याःगु योगदानया बिषय कनादीगु खः।

गुथिया अध्यक्ष पबित्र बज्रचार्य न्ह्याकुगु ज्याझ्वलय् थीथी ब्यक्तिmपिन्स निष्ठानन्दया झ्वाताय् स्वांमा देछानादीगु खः।

भारत, अमेरिका व बेलायतया लागिं प्रस्तावित राजदूततय् नां संसदीय सुनुवाइ समितिं अनुमोदन याःगु दु ।

संसदीय सुनुवाइ समितिइ सांसदतय् न्ह्यसःया लिसः बीधुंकाः भारतया लागिं प्रस्तावित राजदूत डाक्टर शंकर शर्मा, अमेरिकाया लागिं प्रस्तावित राजदूत श्रीधर खत्री व बेलायतया लागिं प्रस्तावित राजदूत ज्ञानचन्द्र आचार्यया नां सर्वसम्मतं अनुमोदन याःगु खः ।

थ्वयां न्ह्यः सुनुवाइया झ्वलय् सांसदतय्सं बेलायतया लागिं प्रस्तावित राजदूत ज्ञानचन्द्र आचार्ययात गोर्खा सैनिकतय् अधिकारया पक्षय् ज्या यायेत इनाप यानादिल । सांसदत सुरेन्द्र पाण्डे व देव गुरुङलिसें नं बेलायती सेनाय् ज्या यानाच्वंपिं व सेवा निवृत्त नेपाली नागरिकया ज्वलिंज्वः पेन्सनलिसेंया समस्या ज्यंकेत इनाप यात ।

अथे हे, सांसद भीमसेनदास प्रधानं बेलायती प्रधानमन्त्रीयात नेपाल भ्रमण याकेगु विषययात प्राथमिकताय् तयेत इनाप यानादिल । सांसद जितेन्द्रनारायण देवं थीथी देशय् दुपिं नेपाली दूतावास व नियोगतय् ज्या अनुगमन यायेत संसदीय संयन्त्र माःगु धयादिल ।

संसदीय सुनुवाइया झ्वलय् अमेरिकाया लागिं प्रस्तावित नेपाली राजदूत श्रीधर खत्रीं मिलेनियम च्यालेन्ज कर्पोरेसन (एमसीसी) यात इन्डो प्यासिफिकलिसे स्वायेगु गलत जूगु धायदिल । थुकी नेपाल व अमेरिका निखें हे भ्रम न्यंकातःगु वय्कःया धापू खः ।

खत्रीं एमसीसी विकासया लागिं वःगु अनुदान खःगु व संसदं पास यायेमाः धकाः नेपालया हे कानुन मन्त्रालयं धाःगु धयादिल । अमेरिकी सहायकमन्त्रीं नं एमसीसी इन्डो प्यासिफिक रणनीति अन्तर्गत लाः धाःगुलिं भ्रम न्यंगु वय्कःया जिकिर खः ।

भारतया लागिं प्रस्तावित राजदूत डाक्टर शंकर शर्मां भारतलिसे सहकार्य यासें थवंथवय् हितया लागिं न्ह्याःवनेत न्हापां विश्वासया लकस, निगूगु रणनीतिक व स्वंगूगु अल्प, मध्य अले दीर्घकालीन योजना दयेकाः न्ह्याःवनेगु जानकारी बियादिल ।