नेपाली कांग्रेसया महामन्त्री गगनकुमार थापां अमेरिकी सहयोग परियोजना एमसीसी सहमति मजूसा गठबन्धन त्वाधली धका धाउगु दु।

शुक्रबाः संसद बैठकलिपा सञ्चारकःमिपि नाप खँल्हासे थापां संकल्प प्रस्ताव पास यायेगु, थःगु रोजाइ कथं मत बिइगु लगायतया विकल्पय् छलफल जुइ धका धाउगु दु।

थापां एमसीसीयात चुनावलिपा यायगु प्रस्ताव स्वीकार्य जुइ मखु धका धाउगु दु।

अमेरिकी सहायता परियोजना एमसीसीया विषय छलफल यायेत सत्ता गठबन्धनया बैठक सुरु जुगु दु।

प्रधानमन्त्री निवास, बालुवाटारय् म्हिगः च्वगु बैठकय् सहमति मजुइवं थौं हाकन बैठक च्वंगु खः।

अमेरिकां एमसीसी छु न संशोधन जुइ मखु धाउगुलि थौंया बैठकय् न सहमति जुइगु सम्भावना कम खनेदु। प्रधानमन्त्री देउवां माओवादी केन्द्रया अध्यक्ष पुष्पकमल दाहाल प्रचण्डया इनाप याउगुलि स्थगित याउगु खः।

प्रधानमन्त्री नाप कांग्रेस सभापति शेरबहादुर देउवा थौं प्रकाशमान सिंहया निवास चाक्सीबारी थ्यंगु दु।

नेता प्रकाशमानया काय् भास्करमान सिंहया ब्याःभ्वँजय् बिहेमा ब्बति कायेगु निति प्रधानमन्त्री देउवा चाक्सीबारीइ थ्यंगु खः।

नेता सिंहया परिवार नापलाना भिंतुना बिया आघा घण्टा च्वना प्रधानमन्त्री देउवा लिहावंगु खः।

अमेरिकी सहयोग परियोजना एमसीसीबारे सहमति मालेगु निति सत्तारुढया प्यंगु दलया शीर्ष नेतापिनिगु बैठक विना निष्कर्ष टुंगे जुगु दु।

बालुवाटारय् च्वंगु बैठकय् प्रधानमन्त्री शेरबहादुर देउवां कन्ह्य शुक्रबाः सःतूगु संसद बैठकय् एमसीसी टेबल यायेगु प्रस्ताव याउगु खः। तर माओवादी केन्द्रं संसदया अवरोध हटे यायेमाःगु  धका अडान तःगु दु।

सञ्चार तथा सूचना प्रविधिमन्त्री ज्ञानेन्द्रबहादुर कार्की न प्रधानमन्त्रीं एमसीसी संसदय् टेबल यायेगु प्रस्ताव याउगु खः। फेब्रुअरी २८ (फागुन १६) तक थुकियात निष्कर्षय् थ्यकेमाःगु धका प्रधानमन्त्रीं टेबल यायेमाःगु प्रस्ताव तःगु खः।

सीता परियार दलित समुदायपाखे न्हापाम्ह प्रमुख जिल्ला अधिकारी (सीडीओ) जुम्ह नेपालया न्हापाम्ह मिसाम्ह जुगु दु।

परियार हुम्लाया सीडीओ जुगु खः। थ्व स्वया न्ह्यः दलित समुदायपाखे मिजंपि डा. मानबहादुर विश्वकर्मा, सन्तबहादुर सुनुवार सीडीओ जुइ धुकुगु खः।

तर, सीता धासा दलित समुदायपाखे न्हापाम्ह सीडीओ जुगु खः।