नेपाल प्रहरीइ स्वम्ह प्रहरी अतिरिक्त महानिरीक्षक (एआईजी)या दरबन्दी थप याउगु दु।

थौं बिहीबाः च्वंगु मन्त्रिपरिषद् बैठकया प्रहरीइ स्वम्ह विशिष्ट श्रेणीइ दरबन्दी थप  यायेगु निर्णय जुगु दु धका छम्ह मन्त्रीं धाउगु दु। थप जुगु दरबन्दी बढुवाया लागि घनश्याम अर्याल, प्रकाशजंग कार्की, वसन्तकुमार पन्त, ईश्वरबाबु कार्की, धिरजप्रताप सिंह, वसन्तकुमार लामा, रवीन्द्रबहादुर धानुक, उत्तमराज सुवेदी, अरुणकुमार बिसी लगायत प्रतिष्पर्धीपि खः।

थप जुगु दरबन्दी बढुवा जुइगु लागि डीआईजी पन्त, कार्की, धिरजप्रताप सिंह, रवीन्द्रबहादुर धानुक, उत्तमराज सुवेदीको लबइङ न्ह्यने दु। उकि मध्ये पन्त व कार्की आः महानिरीक्षक शैलेश थापा क्षेत्रीया ब्याचयापि खः।

सिंह, धानुक व सुवेदीमध्ये न्ह्याम्हेसिया एआईजी जूसा भावी महानिरीक्षकया दाबेदार खः। विश्वराज पोखरेल व सहकुलबहादुर थापा थ्व स्वया न्ह्यः हे एआईजी जुइ धुकुगु दु।

बालाजुइ बसया ठक्करं निम्ह पैदलयात्रीपिनिगु ज्यान वंगु दु।

बालाजुया गंगा हल न्ह्यने सतकय् थौं सुथय् ६ बजे बस ठक्करं छम्ह मिजं व छम्ह मिसाया ज्यान वंगु दु।

रसुवाया १८ दँ दुम्ह विकास तामाङया म्हसिका सीइमदुनि। ५०÷५५ दँ मिसा सनाखत जुइ ल्यःदनी धका प्रहरीं धाउगु दु। उमिइगु  त्रिवि शिक्षण अस्पताल महाराजगञ्जय् उपचारया झ्वलय् सीउगु दु।

ठक्कर बिउगु बसया नाप चालक धासा फरार जुयाच्वंगु दु। उमित मालेगु ज्या जुयाच्वंगु दु धका प्रहरीं धाउगु दु।

निर्वाचन आयोगं दल दर्ताया लागि आह्वान याउगु दु।

आयोगं स्थानीय तहया निर्वाचन प्रयोजनया लागि दल दर्ताया आह्वान याउगु दु। थौं थ्व हे फागुन १५ गते तक दल दर्ताया ई निर्धारण याउगु दु।

स्थानीय तह निर्वाचन थ्व हे वइगु वैशाख ३० गते जुइगु निर्णय जुइ धुकुगु दु। निर्वाचनय् ब्बति काइपि राजनीतिक दलं दल दर्ता यायेमाः। आः निर्वाचन आयोगय् १०३ गु दल दर्ता यानातःगु दु।

उगु दलं निर्वाचन प्रयोजनया लागि दल दर्ता यायेमाःगु व्यवस्था दु।

ज्यान्सेन (जे एण्ड जे) खोप कापिन्स न बुस्टर डोज कायेफइ धका स्वास्थ्य तथा जनसंख्या मन्त्रालयं धाउगु दु।

जिल्ला–जिल्लापाखे न्हापागु मात्रा कापिन्सं न जे एण्ड जे खोप काये ज्यू कि मज्यु धइगु न्ह्यसः वःगुलि मन्त्रालयं छगु सूचं जारी यासे बुस्टर डोज कायेज्यू धका धाउगु खः।

मन्त्रालयया कथं मेमेथु खोप कायेधुकपि थे १८ दँ दये धुकुपिन्स जे एण्ड जे खोप काउगु खुला दयेधुका बुस्टर डोज कायेज्यू धका धाउगु दु। जे एण्ड जे न्हापा कापिन्सं आः न वहे बुस्टर डोज कायेत मन्त्रालयं सुझाव बिउगु दु।

यदि उगु खोप जे एण्ड जे कायेधुकूपिन्स बुस्टर मात्राया रुपय् कोभिशिल्ड, अस्ट्राजेनिका, मोडर्ना वा फाइजर खोप कायेज्यू धका मन्त्रालयं धाउगु दु।

अमेरिकी सहयोग परियोजना एमसीसीया विषय छलफल यायेत सत्ता गठबन्धनया बैठक थौं च्वनिइगु जुगु दु।

थौं न्हिनसिया ३ बजे च्वनेत्यंगु दु। शुक्रबाः प्रतिनिधि सभाय् एमसीसी पेश यायेगु तयारी जुगु मंकाः धारणा दयकेगु कुतः यायेत गठबन्धनया बैठक च्वनेत्यंगु खः।

बुधबाः संसद बैठकय् एमसीसी पेश यायेगु सरकारया तयारी दु। तर दलपि दथुइ सहमति कायम मजुलि म्हिगः स्थगित याउगु खः। प्रधानमन्त्री शेरबहादुर देउवा व माओवादी केन्द्रया अध्यक्ष प्रचण्ड दथुइ जुगु उगु भेटवार्ताय् एमसीसी संसदय् पेश याये न्ह्यः गठबन्धनया बैठक सत्येगु सहमति जुगु खः।

उकिया लागि थौं गठबन्धनया बैठक एमसीसीया सम्बन्धय् निर्णायक जुइगु अनुमान याउगु दु।