नेकपा माओवादी केन्द्रया अध्यक्ष पुष्पकमल दाहाल ‘प्रचण्ड’ या जहान सीता दाहालयात न कोरोना संक्रमण पुष्टि जुगु दु।

वयात मेडिसिटी अस्पतालया आईसीयूलय् भर्ना याना उपचार जुयाच्व.गु दु। पारिवारिक स्रोतया कथं दाहाल स्वन्हु न्ह्यः हे अस्पतालय् भर्ना जुगु खः।

वयाके निमोनिया तक खनेदुगु धका धाउगु दु। पारिवारिक स्रोतया कथं आः स्वास्थ्य स्थिर खनेदु।

यलया सुनाकोठीइ बालकुमारी देगलय् मूर्ति खुया यकूगु दु।

निगु फिट तजाःगु व डेढ फिट चौडाइ दुगु उगु मूर्ति थौं चान्ह्य खुया यकूगु दु। द्यःया थाय् पुजारीं थौं सुथय् ४ बजे नित्य पूजा यायेत वंगुलि मूर्ति मखनेवं स्थानीय जनप्रतिनिधिपिन्त खबर याउगु खः।

वया लिपा प्रहरीयात जानकारी बिउगु खः। स्थानीयपिनिगु कथं द्यःया थाय् दुहावनेत प्यंगु लुखाः दुहावनेमाः,अन गूगु ताचा दु।

उगु दक्को ताचा तछ्याना मूर्ति खुया यकूगु खः।

निर्वाचन आयोगं राष्ट्रिय प्रजातन्त्र पार्टी (राप्रपा)यात विधानय् हिन्दू राष्ट्र व राजसंस्था शब्द हटे यायेत धाउगु दु।

आयोगं माघ २ गते राप्रपायात छ्वंगु पतिइ विधानया प्रस्तावनाय्  ‘सनातन हिन्दू राष्ट्र नाप राजसंस्था सहितया प्रजातन्त्रया मान्यता अभिवृद्धि यायेत व कायम यायेत’ धइगु वाक्यांश हटे यायेत धाउगु खः।

थ्व संविधानया प्रस्तावना नाप भावना प्रतिकूल जुगुलि हटे यायेमाःगु धका आयोगं धाउथु खः।

आयोगं माओवादी केन्द्रयात न विधानय् दुगु वर्ग संघर्ष, साम्यवाद थे जाःगु शब्द हटे यायेत निर्देशन बिउगु दु।

स्वास्थ्य तथा जनसंख्या मन्त्रालयया कथं न्हूपि संक्रमित मध्ये ५३०६ म्ह स्वनिगलय् जक जुगु दु।

अथेहे येँ जक ३७६२ म्हेसित कोरोना सक्रमित जुगु दु। अथेहे, यलय् १११० म्ह ख्वपय् ४३४ म्हेसित संक्रमितपि थपे जुगु दु।

अथेहे कास्कीइ ४००, मोरङय् २७३, सुनसरीइ २१२, कैलालीइ १७०, चितवनय् १५३, रुपन्देहीइ १४९, बाँकेय् १४८, मकवानपुरय् १४७ व काभ्रेय् १०१ म्हेसित संक्रमण पुष्टि जुगु दु।

वंगु २४ घण्टाया दुने देयन्यक थप १० हजार २५४ म्हेसित कोरोना भाइरस कोभिड–१९) या संक्रमण जुगु दु।

अथेहे थौं १६ म्ह कोरोना सक्रमणं मदुगु दु। मन्त्रालयया कथं देयन्यक २० हजार १८७ म्हेसिगु नमुना परीक्षण याउगु खः।

१४ हजार ४६२ म्हेसिगु नमुना पीसीआर टेष्टय् ८ हजार ३१२ म्ह व ५ हजार ७२५ म्हेसिगु नमुना एन्टीजेन टेष्ट याउगुलि २ हजार ४२ म्ह याना १० हजार २५४ म्हेसित संक्रमण पुष्टि जुगु खः।

पीसीआरपाखे संक्रमण दर बढे जुया ५६.८ प्रतिशत थ्य.गु दु। बुधबाः ५२.६ दुगुे संक्रमण दर थ्यःगु खः। वंगु निन्हु न्ह्यः जक ४७.९ व ४७.३ थ्यंगु खः। वंगु २४ घण्टाय् ७०८ म्ह संक्रमणमुक्त जुगु दु।