अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सम्झौताया विरोधय् नेकपा विप्लव समूह न थौं येँ प्रदर्शन याउगु दु।

सोमबाः माइतीघरय् जुगु प्रदर्शनय् महासचिव नेत्रविक्रम चन्द विप्लव, नेतापि खड्गबहादुर विश्वकर्मा, हेमन्तप्रकाश वली लगायतया नेतापिनिगु सहभागी दुगु खः।

सतक व विद्युत प्रशारण लाइन निर्माणया लागि अमेरिकां ५०० मिलियन डलर अनुदान बिइगु निति नेपाल सरकार नाप सन् २०१७ य् एमसीसी सम्झौता याउगु खः।

उगु सम्झौता संसदपाखे अनुमोदन याय मज्यू धका थीथी राजनीतिक दल व समूहपिन्स निरन्तर प्रदर्शन याना वयच्वंगु खः।

मोहनीया लागि नेपाल राष्ट्र बैंकं न्हुगु नोट वितरण याइगु जुगु दु।

राष्ट्र बैंकया कार्यकारी निर्देशक रेवती नेपालं असोज ४ निसे बालुवाटार कार्यालय व प्रदेश स्थित प्रादेशिक कार्यालयपाखे न्हुगु नोट वितरण याइगु जानकारी बिउगु दु।

‘क’ वर्गया बैंकपिन्स मोहनीया लागि न्हुगु नोट वितरण याइ। यक्को थे बैंकय् न्हुगु नोट थ्यने धुकुगु दु धका जानकारी बिउगु दु। छु विकास बैंक व फाइनान्स कम्पनीपिन्स न्हुगु नोट यकें धकुगु दु धका धाउगु दु।

तर बैंकय् व क्षेत्रीय कार्यालय तक वितरण याये धुकुगु जुगुलि न्हापा न्हापा थे भीडभाड जुइ मखु धका राष्ट्र बैंकं धाउगु दु।

कार्यकारी निर्देशक नेपालया कथं छम्ह मनूयात १८ हजार ५ सय रुपैयाँया दरं न्हुगु नोट वितरण यायेत्यंगु दु।

प्रमुख प्रतिपक्षी नेकपा एमालें सभामुख अग्निप्रसाद सापकोटा न आह्वान याउगु सर्वदलीय बैठक ब्बति मकाइगु जुगु दु।

एमाले केन्द्रीय कार्यालयया सचिव शेरबहादुर तामाङं बैठकय् एमाले सहभागिता जुइ मखु धका जानकारी बिउगु दु।

“थौं सःतुगु उगु बैठकय् जिमिगु पार्टी सहभागी जुइ मखु,” वयधलं धयादीउगु । सभामुखं थौंसंसदया प्रतिनिधित्व याइगु दलयात सःतूगु खः।

एमाले न लगातार संसद् बैठकय् बिरोध याना वयाच्वंगुलि निकासया लागि सभामुखं सर्वदलीय बैठक सःतूगु खः।

बागमती प्रदेश प्रहरी कार्यालय हेटौंडाय् २०७८ तक बस्तुस्थिति प्रतिवेदन प्रस्तुत याउगु दु।

बागमती प्रदेश प्रहरी प्रमुख प्रहरी नायव महानिरीक्षक डिआइजी प्रकाशजगं कार्कीया नेतृत्वय् बागमती प्रदेशया एसपी नवराज अधिकारी व मेम्ह एसपी ईश्वर थापां बागमती प्रदेशया आन्तरिक मामिला तथा कानून मन्त्री डा. अजयक्रान्ति शाक्ययात उगु प्रतिवेदन प्रस्तुत याउगु खः।

प्रतिवेदन प्रस्तुत याये धुका सम्वोधन यासे मन्त्री शाक्यं भौतिक संरचनां सुसज्जित जुइवं जक अपराध म्हो जुइ मखु धका धयादीसे मनू तयेगु अपराध मानसिकता, व्यवहार व वातावरण नाप निर्भर जुइ धका धयादीगु दु । ‘मानसिक रुपय् हे चेतनशील, विवेकशील, करुणा व मैत्री भावनां जालकि जक बालापि नागरिक दयकेगु निति लगे जुइमाः,’ मन्त्री शाक्यं धयादीगु दु, ‘अथे जूसा जक सुखी नेपालीया अभियान ताः लाइ धका धाउगु दु।’ मन्त्री शाक्यं आन्तरिक ममिला मन्त्रालयं वइगु दिं बजेट निर्माण याये वलय् प्रदेश प्रहरीनाप न सम्वन्वय यायेगु प्रतिवद्धता व्यक्त यासे अपराध न्यूनिकरण यायेत व आदर्श समाज निर्माण यायेगु सन्र्दभय् प्रदेश प्रहरीयात माःगु ग्वाहाल यायेगु जुइ धका धयादीगु दु।

सभामुख अग्निप्रसाद सापकोटाया आह््वानय् थौं संसदय् प्रतिनिधित्व याइपिनिगु दलया मंकाः बैठक च्वनिइगु जुगु दु।

उगु बैठक न्हिनय् २ः३० बजे संघीय संसद भवनया ल्होत्से हलय् सःतूगु खः। उगु बैठक संसद जारी गतिरोध अन्त्य लगायतया महत्वपूर्ण समसामयिक विषय केन्द्रित जुइ धका सभामुखया प्रेस विज्ञ श्रीधर न्यौपाने न जानकारी बिउगु दु।

छलफलय् प्रधानमन्त्री नाप कांग्रेस संसदीय दलया नेता शेरबहादुर देउवा, विपक्षी दलया नेता केपी शर्मा ओली, माओवादी केन्द्रया सभामुख अग्निप्रसाद सापकोटाया आह््वानय् थौं संसदय् प्रतिनिधित्व याइगु दलया मंकाः बैठक च्वनेत्यंगु खः।

उगु छलफलय् प्रधानमन्त्री नाप कांग्रेस संसदीय दलया नेता शेरबहादुर देउवा, विपक्षी दलया नेता केपी शर्मा ओली, माओवादी केन्द्रया संसदीय दलया नेता पुष्पकमल दाहाल ‘प्रचण्ड’, नेकपा एकीकृत समाजवादीया संसदीय दलया नेता माधव कुमार नेपाल, जसपा संसदीय दलया नेता उपेन्द्र यादव व लोसपाया नेता महन्थ ठाकुरपिन्त सःतूगु खः।