पूर्वप्रधानन्यायाधीश मोहनप्रसाद शर्मा मदुगुलि देयन्यकया न्यायालय कन्ह्य आइतबाः बन्द जुइगु दु।

पूर्वप्रधानन्यायाधीश शर्मा वंगु बुधबाः न्हिनय् मदुगु खः।

शनिबाः हे सर्वोच्च अदालतय् आकस्मिक पूर्णबैठकं शोक प्रस्ताव पारित यासे आइतबाः देयन्यकया अदालतय् बिदा यायेगु निर्णय याउगु खः।

येँया थीथी थासं स्वम्ह सीउगु लुगु दु।

सीपि बुढानीलकण्ठ नगरपालिका–२ भङ्गालय् बालं च्वनाच्वम्ह महोत्तरी बर्दिवासया ४५ दँ दुम्ह सविता थापा सीनाच्वंगु धका प्रहरीं धाउगु दु।

अथेहे येँ महानगरपालिका–१९ ध्वाकात्वालय् लँय् छम्ह मिजंम्ह व पहिचान खुले मजुम्ह करिब ४५ दँ दुम्ह मिजंम्ह येँया –१९ वडाय् सीनाच्वंगु धका प्रहरी प्रधान कार्यालयं धाउगु दु। स्वम्ह सीनाच्वंगु घटनाया अनुसन्धान जुयाच्वंगु धका प्रहरीं जानकारी बिउगु दु।

स्वनिगलय् थौं निसे कोभिड–१९ सङ्क्रमणया कारण यातायातय् जोरबिजोर प्रणाली लागू याउगु दु।

स्थानीय प्रशासन (येँ, यल व ख्वप) या मंकाः बैठकया निर्णया कथं जोरबिजोर प्रणाली लागू याउगु खः। उगु आदेशा कथं अत्यावश्यक सेवामा प्रयोग जुइथस व तोके यानातःगु सवारीयात धासा जोरबिजोर प्रणाली लागू जुइमखु। आदेशय् वासः नाप स्वास्थ्य सामग्री ल्ह्यइगु, एम्बुलेन्स, दमकल, शवबाहन, ग्याँस, पेट्रोलियम पदार्थ ल्ह्यइगु सवारी साधनय् जोर बिजोर प्रणाली लागू जुइमखु।

अथेहे खाद्यान्न, दुग्धजन्य पदार्थ, फलफूल, तरकारी, लः, खेँ, पशुपन्छी, दाना नाप कृषि तथा पशुजन्य सामग्री ल्ह्यइगु सवारी साधन न निर्वाधरुपं सञ्चालन याये दइ। अथेतु,परिचयपत्रया आधारय् बैंक, बीमा, वित्तीय संस्था, वायुसेवा कम्पनी, डाँक नाप कुरियर सेवा, दूरसञ्चार, सेवा प्रदायक निकायया कर्मचारीपिन्न्स चले याये दइ धका आदेशय् उल्लेख यानातःगु दु ।

सूचना तथा प्रसारण विभागपाखे जारी प्रेस पास नाप पत्रकार परिचयपत्र दुपि सञ्चारकःमिपिन्स न सवारी साधन चले याये दइ। सरकारी व कूटनीतिक नियोगया सवारी साधन सञ्चालन याये दइ धक जारी आदेशय् उल्लेख यानातःगु दु।

स्वास्थ्य तथा जनसंख्या मन्त्रालयया कथं स्वनिगलय् थौं थप ५२९९ म्हेसित कारोना संक्रमित पुष्टि जुगु दु।

मन्त्रालयया कथं थौं येँ जक ४२७९ म्हेसित कोरोना सक्रमित पुष्टि जुगु दु। अथेहे, ख्वपय् ४५३ म्ह व यलय् ५६७ म्हेसित कोरोना संक्रमित पुष्टि जुगु दु।

आःतक स्वनिगलय् ४२ हजार ५६ म्ह सक्रिय संक्रमितपि दु। उकि मध्ये येँ ३०६८८ म्ह, यलय् ७१४५ म्ह व ख्वपय् ४२२३ म्ह सक्रिय संक्रमितपि दु।

प्रधानमन्त्री शेरबहादुर देउवां स्वगूगु तहया निर्वाचनया पूर्वतयारी यायेत सम्बन्धित निकाययात इनाप याउगु दु।

थौं शुक्रबाः राष्ट्रया नामय् सम्बोधन यासे प्रधानमन्त्री देउवा अथे इनाप याउगु दु। न्यागु दलीय सत्ता गठबन्धनया छगु घटक नेकपा माओवादी केन्द्रया अध्यक्ष पुष्पकमल दाहाल प्रचण्डं स्थानीय तहया स्वया न्हापा प्रतिनिधिसभाया चुनाव यायेगु प्रस्ताव याउगु खः।

प्रचण्डया प्रस्ताव याउगु सम्बन्धय् वयकल छु न प्रतिक्रिया बिउगु मदु। तर, दच्छिया दुने स्वगूगु तहया निर्वाचन यायेमाःगु उल्लेख यासे वयकलं पूर्वतयारी यायेत सम्बन्धित निकाययात इनाप याउगु खः।