नेपालय् १२ दं च्वय्या दिर्घल्वगितय्त थौंनिसें कोरोनाविरुद्धया फाइजर खोप बियाच्वंगु दु ।

कोभ्याक्स सुविधा कथं अमेरिकां ब्यूगु कोरोना भाइरसविरुद्धया फाइजर खोप थौंनिसें बीत्यंगु खः । मन्त्रालयया कथं थौंनिसें न्ह्याइगु खोप अभियान मंसिर ४ गतेतक्क जुइ । निगूगु मात्राया खोप मंसीर २७ निसें पुस २ गतेतक्क बी ।

१२ दं च्वय्या ८ ताजिया दीर्घल्वय् नुगः, जँलास्येँ, स्वँ, अङ्ग प्रत्यारोपण याःपिं, उच्च रक्तचाप वा चिनी ल्वय्, मस्तिष्क व मस्तिष्क रक्तनली सम्बन्धी ल्वय् दुपिं व रोग प्रतिरोधात्मक शक्ति म्ह्वः जूपिं मनूतय्त खोप बीगु महाशाखां न्ह्यथंगु दु ।

५०द्वः दीर्घल्वगितय्त खोप बीगु धाःगु महाशाखां १८ दं च्वय्या खोप काये त्वःफ्यूपिं दीर्घल्वगितय्त नं मंसिर ५ निसें ७ गतेतक्क कायेमफइगु कथं योजना दयेकागु न्ह्यथंगु दु ।

निवाः न्ह्यःनिसे आन्दोलनर याना वयाच्वंपि कानून व्यवसायीपिन्स थौं न सर्वोच्च अदालतया गेटय् धर्ना बिउगु दु।

प्रधानन्यायाधीश चोलेन्द्रशमशेर जबरायात मुख्य प्रवेशद्वारय् हे रोके यायेगु तयारी कथं कानून व्यवसायीपिन्स कार्यालय ई न्ह्यः गेटय् धर्ना बिउगु दु। वंगु शुक्रबाः न प्रधानन्यायाधीश जबरायात रोके यायेगु उद्देश्यं कानून व्यवसायीपिन्स प्रदर्शन याउगु खः।

तर प्रधानन्यायाधीश जबरा मेगु गेटपाखे सर्वोच्च अदालत दुहावंगु खः। नेपाल बारया कार्यालयपाखे सर्वोच्च दुहावनिगु गेट थौं बन्द याउगु दु।

नेपाल बार एसोसिएशनं प्रधानन्यायाधीश चोलेन्द्र शम्शेर जबराविरुद्धया आन्दोलन थौंनिसे देयन्यक याइगु जुगु दु।

जबराया राजीनामा फ्वसे वंगु १४ गतेनिसे बारं निरन्तर आन्दोलन यानावया च्वंगु खः। थौंनिसे जिल्ला व इकाईलय् न आन्दोलन जुइ धका बारया अध्यक्ष चण्डेश्वर श्रेष्ठं धाउगु दु। सर्वोच्च अदालतया १९ म्ह न्यायाधीशपि न आन्दोलनय् दु।

सर्वोच्चया प्रधानन्यायाधीशविरुद्ध न्यायाधीशपिन्से इजलास बहिष्कार याना वयाच्वंगु खः। सर्वोच्च अदालतया पूर्व व बहालवाला न्यायाधीश, नेपाल बार नाप थीथी सङ्घसंस्थां विरोधया कारण दबाब वंगुलि सरकारं न्यायालयया गतिरोध अन्त्य यायेत छलफल याउगु दु।

नेवाः स्यनामि दबूपाखें नेपाःया मौलिक संवत नेपाल संवत ११४२ न्हूदँया लसताय् भिंतुना कालबिल ज्याझ्वः याउगु दु।

उगु ज्याझ्वः येँया शंखधर पार्कय् जुगु खः। ज्याझ्वलय् येँ महानगरपालिकाया मेयर विद्यासुन्दर शाक्य न्हुदँया लसताय् सकसितं भिंतुना देछासें नेपालभाषाया अनिवार्य शिक्षायात कयाः यायेमाःगु ज्याखँ यात कयाः कुलादिगु खः।

ज्याझ्वलय् येँ महानगरपालिकाया वडा अध्यक्षपिं नाप थीथी हनेबहःपिं उपस्थिति जुगु खः।उगु न्हूदँ ११४२ या लसताय् जुइगु भिंतुना कालबिल ज्याझ्वलय् सकलसित सहभागिताया नितिं ग्वसाः खलकं इनाप याःगु दु ।

प्रधानन्यायाधीश चोलेन्द्र शमशेर राणाया राजीनामा माग यासें सर्वोच्च अदालतय् न्ह्याःगु लफडा झन तच्वःगु दु ।

म्हिगः सर्वोच्च परिसरय् प्रहरी व आन्दोलनकारी वकिलतय् दथुइ ल्वापु जुइधुंकाः नेपाल बार एशोसियसनं थौं प्रधानन्यायाधीश राणायात सर्वोच्च अदालत दुहां हे वनेमबीगु कथं आन्दोन याइगु जूगु दु ।

उकिया लागि. ज्याकू ई न्ह्याये न्ह्यः हे बार दुजःतय्सं बार एशोसियसनय् सःतूगु दु । बारया मू छ्यान्जे लीलामणि पौडलं विज्ञप्ति जारी यासें शुक्रबाः सुथय् ९ताःत्या इलय् हे दक्वं कानुन व्यवसायीतय्त बार परिसरय् उपस्थित जुइत धाःगु दु ।

सर्वोच्च अदालतया छुं नं वेञ्चय् बहस मयायेगु धासें बारं न्यायाधीशतय्त नं प्रधान न्यायाधीश राणां क्वःछीगु इजलासय् मच्वनेत धाःगु दु । प्रधानन्यायाधीश राणाया राजीनामा माग यासें बारं थ्व हे वालंनिसें न्हिं निघौ हाकूगु पट्टी चिनाः स्वनिगःया अदालतय् धर्ना बियावःगु दु ।

न्यायाधीशतय्सं कात्तिक २८ गतेनिसें इजलास बहिस्कार यानावःगु दु । सर्वोच्च न्यायालयस ब्वलंगु पंगःया तप्यंक मार धाःसा सर्वसाधारणयात लाःगु दु । वंगु निवाः दुने सलंसः मुद्दाय् सुनुवाई द्यूगु दु ।