पौष शुक्ल पुन्हिनिसे माघ शुक्ल पुन्हितक विधिपूर्वक याना स्वस्थानी व्रत थौैंनिसे सुरु जुगु दु।

स्वस्थानी व्रतया न्हापागु दिं सक्वया शालिनदीइ व्रत च्वनिइपि थ्यःगु दु। समितिया कथं थुगु पटक नित्य पूजाआजा नाप धार्मिक विधि जक पूरा याना माधव नारायणया व्रत च्वनिइगु व्यवस्था मिले याउगु दु।

अथेहे व्रत च्वनिपिन्स पूर्ण खोप कयातःगु कार्ड क्यना निमोनिया जुगु ÷मजुगु एक्स–रे कायेगु व्यवस्था तक याउगु दु।

नेपाल टेलिकमं माघ ३ गते निसे लागु जुइगु कथं विन्टर अफर हःगु दु। कम्पनीं न्हापा हे उपलब्ध याना वयाच्वंगु अटम अफरयात ग्राहकपिनिगु रुचि कथं परिमार्जन याना थप आकर्षक दयेका विन्टर अफर उपलब्ध यायेत्यनागु खः धका टेलिकमं धाउगु दु।

अफर अन्तर्गत कम्पनी हे उपलब्ध याना वयाच्वंगु २८ दिंया लागि रु. ५९९ काये फइगु “याउक अनलिमिटेड प्रिपेड ५९९” जक उपलब्ध जुयाच्वंगु आः “याउक अनलिमिटेड प्रिपेड ७९९”, “याउक अनलिमिटेड प्रिपेड ९९९” व “याउक अनलिमिटेड प्रिपेड १४९९” प्याक तक उपलब्ध याये त्यंगु खः।

थुकिइ ग्राहकपिन्त अनलिमिटेड भ्वाइस कल व निश्चित डाटा (न्हिन्ह् िक्रमशः १ जीबी, २ जीबी व ४ जीबी) लगायतया सेवा उपलब्ध यायेत्यंगु दु। डाटा प्याक सिधसा अतिरिक्त शुल्क बिना हे इन्टरनेट चले याये फइगु सुविधा थुगु प्याकया मुख्य विशेषता खः। दकं प्रिपेड कम्बो प्याकय् थप सुविधा उपलब्ध यायेत्यंगु दु।

थुकिइ रु. २९९ य् आः २८ दिं तक चले याये जिइक १५० मिनेट अन–नेट भ्वाइस कलया नाप २० गु एसएमएस छ्वये फइगु व २ जीबी डाटा समेत चले याये फइ।

नेकपा माओवादी केन्द्रया अध्यक्ष पुष्पकमल दाहाल ‘प्रचण्ड’ कोरोना रिपोर्ट नेगेटिभ वंगु दु।

थौं पीसीआर परीक्षण याउगुलि प्रचण्डया कोरोना रिपोर्ट नेगेटिभ वंगु दु धका प्रचण्डया सचिवालयं धाउगु दु।

वंगु पुष २३ गते परीक्षण याउगुलि कोरोना भाइरसयाङ्क्रमण पुष्टि जुइवं प्रचण्ड आइसोलेशनय् च्वना च्वंगु खः।

थौं आइतबाः देयन्यक ४९६१ म्हेसित कोरोना संक्रमण पुष्टि जूग्ु दु। न्हुगु संक्रमित मध्ये २ तिहाइ स्वया अप्पो स्वनिगलय् खनेदुगु दु।

स्वास्थ्य तथा जनसंख्या मन्त्रालयया कथं आइतबाः १५१३१ म्हेसिगु नमुना (पीसीआर व एन्टिजेन) परीक्षण याउगु खः।

१२,५६२ नमुना पीसीआर परीक्षणय् ४,५३४ म्ह व २,५६९ म्हेसिगु एन्टिजेन परीक्षण याउगुलि ४२७ म्ह संक्रमण खनेदुगु खः।

न्हुपि संक्रमित मध्ये ३,३४७ म्ह स्वनिगलय् खनेदुगु खः। थौं येँ जक २,५४५ म्हेसित पुष्टि जुगु दु। अथेहे, ख्वपय् ३२८ म्ह व यलय् ४७४ म्हेसित कोरोना पुष्टि जुगु दु।

सपिङ मल, डिपार्टमेन्ट स्टोर व पार्टी प्यालेस सशर्त सञ्चालन याके बिइगु जुगु दु।

सरकारं जारी याउगु न्हुगु आदेश कथं आः सपिङमल व डिपार्टमेन्ट स्टोर छकलं २५ म्ह जक प्रवेश याके बिइगु जुगु दु सा मार्क न अनिवार्य याउगु दु।

अथेहे पार्टी प्यालेसय् न प्रमुख जिल्ला अधिकारीपाखे पूर्वस्वीकृति कया ब्याहा, कय्तापूजा नाप धार्मिक सांस्कृति ज्या सञ्चालन याये फइगु जुगु दु।

तर कुल क्षमताया छगु तिहाइ तया चले यायेमागु व ५० म्ह स्वया अप्पो उपस्थित याये दइमखु।