नेपाल विद्युत प्राधिकरणं कार्यकारी निर्देशक कुलमान घिसिङयात नियुक्ति याउगु खारेजया माग यासे बिउगु रिट प्रधान न्यायाधीश चोलेन्द्र शम्शेर जबरा थःम्हेसिया हे स्वइगु जुगु दु।

आइतबाः पेसी तोके यायेगु झ्वलय उगु रिट जबरां थःगु हे इजलासय् तःगु दु। निवर्तमान कार्यकारी निर्देशक हितेन्द्रदेव शाक्यं नियुक्ति बदरया माग यासे ३२ साउनय् सर्वोच्च अदालतय् रिट दायर याउगु खः।

रिटय् शाक्यं थःत गैरकानूनी रुपं प्राधिकरणया कार्यकारी निर्देशक पदपाखे हटे याउगु दाबी यासे उकिया बदर याना थःत यथावत तयेमाःगु माग याउगु दु।

उगु रिटय् प्रधानमन्त्री नाप मन्त्रिपरिषद कार्यालय, ऊर्जा मन्त्रालय, ऊर्जामन्त्री, नेपाल विद्युत प्राधिकरणया सञ्चालक समिति व कार्यकारी निर्देशक कुलमान घिसिङयात विपक्षी दयकातःगु खः।

थुगु वाःया न्हापागु दिं आइतबाः शेयर बजाः यक्को हे कुहावंगु दु।

कारोबार शुरु जुइवं हे घटे जुउगु सेयर कारोबार मापक नेप्से परिसूचक न्हापाः घण्टाय् करिब ४ प्रतिशत घटे जूगु दु। कारोबार खुले जुगु न्हापागु घण्टाय् हे ४ प्रतिशत घटबढ जूसा सर्किट ब्रेक जुइगु नियम दु ।

तर न्हापागु घण्टाय् ३ प्रतिशत निसे ४ प्रतिशत कुहावःगु दु। कारोबार खुले जुगु १ घण्टा १५ मिनेटय् हे नेप्से परिसूच्क १०८ अंकं घटे जूगु दु।

पशुपतिनाथ द्यःया थाय् पाशुपत क्षेत्र व्यवस्थापन जिम्मा काःगु ‘पशुपति क्षेत्र विकास कोष’ दुने बेथितिइ यक्को जुगु दु।

सम्पदा–सम्पत्तिया संरक्षण याये मफया कोषया देवस्व  तक हिनामिना जुगु खने दु। पशुपति क्षेत्र विकास कोषं थःगु सम्पत्ति भाडाय् बिया मिलेमतो याउगु तथ्य महालेखा परीक्षक कार्यालयं ५८ क्वःगु वार्षिक प्रतिवेदनय् हःगु खः।

अपारदर्शी व अनियमित कथं थीथी सामान न्यायेगु याना कोषय् तधःगु अतिरिक्त व्ययभार जूगु दु। कोषं देगलय् सजावट याय्त व शवदाह मेसिन न्यायेत बिउगु ठेक्काय् मिलेमतो याउगु खनेदु। व बाहेक उठे यायेमागु भाडा उठे मयाउगु द्यःया मूर्तिइ लुँया संरक्षणय् ध्यान मबिउइगु प्रवृत्तिं कोष दुने कुशासन प्रष्ट खनेदु।

मूर्तिइ १७३ तोला लुँ गायब पाशुपत क्षेत्र गुह्यश्वेरी द्यःया थाय् मूर्तिइ लुँ गायब जुउगु खने दु। २०५७ सालय् अष्टदल व भैरवया मूर्तिइ तयातःगु ७१३ तोला लुँ व १३३.३९४ किलो वहःया ‘मोलम्बा’य् प्वाःगंगु जानकारी २०६७ भदौ ५ गते हे बिउगुलि कोषं आर्थिक वर्ष २०७५÷०७६ य् वया जक भिंकेगु ज्या याउगु दु। आःनिगु हे मूर्तिपाखे १७३.५ तोला लुँ खने मदुगु धका कोषं धाउगु दु। कोषं तयार याउगु मुचुल्का कथं स्वाँ, रंग व अक्षताया कारण ‘ज्यलावंगु जुइ’ उलि लुँ तःगु दु।

ज्यलाहे वंसा मुलतः कोषया लापरबाहीया कारण उगु मूर्तिपाखे थौं कन्ह्यया भाः कथं १ करोड ५७ लाख ८९ हजार रुपैयाँ लुँ तःगु खनेदु।

येँ महानगरपालिका वडा १७ य् छत्रपाटी निःशुल्क चिकित्सालयय् अत्याधुनिक डिजिटल मेसिनपाखे सेवा सुरु याउगु दु।

कोरोना महामारीया इलय् निशुल्क रुपं संक्रमितपिनिगु उपचार याना वयाच्वंगु अस्पतालं अत्याधुनिक एक्सरे मेसिन जडान याना सेवा बिइगु सुरु याउगु दु। उगु ज्याझ्वलय नेपाल मेडिकल काउसिलया अध्यक्ष नाप वरिष्ठ मुटुरोग बिशेषज्ञ डा .भगवान कोइरालां चिकित्सालयया न्हुगु एक्सरे मेसिनया उलेज्या यानादीगु खः। डा. कोइरालां न्हुगु डिजिटल प्रणालीं स्वास्थ्य उपचारय् थप सहज व व्यबस्थित जुइ धका धयदीग् खः।समुदाय नाप स्वागु अत्याधुनिक एक्सरे मेसिन जडानं अस्पतालया उदाहरणिय ज्या जुगु धका धयादीगु खः।

उगु ज्याझ्वलय चिकित्सालयया अध्क्षय डा.मनोज मान श्रेष्ठं ततधःगु अस्पताल हे नकतिन सुरु याउगु थज्यागु मेसिन थःगु चिकित्सालयं छ्यले दया तसक लय्ताःगु दु धका धयादीगु खः। वयकलं देयन्यक दुगु सामुदायीक अस्पताल मध्ये न्हापां डिजिटल एक्सरे मेसिन प्रयोग जुगु थुगु हे अस्पतालं यानागु धका दाबी यानादीगु दु।

‘आः कोविड्या ई जुयाच्वंगुलि जिमिसं अत्याधुनिक प्रणालीयात तसक बःबियाच्वंनागु दु’ डाःश्रेष्ठं दीगु खः। उगु ज्याझ्वलय् चिनिया मेंद्रे कम्पनीं अत्याधुनिक इको मेसिन न लल्हानादीगु खः, कम्पानीया नेपाल म्यानेजर नियो वाङगं मेसिन हस्तान्तरण यानादीसे थःपिन्स भविष्यय न नेपाल व नेपाःपिनिगु ग्वाहालि यायेत सर्मपित जुगु प्रतिबद्धता क्यनादीगु खः।नेपाल सरकारपाखे निगः प्रोटेबल भेन्टिलेटर जडान यानागु दु धका डा. अध्यक्ष श्रेष्ठ कनादीगु खः। अथेहे येँ महानगरपालिकाया ५ करोड सहयोगय् चिकित्सालयं न्हुगु भवन दयकेत्यनागु दु धका डा .श्रेष्ठं जानकारी बियादीगु खः।