त्रिभुवन विश्वविद्यालयं कोरोना भाइरसको संक्रमण अप्पोया वंगुलि माघ १० गते तक विदा बिउगु दु।

विश्वविद्यालय अन्तर्गतया दक्को विभाग व आंगिक क्याम्पसं चिकूगु विदा कटे याना माघ १० गते तक विदा बिउगु दु। विश्वविद्यालयं रजिस्ट्रारया कार्यालयं छगु सूचं जारी यासे आः न्ह्याना च्वंगु परीक्षा न यथावत सञ्चालन यायेगु उल्लेख याउगु दु।

अथेहे त्रिभुवन विश्वविद्यालय कार्यरत सू न शिक्षक, कर्मचारीपिन्त कोरोना भाइरस संक्रमण जुलकि झीन्हु विदा कायेदइ नाप वं ज्याइगु शाखा स्वन्हु बन्द जुइ।

किपू नगरपालिकाया थ्वसालय् थौं शुक्रबाः उद्यमशिलता विकास तथा क्षमता अभिबृद्धि सम्बन्धी छगू सहलह ज्याझ्वः सम्पन्न जुगु दु।

किपू नगरपालिका वडा नं. ७ यरवःय् जुगु उगु ज्याझ्वलय् किपू नगरपालिकायन उप–प्रमुख सरस्वती खड्का, वडा नं. ७ या का.वा. अध्यक्ष प्रकाश सिंहया उपस्थिति उगु ज्याझ्वः जुगु खः

वंगु २४ घण्टाय् २० हजार ५ सय ६० म्हेसिगु पीसीआर व एन्टिजेन परीक्षण याउगुलि देयन्यक थप ५ हजार ८७ म्हेसित कोरोना भाइरस सङ्क्रमण पुष्टि जुगु दु धका स्वास्थ्य तथा जनसङ्ख्या मन्त्रालयं धाउगु दु।

थ्व नाप आःतक नेपालय् कोरोना भाइरसया सक्रिय सङ्क्रमितपि १८ हजार २ सय ३५ म्ह थ्यंगु दु। अथेहे २४ घण्टाय् नेपालय् कोरोनां कारण थप स्वम्हेसिगु ज्यान वंगु दु। २४ घण्टाय् ३ सय ६ म्ह कोरोनामुक्त जुगु दु।

स्वनिगलय् थौं शुक्रबाः थप २६०७ म्हेसित कोरोना संक्रमित पुष्टि जुगु दु।

स्वास्थ्य तथा जनसंख्या मन्त्रालयया कथं वंगु २४ घण्टाय् येँ १९१३ म्ह, ख्वपय् ३१७ म्ह व यलय् ३७७ म्हेसित पुष्टि जुगु दु।

वंगु २४ घण्टाय् देयन्यक प्रयोगशालाय् २०५६० म्हेसिगु पीसीआर व एन्टिजेन परीक्षण याउगुलि ५०८७ म्हेसित संक्रमण पुष्टि जुगु खः।

येँ महानगरपालिका १९ वडा कंगय् संचालन जुयाच्वंगु शहरी स्वास्थ्य क्लिनिकया स्तरोनत्ती याना शहरी स्वास्थ्य प्रवद्र्धन केन्द्रया उलेज्या ये महानगरपालिकया मेयर विद्यासुन्दर शाक्य व एम डीएम फान्सया नेपाःया कन्टी डाइरेक्टर डा गियोन फेवोलजुं मंकाः कथं यानादीगु खः।

येँ महानगर १९ वडाया कावा वडाध्यक्ष मधुसुदन प्रधानया अध्यक्षताय् जुगु खः। स्वास्थ्य संस्था दर्ता, नविकरण समितिया संयोजक दिपक केसी, एम डीएम फान्सया नेपाःया कन्टी डाइरेक्टर डा. गियोन फेबोल, उपमेयर हरिप्रभा खड्गी श्रेष्ठया व मेयर विद्यासुन्दर शाक्यं स्वास्थ्यया थीथी पक्षयात कःघाना थःथःगु नुगः खँ तयादीगु खः।