ललितपुर महानगरपालिका १६ वडा कलाकार समितिया ग्वसालय् जूगु १६ वडा ब्यापिं म्ये व हुलाप्याखं कासाय् म्येपाखे स्वनिम्हया सक्षम शर्मां त्याकादिलसा हुलाप्याखनय् न्याधःया श्रुयति शाक्यं त्याकादिल । म्ये कासाय् ल्यू महापालया राधिका श्रेष्ठं ल्यू व जोमबहाः यजु शिल्पकारं लियांल्यू सिरपा त्याकादिलसा हुलाप्याखनय् तःजाःफःया विशाखा शाक्यं ल्यू सिरपा त्याकादिलसा झतापोलया एन्जेला शाक्यं लियांल्यू सिरपा त्याकादीगु खः । कासाय् म्ये व हुलाप्याखं विधाय् न्हाप २५/२५ हजार नगद, ल्यू १५/१५ हजार नगद, लियांल्यू १०/१० हजार नगदनापं ट्रफी, दसिपौ व ट्रेनिङ प्याकेज त्याकादिलसा टे«निङ प्याकेज सिरपा उत्कृष्ट १० म्हेसित नं लःल्हाःगु जुल । उत्कृष्ट १० य् लाःपिं म्येपाखे पट्कोया बबिन राजोपाध्याय, चल्खुया सिम्रन शाक्य, न्याखाचुकया शैलेश बज्राचार्य, बुबहालया राजेश बज्राचार्य, नकबहिलया जेनिश ज्योति शाक्य, गाःबहालया सुनिल बज्र्राचार्य व झतापोल अमिर शाक्य खःसा हुलाप्याखंपाखे कुमारीपाटीइ च्वयादीम्ह श्रेशा श्रेष्ठ, धौगलया विभूषणा बज्राचार्य, न्याखाचुकया उत्पला बज्राचार्य, धपगालया श्रृया बज्राचार्य, बुबहालया नैरात्मा बज्राचार्य, न्याखाचुकया सुयंका बज्राचार्य व कायगुननिया लक्की महर्जन खः ।

वडाया मचा कलाकारपिन्त हःपा बीकथं कासाय् दुथ्याःपिं १२ दँ क्वययापिं कासामिपिन्त “भिंतुना सिरपा” लःल्हाःगु खः । थुगु सिरपा म्येपाखे ९ दँ दुम्ह बुबहालया रिभनमुनि बज्राचार्य व कुलिम्हया १० दँ दुम्ह सजेना चित्रकार महर्जन खःसा हुलाप्याखनय् बुबहालया १२ बर्षीया निष्ठा बज्राचार्य, महापालया १० दँया श्रीजु श्रेष्ठ व न्याधःया ८ दँ दुम्ह स्मृति शाक्यं त्याकादीगु खः ।   

कासाय् दकले अप्वः स्वकुमिपिन्सं स्वःगु भिडियोया सिरपा “टप भ्यूज” या सिरपा म्येपाखे चल्खुया सिम्रन शाक्यं त्काकादिलसा हुलाप्याखंपाखे दौबहाःया श्रीजु शाक्यं त्याकादीगु खः ।
ज्याझ्वलय् संगीत प्रवीण मोहनप्रसाद जोशीयात “ललितरत्न”या उपाधिपाखें छायप्यूसें हंगु खः ।  हनेज्या लिपा थःगु नुगःखँ तयादिसें संगीतया विकास व विस्तारय् योगदान यानादीपिन्त हनेगु, थुगु पुस्तायात कला न्ह्यब्वयेत दबू बीगु व न्हूपिं कलाकारपिं मालेगु थें जाःगु थुगु ज्या अतिकं च्वछाय्बहःजू धयादिल ।

ज्याझ्वःया मूपाहां ललितपुर महानगरपालिकाया मेयर चिरिबाबु महर्जनं कलाकारपिनिगु नितिं ललितपुर महानगरपालिका १६ वडां याःगु थुगु ज्या महानगर अझ तब्याः यानाः यंकेगु खँ कनादिल ।

ग्वसाः खलः ललितपुर महानगरपालिका वडा १६ अध्यक्ष निर्मलरत्न शाक्यं पुलांगु ऐतिहासिक कला, सम्पदाया संरक्षण गुलि महत्वं जाः, उलि हे महत्व थुगु पुस्ताया कलाकारपिनिगु विकास, व वयकःपिन्त बीमाःगु प्रोत्साहन नं खः । कन्हे झी सकसिगु गौरव तायेकीपिं कलाकारपिनिगु नितिं थौं हे झीगु लँ कीमा” धयादिसें थुगु थःम्हथःम्हं फुगु यायेगु नितिं न्ह्याबलें अग्रसर जुयाच्वने” धयादिल । कलाकार समितिपाखें थीथी ज्याझ्वःपाखें कलाकारपिनिगु नं थजाःगु ग्वसाः जुयाच्वनीगु खँ नं वयकलं तयादिल ।

यलया दरवार क्षेत्रया ऐतिहासि व सांस्कृतिक महत्वं जाःगु कात्ति दबुली जूगु थुगु ज्याझ्वलय् लोकं ययेकूपिं कलाकारपिं सुरजवीर, भूपेन्द्र बज्राचार्य, नील शाक्य, मोहिद्दिन खान, अमोघवीर बज्राचार्य, अमर चित्रकारं म्ये न्यंकादीगु खःसा कोरियोग्राफर निसिला शाक्यं हुलाप्याखं न्ह्यब्वयादिल । १६ वडाया संचार ख्यःया ब्यक्तित्वपिं अनुप शाक्य, मञ्जु बज्राचार्य, सलोना बज्राचार्य, प्रलिशा शाक्य, सुरजवीर, अमोघवीरं ज्याझ्वः न्ह्याकादिल ।

झी कवि दुर्गालाल श्रेष्ठं च्वयादीगु व जनसंगीत श्रष्टा अमरराज शर्मां लसय् चिनाः रलेन व यादवनाप हालादीगु न्हूदँया परम्परा व भिंतुनाया भाव दुथ्याःगु “न्हूदँ म्हिगःथें थौं नं वइच्वन” म्ये वडा समिति, कलाकार समिति, सल्लाहकारपिं, कासामिपिं सकलें जानाः हालाः न्हूदँया भिंतुना देछाःसें थुगु ज्याझ्वः न्ह्याःगु खः । ज्याझ्वःया लिपांगु ब्वय् म्ये व हुलाप्याखं कासाय् न्हाप, ल्यू व लियांल्यू लाःपिन्सं कासाय् ब्वति काःगु म्ये व हुलाप्याखं न्ह्यब्वःगु खः ।

 

हिसी मिडिया प्रा.लि.पाखे न्हुगु दँ ११४२ या लसताय् क्यालेण्डर प्रकाशन याउगु दु।

उगु क्यालेण्डर येँ महानगरपालिकाया मेयर बिद्यासुन्दर शाक्यं पितब्बज्या यानादीगु खः। हिसी मिडिया न वंगु खुदँ निसे लहनान्यूज डटकम अनलाइन पत्रिका प्रकाशन याना वयाच्वंगु खः।

हिसी मिडियापाखे प्रकाशित जुगु उगु क्यालेण्डरय् लहना वाःपौ प्रकाशक व लहनान्यूज डटकमया अध्यक्ष नाप प्रवन्धक र्निदेशक नृपेन्द्रलाल श्रेष्ठया म्ह्याय् नुसला श्रेष्ठ, नेपाल समाचारपत्र दैनिकया सहसम्पादक सुनिल महर्जनया काय् सहश्रीक महर्जन, इमेज च्यानल एजडीया नेपालभाषा प्रत्रकार केके मानन्धरया म्ह्याय् सिचु मानन्धर व लहनान्युजया सम्पादक रसिया श्रेष्ठं क्यालेण्डरय् मोडलिङ यानादीगु खः।

बौद्ध विद्धान प्रा. सुवर्ण शाक्यया च्वसां पिज्वःगु ‘व्यवहारय् बुद्धया खँनाप जः’ चिनाखँ सफू छगु ज्याझ्वः दथुइ पितब्वज्या जूगु दु।

उगु सफू नेपाल संवत न्हूदँ राष्ट्रिय समारोह समिति ११४२ या अध्यक्ष निरञ्जनरत्न शाक्यं पितब्वज्या यानादीगु खः।

ओलम्पस क्लबया ग्वसालय जुगुखः। क्लबया अध्यक्ष्य पवित्र बज्राचार्यया सभापतित्वय् जुगु ज्याझ्वलय् उपाध्यक्ष ज्योति शाक्यं लसकुस यानादीगु खः। उगु सफूया समालोचना नेवाः न्ह्यलुवाः नाप साहित्यकार मल्ल के. सुन्दरं यानादीगु खः।

अथेहे मेम्ह साहित्यकार विमलप्रभा बज्राचार्य न सफूयात कया थःगु बिचाः तयादीगु खः। बौद्ध विद्धान प्रा. शाक्यं च्वयादीगु ३८ पु चिनाखँ दुथ्याःकातःगु खः। ज्याझ्वलय् २३ वडाध्यक्ष क्लबया दुजः मचाराजा महर्जनं सुभाय् न्वचू बियादीगु खः।कौलागा औंसी ११४१, कार्तिक १८ बिहीवाः

नेपालया मौलिक राष्ट्रिय संवत नेपाल संवत न्हुगु दँ ११४२ या लसताय् लहना मिडियापाखे पिथंगु क्यालेण्डर सार्वजनिक जुगु दु।

येँ महानगरपालिकाया मेयर विद्यासुन्दर शाक्यं उगु क्यालेण्डर सार्वजनिक यानादीगु दु। लहना मिडियापाखे वंगु झीदँनीसे मदिक्क क्यालेण्डर व डायरी प्रकाशन यानावंयाच्वंगु खः।

उगु मिडियापाखे लहना वाःर्पाै न प्रकाशन याना वयाच्ंवगु खः। कौलागा आंैसी ११४१, कार्तिक १८ बिहीवाः

चीनं नेपालयात अनुदान ग्वहालि कथं तँसा १६ लख डोज कोभिडविरुद्धया खोप उपलब्ध याकूगु दु ।

स्वास्थ्य तथा जनसंख्या मन्त्रालयस छगू ज्याझ्वःया दथुइ चिनियाँ राजदुत होऊ यान्छीं स्वास्थ्य तथा जनसंख्यामन्त्री विरोध खतिवडायात खोप लःल्हानादिल । मन्त्री खतिवडां सरकारं थ्व हे दँय् दक्वं नेपालीयात खोप बीधुंकेगु योजनायात पूवंकेत खोप उपलब्ध याकूगुलिइ चीनप्रति आभार प्वंकादिल । वय्कलं चीन सरकारं नेपालयात ३४ लख डोज खोप अनुदान ग्वाहालिया रुपं उपलब्ध याकूगु नं जानकारी बियादिल ।

राजदुत यान्छीं नेपाल सरकारया कोभिडविरुद्धया अभियानय् साथ बीखंबलय् लय्ताःगु धयादिल । वय्कलं निन्हु लिपा चिनियाँ सेनां नेपाली सेनायात ३ लख डोज खोप उपलब्ध याकेगु जानकारी बियादिल ।

राजदुत यान्छीं कोभिड निर्मूल यानाः नेपालया सामाजिक, आर्थिक क्षेत्रयात अःपुकेत चीन सरकारं फुगु योगदान बीगु प्रतिवद्धता प्वंकादिल । नेपालं आःतक्क चीनं खरिद प्रक्रियामार्फत् १ क्वःति कोभिडविरुद्धया खोप हयेधुंकूगु दु ।