यल महानगरपालिकाय् सुरक्षा नाप सामाजिक ज्यायाइपि न्हय्च्याम्ह नगर प्रहरीपिन्त नेपालभाषा स्यनेज्या न्ह्याःगु दु।

नेपालभाषा स्यनेज्या निति स्यनामि रुविन शाक्यं उगु कक्षा स्यनेज्या न्ह्याकादीगु खः। निवाःतक न्ह्याइगु उगु कक्षाय् पीगुम्ह नेपालभाषा मसःपिं दु।

थुगु कक्षां यलया नेवाः लागाय् नगरवासीलिसे नेपालभासं हे खँ ल्हानाः सेवा बिइ अःपुइगु नगर प्रहरी प्रमुख सीताराम हाछेथुं धयादिगु दु।

थौंनिसे नवयुग माध्यमिक विद्यालय कम्प्युटर ल्याव सञ्चालनय् हःगु दु।

येँ महानगरया मेयर विद्यासुन्दर शाक्यं विद्यालय व्यवस्थापन समितिया अध्यक्ष कुलभक्त शाक्ययात डेक्सटप कम्प्युटर व प्रधानाध्यापक चुडामणि शर्मायात ल्यापटप हस्तान्तरण याना ल्याबया शुभारम्भ यानादीगु दु।

उगु ज्याझ्वलय मेयर शाक्यं सामुदायिक शिक्षाया स्तर थकायेत महानगरय माग जुगु कथं लगानी यानागु धका धयादीगु दु। ‘जिमिसं माग जुगु कथं संरचना दयकागु दु। प्रविधि व प्राविधिक सुविधा उपलब्ध याना बिइ। उच्चस्तरीय शिक्षाया लागि मागु नीति दयकाच्वनागु दु। तर विद्यालयं प्रतिफल बिइमाः। जि धयावया च्वनागु दु, जिमिसं संस्थागत विद्यालय विस्थापनया खँ ल्हानाच्वनागु दु।’ वयकलं विद्यार्थीपिगिनु ल्याःनाप स्वाना धयादीगु दु, ‘निःशुल्क शिक्षा बिइ धाइपि सामुदायिक विद्यालयया विद्यार्थी मदु व शुल्क कया अध्यापन याकागु संस्थागत विद्यालय विद्यार्थीपिनिगु ल्या यक्को दु।

आः समीक्षा यायेमाः व सामुदायिक विद्यालयं थःपिन्स न प्रतिस्पर्धी यायेमाः।’ महानगरं शिक्षाय् यानागु लगानीया विषय उल्लेख यासे मेयर शाक्यं, विद्यालययात वातावरणमैत्री दयकेत हरियाली यायेगु, खेल मैदानयात धुलोमुक्त दयकेगु, दक्को सामुदायिक विद्यालय छगु हे रङ्ग तयेगु, महावाणी, भित्तेलेखन व भित्ते चित्र दयकेगु थे जाःगु संरचनागत ज्या याये।

वयकलं प्राविधिक शिक्षाया खँ ल्हानादीसे विज्ञान, प्रविधि, इन्जिनियरिङ, मानविकी व गणित शिक्षाया प्रवद्र्धनया लागि आविष्कार क्लव (स्टीम क्लब) स्थापना यानागु दु धका धयादीगु खः। थुकिइ सामुदायिक विद्यालय सार्वजनिक छविइ सुधार वइ धका धयादीगु दु। उगु ज्यााझ्वलय् वडा २१ या अध्यक्ष उदयचुडामणि बज्राचार्यं शिक्षकपिन्त प्रविधिमैत्री दयकेत इनाप यानादीगु खः।

राष्ट्रपति शैक्षिक सुधार कार्यक्रम अन्तर्गत वंगु ६ लाख ५० हजार रुपैयाँपाखे थुगु उपकरण खरिद याउगु खः। २०१५ सालय् स्थापना जुगु थुगु विद्यालय नमूना विद्यालयया लागि छनौट जुगु खः। थुगु विद्यालय करीब २ सय विद्यार्थीपि दु।

नारायणहिटी दरबार संग्रहालयय् सुनौलो बग्गी सार्वजनिक याउगु दु।

तत्कालीन जुजुया राज्याभिषेक व विशेष समारोहय् छ्यलीइगु उगु बग्गी सोमबाः सुथय् सार्वजनिक याउगु दु।

संस्कृति पर्यटन तथा नागरिक उड्डयन मन्त्रालयया सचिव यादव प्रसाद कोइरालां उगु बग्गी सार्वजनिक याउगु खः। थुगु बग्गी बेलायती महारानी एलिजाबेथं २०३१ सालय् बिउगु खः।

नारायणहिटी दरबार संग्रहालयया प्रमुख भेषनारायण दाहालया कथं उगु बग्गी तत्कालीन जुगु वीरेन्द्रया राज्याभिषेकय् न्हापां प्रयोगय् हःगु खः।उगु ज्याझ्वलय् बिउगु जानकारी कथं थज्याथु मेथु बग्गी बकिंघम दरबारय् न दु।