प्रदेश २ या नां मधेश नामकरण जूगु दु। थौं सोमबाः च्वंगु प्रदेश सभा बैठकं प्रदेश सभाया नां मधेश प्रदेशया प्रस्तावय् निगु तिहाइ बहुमतं पास याउगु दु।

सोमबाः च्वंगु बैठकं मतदानय् ९९ म्ह सांसदपि सहभागी जुगुलि ८० म्हेसिया पक्षय् मत बिउगु खः। सरकारया नेतृत्व यानाच्वंगु जनता समाजवादी पार्टी (जसपा) नाप सत्तारुढ माओवादी केन्द्र व विपक्षी लोकतान्त्रिक समाजवादी पार्टी (लोसपा) न मंका कथं प्रदेशया नां मधेशया प्रस्ताव याउगु खः।

जसपाया ३९, माओवादीया ८ व लोसपाया १६ म्ह याना ६३म्ह सांसदपि नाप छम्ह नेपाल संघीय समाजवादी पार्टी न समर्थन याउगु खः। अथेशे राजधानी जनकपुर न थौं सोमबाः हे टुंग्ये याउगु खः। न्हापागु बैठकय् जुगु मतदानय् ७८ म्हेसिया जनकपुरया पक्षय् मत बिउगु खः।

प्रदेश २ या राजधानी नाप नामकरण सम्बन्धी अध्ययन विशेष समितिं स्थायी राजधानीया लागि शुरुइ न्ह्यगू प्रस्ताव याउगु खः । वया लिपा परिमार्जन यासे स्वंगू दयकूगु खः, उकि मध्ये जनकपुर निगु तिहाइ बहुमत मत पास याउगु खः।

नेवाः न्ह्यलुवाः डा. महेशमान श्रेष्ठ म्हं मफयाः येँया टिचिङ अस्पताल भर्ना जुयादीगु दु।

वंगु शनिवाः डा. श्रेष्ठ छेँय् आकाझाकां स्वाहानेय् दयाः छ्यनय् घाःपाः जूगु खः।

डा. मनोजमान श्रेष्ठं बियादीगु जानकारी कथं आः वय्कःया स्वास्थ्यय् बांलानाः वयाच्वंगु व छुं दिं अस्पतालय् तयाः वासः यायेमाःगु खँ कनादीगु दु।

स्वनिगलय् थौं ३९३९ म्हेसित संक्रमित पुष्टि जुगु दु। स्वास्थ्य तथा जनसंख्या मन्त्रालयया कथं थौं येँ जक २९४३ म्हेसित कोरोना सक्रमित जुगु दु।

अथेहे ख्वपय् २०१ म्ह व यलय ७९५ म्हेसित कोरोना संक्रमित पुष्टि जुगु दु। अथेहे स्वनिगलय् आःतक १९ हजार ३८७ म्ह  सक्रिय संक्रमितपि दु।

उकि मध्ये येँ १३९८६ म्ह, यलय् ३५५५ म्ह व ख्वपय् १८४६ म्ह सक्रिय संक्रमितपि दु।

येँया प्रहरी परिसर, टेकु व अन ज्या याइपि प्रहरीमध्ये २८ म्हेसित कोरोना भाइरसया संक्रमण पुष्टि जूगु दु।

येँं प्रहरीया प्रवक्ता एसपी दिनेशराज मैनालीया कथं अन या मातहतय् हिरासतय् दुपि झीम्ह थुनुवा न संक्रमित जूगु दु।

उमित किपूया सामुदायिक आइसोलेसन सेन्टरय् तयातःगु दु धका धाउगु दु। येँं प्रहरी मातहत राजधानीइ प्रहरी नायब उपरीक्षक (डीएसपी) या कमाण्डय् १४ गु प्रहरी वृत्त व प्रहरी निरीक्षक (इन्स्पेक्टर) या नेतृत्व गूगु प्रभाग दु।

सई व हवल्दारया नेतृत्वय् थप २० गु कार्यालय नाप २९ गु युनिट राजधानीइ दु।

वंगु २४ घण्टाया दुने देयन्यक थप ६७३४ म्हेसित कोरोना भाइरस (कोभिड–१९) या संक्रमण पुष्टि जूगु दु।

देयन्यक १४ हजार १४ म्हेसिगु नमुनाया पीसीआर परीक्षण याउगुलि ५७४७ म्हेसित व ६७३४ म्हसिगु नमुना एन्टीजेन परीक्षणय् ९८७ म्हेसित संक्रमण पुष्टि जूगु खः।

स्वास्थ्य तथा जनसंख्या मन्त्रालयया कथं ५४७ म्हेसित संक्रमणमुक्त जूगु दु सा स्वम्ह सीउगु दु।