Display Style:
Column Style
एमसीसीयाबारे निर्णय यायेत हथाय् चाय् म्वाः, अध्यक्ष ओली
लहनान्युज | ञंलाथ्व द्धितीया ११४१, भाद्र २३ बुधवाः
नेकपा एमालेें मिलेनियम च्यालेन्ज कर्पोरेसन (एमसीसी)बारे तत्काल छु न धारणा मदयकिइगु धका धागु दु। संसदीय दलया थौं बुधबाः च्वंगु बैठकय् सांसदपिन्स न्यंउगु एमसीसीबारे पार्टीया धारणा फ्वंगु खः।
जनतां ‘नो एमसीसी’ धयाच्वंगु इलय् यक्को सांसदपिन्स उकिया अखः वनेमज्यू धका धाउगु खः। उकिया लिसः बिइगु झ्वलय् अध्यक्ष नाप संसदीय दलया नेता केपी शर्मा ओलीं थुकियाबारे धारणा दयकेत हथाय् चाय् म्वाः धका धाउगु खः।
एमसीसीबारे बुद्धिजिवी व दलपिनिगु न खँ न्यनेय् व डकुमेन्ट न स्वया अध्ययन यायेगु धासे ओलीं, ‘पास यायेगु जिम्मा झिगु मखु, सम्झौता झीसं यानागु मखु। प्रस्ताव वल धासा गम्भीरतापूर्वक छलफल याये अले धारणा दयके।’
वयकलं धाउगु दु, ‘छगु खँ स्पष्ट दु, देश व जनताया हित व गुवलय् गुवलय् आम जनताया छगु धारणा जुइ, उकिया विरुद्ध झीपि वनेमखस।’
डा. अजयकान्ति शाक्य बागमती प्रदेशय् थौं मन्त्री जुइगु
लहनान्युज | ञंलाथ्व द्धितीया ११४१, भाद्र २३ बुधवाः
बागमती प्रदेशय् मन्त्रिपरिषद् विस्तार जुइत्यंगु दु।
अल्पमतय् दुम्ह मुख्यमन्त्री अष्टलक्ष्मी शाक्यं थौं बुधबाः न्हिनय् मन्त्रिपरिषद् विस्तार यायेत्यंगु दु। थौं न्हिनय् २ बजे ९ म्ह मन्त्रीपिन्त शपथ याकेयेगु ज्याझ्वः दु धका आन्तरिक मामिला तथा कानूनमन्त्री केशवराज पाण्डे न जानकारी बिउगु दु।
वयकःया कथं ९ म्ह मध्ये न्याम्ह मन्त्री व प्यम्ह राज्यमन्त्रीपिन्त शपथ याकेत्यःगु दु। स्रोतं बिउगु जानकारी कथ ंमन्त्री जुइपिनिगु नां टुङ्गे जुइ धुकुगु दु।
मन्त्री जुइपि विजय सुवेदी, प्रदीप कटुवाल, बद्री मैनाली, जीवन खड्का, जुनेली श्रेष्ठ, रचना खड्का, शान्तिप्रसाद पौडेल, डा. अजयकान्ति शाक्य व सरस्वतीपि खः।
गुम्ह मन्त्री थपे जुइ धुका बागमती प्रदेशया मन्त्रिपरिषद् राज्यमन्त्रीनाप ११ सदस्यीय जुइगु दु।
नेपाली हिन्दु मिसातय् तःजिगु नखः हरितालिका तीज थौंनिसें न्ह्यात
ञंलाथ्व द्धितीया ११४१, भाद्र २३ बुधवाः
नेपाली हिन्दु मिसातय् तःजिगु नखः हरितालिका तीज थौंनिसें न्ह्याःगु दु ।
तीजया छन्हु न्ह्यः दर नयेगु चलन कथं थौं हिन्दु मिसातय् थःछेँ, थःथिति व पासापिंलिसे मुनाः साःसाःगु नसा ज्वलंलिसें दर नयेगु याइ । दर नयाः कन्हय्कुन्हु निराहार अपसं च्वनाः हरितालिका तीज हनेगु याइ ।
धार्मिक मान्यता कथं सत्ययुगयष्् पार्वतीं नं भाद्र शुक्ल द्वितीयाया दिनय् दर नयाः तृतीयाया दिनय् अपसं च्वंगु किंवदन्ती दु । इहिपाः मजूनिपिं मिसातय् महाखः थुज्वःम्ह भाःत लाय्मा धकाः इहिपा जूपिनि थः भाःतया ताःआयूया कामना यासें अपसं च्वनेगु चलन दु । सरकारं निषेधाज्ञा चीकूगुलिं गां शहरय् दक्वभनं तीजया चहलपहल अप्वःगु दु ।
उखे पशुपतिनाथ देगः वइगु असोज १ गतेनिसें पूवंक चालीगु जूगु दु । कोरोना महामारीया हुनिं बन्द जूगु पशुपतिनाथ देगः चायेकेगु निर्णय जूगु पशुपति क्षेत्र विकास कोषया सदस्य सचिव मिलनकुमार थापां जानकारी बियादिल ।
सदस्य सचिव थापायाकथं स्वास्थ्य मन्त्रालयं क्वःछ्यूगु स्वास्थ्य मापदण्ड कथं हे दर्शनया लागिं देगः चायेकेगु निर्णय जूगु खः । असोज १ गतेनिसें हे पशुपतिइ विशेष पूजा नं न्ह्याइ । दर्शनार्थीं क्वःज्यूकथं धेबा पुलाः विशेष पूजा यायेखनी ।
आःतक्क पशुपतिनाथय् नित्य पूजा जक जुयावःगु दु । कोरोनाया निगूगु लहर न्ह्यायेधुंकाः वंगु वैशाख १६ गतेनिसें सर्वसाधारणया लागिं बन्द याःगु खः । पशुपतिनाथया मूल देगःलिसें देवालय शिवालय अले गुह्येश्वरीलिसें शक्तिपीठ भक्तजनया लागिं बन्द याःगु खः ।
असोज १ गतेनिसें भौतिक दूरी कायम यानाः स्वास्थ्य सुरक्षा मापदण्ड लिनाः पशुपति क्षेत्र चालीगु कोषं न्ह्यथंगु दु । २०७६ चैतय् कोरोना महामारी नेपालय् नं खनेदयेधुंकाः पशुपतिनाथ देगः भक्तजनया लागिं बन्द याःगु खः ।
१० ला लिपा २०७७ पुस १ गतेनिसें भक्तजनया लागिं देगः खुला याःगु खः ।
यलया बालकुमारी देगः पुनः निर्माण जुइगु
लहनान्युज | ञंलाथ्व द्धितीया ११४१, भाद्र २३ बुधवाः
यल महानगरपालिका–८ य् बालकुमारी देगः पुनः निर्माण याइगु जुगु दु। विसं २०७२ या भुखाचं उगु देगःक्षति जूगुलि नँया टेका बिया तःगु खः।
कुमारीया न्ह्यने च्वंगु सत्तलय् गजू तया च्वःनिसे थुनेयेगु धका बालकुमारी मन्दिर पुनः निर्माण समितिया अध्यक्ष खड्गलाल महर्जनं धाउगु दु। ‘महानगरपालिकां विनियोजन याउगु ५० लाख व जनश्रमदानपाखे उठे जूगु ६ लाख याना ५६ लाखं ज्या न्ह्याके त्यनागु दु।’ धका महर्जन धाउगु खः। देगः पुनः निर्माणया कुल ४ करोड ४१ हजार रकम खर्च जुइगु अनुमान दु दातापि पाखे रकम सङ्कलन याना सम्पन्न यायेगु जुइ धका महर्जनं जानकारी बिउगु दु।’
नेपाल संवत् ७४२ य् सिद्धि नरसिंह मल्लया पालाय् उगु देगः छगु तल्ला पुनः निर्माण जूगु खः सा लिपा हाकनं योगनरेन्द्र मल्लया पालाय् नेसं ८१७ य् निगु तल्ला थपे याना स्वंगू तल्ला दयकूगु धका शिलालेखय् उल्लेख दु। यलया कृष्ण, तलेजु, भीमसेन, कुम्भेश्वर, बङ्गलामुखी, महालक्ष्मी स्थानया महालक्ष्मी, बटुक भैरव, बुगंद्यः, मीननाथ, पूर्णचण्डी अर्थात् सिद्धिलक्ष्मी व महाबौद्धमध्ये बालकुमारी द्यः न छगु प्रमुख द्यःमध्ये खः।
थौं ४ बजे प्रतिनिधिसभाया बैठक च्वनिइगु
लहनान्युज | ञंलाथ्व द्धितीया ११४१, भाद्र २३ बुधवाः
प्रतिनिधिसभाया गुक्वःगु अधिवेशन न्हापागु बैठक थौं च्वनिइगु जुगु दु। न्हिनसिया ४ बजे च्वनिइगु बैठकय् छगू दर्जन स्वया अप्वो अध्यादेश स्वीकृतिया लागि प्रस्ताव पेश याइगु सम्भावित कार्यसूचीइ दु।
बैठकया सुरुइ राष्ट्रपति कार्यालयपाखे अधिवेशन आह्वान सम्बन्धी पौं ब्बना न्यकिइगु कार्यसूची तयातःगु दु। वया लिपा सभामुख अग्नि सापकोटां बैठकया अध्यक्षता यासे सदस्यपि मनोनयन याइ।
अथेहे, सपथ सम्बन्धी अध्यादेश, रेल्वे अध्यादेश, औषधि तेस्रो संशोधन अध्यादेश, कोभिड १९ संकट व्यवस्थापन अध्यादेश, स्वास्थ्यकर्मी तथा स्वास्थ्य संस्थाया सुरक्षा सम्बन्धी न्हापागु संशोधन अध्यादेश, सामाजिक सुरक्षा न्हापागु संशोधन अध्यादेश, नेपाल प्रहरी व प्रदेश प्रहरी कार्य सन्चालन, सुपरिवेक्षण व समन्वय सम्बन्धी न्हापागु संशोधन अध्यादेश, तेजाब तथा घातक रासायनिक पदार्थ नियमन अध्यादेश, यौन हिंसाविरुद्धया ऐनयात संशोधन यायेगु अध्यादेश, फौजदारी कसूर नाप फौजदारी कार्यविधि सम्बन्धी ऐन संशोधन यायेगु अध्यादेश न स्वीकृतिया लागि प्रस्ताव पेश याइगु सम्भावित कार्यसूचीइ दु।
बैठकय् तत्कालीन एकीकृत नेकपा माओवादीपाखे २०७० सालया संविधानसभामा समानुपातिकपाखे निर्वाचित जुठबहादुर खड्गी (जेबी टुहुरे)या शोक प्रस्ताव न प्रस्तुत याइगु कार्यसूचीइ दु।
