स्वास्थ्य तथा जनसंख्या मन्त्रालयया कथं थौं दकलय् अप्वो येँ ३४९ म्हेसित कोरोना सक्रमण पुष्टि जूगु दु।

अथेहे यलय् १५०, मोरङय् १३८, कास्कीइ १३२, सुनसरीइ ७५ म्ह व झापाय् ७१ म्हेसित कोरोना संक्रमण पुष्टि जूगु दु।

अथेतु, ख्वपय् ६९, चितवनय् ५५, रुपन्देहीइ ५२, मकवानपुरय् १९, नवलपरासी पुर्वय् १८, काभ्रेपलाञ्चोक व नुवाकोटय् ११÷११ म्ह व धनकुटा व दाङय् १०÷१० म्हेसित कोरोना संक्रमितपि थपे जूगु दु धका मन्त्रालयं धाउगु दु।

वंगु २४ घण्टाया दुने देयन्यक १ हजार ६४० म्हेसित कोरोना संक्रमण पुष्टि जूगु दु।

९ हजार ७६७ म्हेसित पीसीआर परीक्षण यागुलि १ हजार ३४७ म्हेसित व ३ हजार ६८८ म्हेसिगु एन्टिजेन परीक्षण यागुलि २९३ म्ह याना १ हजार ६४० म्हेसित कोरोना भाइरसया संक्रमण खनेुगु धका स्वास्थ्य तथा जनसंख्या मन्त्रालयं धाउगु दु

अथेहे २४ घण्टाय् थप कोरोना संक्रमणं १० म्ह सीगु दु सा २ हजार १६१ म्ह कोरोनामुक्त जूगु दु। बुधबाः थपे जूगु नाप नेपालय् कोरोना संक्रमित जूपि ७ लाख ७३ हजार ५२९ म्ह थ्यंगु दु।

उकि मध्ये १० हजार ८८९ म्ह सी धुकुगु दु सा ७ लाख ३३ हजार १६१ म्ह संक्रमणमुक्त जुइ धुकुगु दु।

नेकपा एमाले न थःगु दल तछ्यायेत सभामुख अग्निप्रसाद सापकोटा प्रयोग जूगु आरोप लगे याउगु दु। बुधबाः प्रतिनिधिसभाया बैठकय् एमाले प्रमुख सचेतक विशाल भट्टराई ने एमाले कारबाही यापि सांसदपिन्त बचे याउगु धासे सभामुखं भूमिका म्हितूगु धका धाउगु दु।

‘नेकपा एमालें कारबाही यापि सांसदपिन्त बचे याउगु व नेकपा एमाले तछ्यायेगु मतियार जुगु धका न्ह्यसः सम्मानित संसदय् जिमिसं जोडदार रुपं ल्ह्वनगु दु’ वयकलं धागु दु।

प्रमुख सचेतक भट्टराई न एमाले तछउयायेगु  संविधान कानुन नियम विधि सारा विषय उल्लंघन याउगु धका धागु दु।

शेयर बजाः थौं बुधवाः न घटे जुगु दु। म्हिगः मङ्गलवाः ४४ अङ्कं घटे जुगु नेप्से थौं ६० दशमलव ०२ अङ्कं घटे जूया २ हजार ८७६ दशमलव ५९ विन्दुइ कुहावःगु दु।

थौं दक्को समूहया शेयर कुहवःगु दु। बैंकिङ समूहया शेयर ३२ अङ्क घटे जुगु दु। अथेहे विकास बैंक समूहय् १५८, व्यापारया ८२, होटलय् ६४, जलविद्युतय् ५३, फाइनान्सय् ९७ व माइक्रोफाइनान्स समूहया शेयर ६७ अङ्कं घटे जूगु दु।

उत्पादन समूहय् १८८, मेमेगु ६३, जीवन बीमा समूहया ४२१ व निर्जीवन बीमा समूहया शेयर ३२८ अङ्कं घटे जुगु खः।

लाइफ इन्स्योरेन्स कम्पनीया शेयर ६ प्रतिशतं घटे जूगु खः। समग्र बजाm घटे जूसा सानीमा लाइफ इन्स्योरेन्सया शेयर १० प्रतिशतं थहावंगु दु। २२५ कम्पनीया १ करोड ६१ लाख कित्ता शेयर ६ अर्ब ६४ करोड रुपैयाँ कारोबार जुगु दु।

दकलय् अप्वो युनाइटेड मोदी हाइड्रोपावर कम्पनीया ४० करोड ५७ लाख रुपैयाँया शेयर किनबेच जुगु दु।

बागमती प्रदेशया मुख्मन्त्री अष्टलक्ष्मी शाक्यं मन्त्रीमण्डल विस्तार याउगु दु। अल्पमतय् दुम्ह मुख्मन्त्री शाक्यं थौं बुधबाः ६ मन्त्री व प्यम्ह राज्यमन्त्री नियुक्त याउगु दु।

नवगठित मन्त्रिपरिषदय् डा.अजय क्रान्ति शाक्ययात आन्तरिक मामिला तथा कानून मन्त्रालयया जिम्मेवारी बिउगु दु। अथेहे रचना खड्का आर्थिक मामिला तथा योजना मन्त्रीइ नियुक्त याउगु दु सा विजय सुवेदी सामाजिक विकास मन्त्री व शान्तिप्रसाद पौडेल उद्योग, पर्यटन, वन तथा वातावरण मन्त्री याउगु दु।

प्रदीपकुमार कटुवाल क्षेत्रीयात स्वास्थ्य मन्त्रालयया जिम्मेवारी बिउगु दु सा चन्द्र लामायात भूमि व्यवस्था, कृषि तथा सहकारी मन्त्री नियुक्त याउगु दु। मुख्यमन्त्री शाक्यं जीवन खड्का, सरस्वती बाटी, जुनेली श्रेष्ठ व बद्री मैनालीपिन्त राज्यमन्त्रीइ नियुक्त याउगु दु।

खड्का भौतिक पूर्वाधार विकास राज्यमन्त्री, बाटी उद्योग राज्मन्त्री, श्रेष्ठ सामाजिक विकास राज्यमन्त्री व मैनाली भूमि व्यवस्था, कृषि तथा सहकारी राज्मन्त्रीइ नियुक्त याउगु दु।

नवनियुक्त ६ मन्त्री व प्यम्ह राज्यमन्त्रीपिन्स थौं बुधबाः हे सपथ काउगु दु। थौं नियुक्त जूपि नाप आः बागमती प्रदेशया मन्त्रिपरिषद् १२ म्ह सदस्यीय थ्यंगु दु।