महिला बालबालिका तथा जेष्ठ नागरिक मन्त्री उमा रेग्मी न कोरोना संक्रमित जुगु दु।

मन्त्री रेग्मीं सामाजिक सञ्जालय् थः कोरोना जुगु जानकारी बिउगु खः। “कोरोनां दुःख बिल पोजेटिभ खनेदत,” मन्त्री रेग्मीे फेसबुकय धाउगु दु।

वंगु २४ घण्टाया दुने देयन्यक थप ४,६३६ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं १०,४१२ म्हेसित पीसीआर परीक्षणय् ३,७०३ म्ह  ४,१४४ म्हेसित एन्टिजेन परीक्षणय् ९३३ म्ह याना ४,६३६ म्हेसित कोरोना संक्रमण पुष्टि जुगु खः।

मन्त्रायलया कथं २४ घण्टाय् ३५० म्ह कोरोना संक्रमणमुक्त जूगु दु सा कोरोना संक्रमणं प्यम्ह सीउगु दु। थ्व नाप आःतक देयन्यक २१ हजार ५८४ म्ह कोरोना भाइरसया सक्रिय संक्रमितपि थ्यःगु दु।

दँय दँसं झीनिदँ पन्तिइ त्रिवेणीघाटय् मकर मेला थौं शनिबाःनिसे सुरु जुगु दु। मेलाय् दर्शनार्थीपि थौं सुथंनिसे त्रिवेणीघाटया कुण्डय् मकर न्ह्याउगु खः।

सूर्य धनु राशि त्वता मकर राशिइ प्रवेश याउगु न्हापागु दिं (माघ १) निसे  लच्छि तक झीनिदँय् छक मेला जुइगु  खः थुगु मकर मेला।

कोरोना संक्रमणया जोखिम कारण स्वास्थ मापदण्ड अपने याना सामाजिक दूरी कायम याना छगु थासं २५ म्हपि छकः करिब प्यसःम्हेसिया छकलः म्वो ल्हुइगु व्यवस्था मिले याउगु दु धका पनौती नगरप्रमुखं धाउगु दु।

मेलाया रुपं सञ्चालन मयायेगु निर्णय जिल्ला कोभिड संकट व्यवस्थापन समिति व पनौती नगरपालिकां याउगु खः । निगु हे संस्थां जारी याउगु सूचनाय् २५ म्ह स्वया कम नाप भीडभाड मयासे स्वास्थ्य सम्बन्धी दक्को सुरक्षा मापदण्ड अपने याना मकर स्नान यायेगु धका धाउगु खः।

किपाः दिब्य महर्जन

नेकपा एमालेया उपाध्यक्ष विष्णु पौडेलयात न कोरोना भाइरस संक्रमण पुष्टि जुगु दु।

उपाध्यक्ष पौडेलं थौं शनिबाः फेसबुकय् थः संक्रमित जुगु जानकारी बिउगु खः।

थ्व स्वया शुक्रबाः एमाले महासचिव शंकर पोखरेलयात न संक्रमण पुष्टि जुगु खः।

कोरोना भाइरस नियन्त्रण व रोकथामय् सरकार गम्भीर मजुगु धासे प्रमुख प्रतिपक्षी दल नेकपा एमाले न प्रधानमन्त्री शेरबहादुर देउवायात ध्यानाकर्षण याकूगु दु।

शनिवाः एमाले नेताहरु सुवास नेम्वाङ, योगेश भट्टराई लगायतपिन्स प्रधानमन्त्री देउवाया सरकारी निवास बालुवाटारय् वना ध्यानाकर्षण याउगु दु। कोरोना भाइरस फैलै जूसा रोकथाम व नियन्त्रणया लागि सरकारं छू न उल्लेख्य कुतः मयाउगु एमाले न द्धपः बिउगु दु।

उगु ध्यानाकर्षण पत्रय् एमाले अध्यक्ष केपी शर्मा ओली नेतृत्वया सरकारं कोरोना नियन्त्रणया लागि याउगु कुतः आःया सरकारं स्यनेमाःगु उल्लेख याउगु दु । ध्यानाकर्षण पौ बुझेयाना कासे प्रधानमन्त्री शेरबहादुर देउवां नागरिकपिनिगु स्वास्थ्यप्रति सरकार गम्भीर दु धका धाउगु दु