सरकारं सीमा नाकाय् थप कडाई यायेगु निर्णय याःगु दु ।

गृहमन्त्री बालकृष्ण खाँणया नायःसुइच्वंगु केन्द्रीय सुरक्षा समितिया मँुज्यां अवैधानिक रुपय् नेपाः दुहाँवइपिन्त सीमा नाकाय् थप कडाई यायेगु, सीसीटीभी जडान यायेगु, नाकाय् वये–वने याइबलय् अनिवार्य कथं परिचयपत्र क्यनेमाःगु व्यवस्था यायेगु अले अध्यागमन व सुरक्षा निकाय परिचालन झं प्रभावकारी यायेगु निर्णय याःगु दु ।

मुँज्याय् गृहमन्त्री खाणं अनाधिकृत रुपय् विदेशी नागरिक नेपाः दुमकायेत सीमा नाका व अन्तर्राष्ट्रिय विमानस्थलय् कडाई यायेत निर्देशन बियादीगु दु ।

लिपांगु ईलय् कोभिड–१९ या संक्रमण अप्वःगु हुनिं सिमानाकाय् हे स्वास्थ्य चकजाँच यायेगु न निर्णय याःगु दु । समसामयिक विषयलय् थप सहलह यायेत मेगु मुँज्या कन्हय् हाकन च्वनी ।

नेपालभाषाया सक्रिय कार्यकर्ता धनबहादुर महर्जन तिमिला व नेपाल संवत राष्ट्रिय न्हूदँ समारोह समिति ११४२ या मिसा समितिया कजि नानीहेरा महर्जनया माजु शुक्रवाः सुथय् मन्त।

८५ दँया सानुमाया महर्जनयात छुं दिं न्ह्यःनिसें म्हं मफयाः छेँय् हे वासः यानाच्वंगु खः।

मदुम्ह महर्जनया निम्ह काय् व निम्ह म्ह्याय् लिसें जहान दी।

सरकारं हाकनं इन्धनया भाः थकाउगु दु।

म्हिगः चान्ह्यः निसे लागू जुइगु कथं नेपाल आयल निगमं जा थुइगु ग्यास नाप पेट्रोल, डिजेल, मचिकं, हवाई इन्धनया भाः थकाउगु खः। निगमं पेट्रोलया १३३ रुपैयाँ, डिजेल÷मचिकंया प्रतिलिटर स्वतका थकया ११६ रुपैयाँ थ्यकूगु दु।

आन्तरिक तथा बाहृय हवाई ईन्धनया साबिक बिक्रि मूल्य प्रतिलिटर झीतक थकाया ९६ व अन्तर्राष्ट्रिय हवाई इन्धनया मूल्य प्रति किलो लिटर अमेरिकी डलर ८५३ प्रति किलो लिटर कायम याउगु दु।

एलपी ग्याँस येँ प्रति सिलिण्डर रु. ५० रुपैयाँ थकाया १ हजार ५०० रुपैयाँ प्रतिसिलिण्डर कायम याउगु दु धका निगमया सहप्रवक्ता पुष्कर कार्की न जानकारी बिउगु दु।

‘मूल्य समायोजनलिपा निगमयात पेट्रोलय् लिटरय् १२.५५, डिजेलय् प्रतिलिटर ११.६७ व एलपी ग्यास प्रतिसिलिण्डरय् ४६१.२२ घाटा दु धका निगमं दावी याउगु दु।

नेपाल संवत आन्दोलनया प्रणेता पद्मरत्न तुलाधर मदुगु स्वक्वःगु पूण्यतिथिइ न्हूदँ समारोह समिति ११४२ पाखें वय्कलं नेपाल संवत आन्दोलनया नितिं यानादीगु योगदानयात लुमंकाः येँया शंखधर पार्कय् येँ महानगरपालिकां पलिस्था यानातःगु झ्वाताय् माल्यार्पण ज्याझ्वः याइगु जूगु दु।

समारोह समितिं बिउगु जानकारी कथं ने.सं. ११४२ कछलाथ्व द्वादसी (कार्तिक १६ गते) मंगलवाः सुथय् ७ ता इलय् समारोह समितिया सकल दुजःपिं व तुलाधरप्रति आस्था दुपिं व्यक्तित्वपिं मुनाः वय्कःया झ्वाताय् माल्यार्पण यायेगु ज्याझ्वः तयातःगु खः।

नेपाल संवत न्हूदँ राष्ट्रिय समारोह समिति ११४२ या ग्वसालय् येँया नेपाः ब्यांक्वेटय् नेपाल संवतया प्रवर्तक शंखधर साख्वाःया मूर्ति उलेज्या जूगु दु।

उगु ज्याझ्वलय् वंगु न्हूदँ ११४० भिंतुना ¥यालीइ ब्वति काःगु थीथी खलः पुचःया बाजं खलःयात केपु इनेज्या न जुगु दु। नेवाः न्ह्यलुवाः मल्ल के सुन्दरं समारोह समितिं पलिस्था याउगु शंखधरया मूर्ति उलेज्या यानादीगु खः। उगु मूर्ति कलाकार सन्तकुमार महर्जनं मूर्ति दयेकूगु खः।

ज्याझ्वलय् येँ महानगरपालिकाया उपमेयर हरिप्रभा खड्गी श्रेष्ठ, नेवाः न्ह्यलुवाः मल्ल के सुन्दर, समारोह समितिया सल्लाहकार डा. त्रिरत्न मानन्धरपिन्सं न्हूदँय् ब्वति काःगु १६८ गू खलः पुचःया बाजं खलःयात खादा न्ययेकाः केपु लःल्हाःगु खः ।

न्हूदँ समारोह समिति ११४२ या नायः निरञ्जनरत्न शाक्यया सभापतित्वय् जूगु उगु ज्याझ्वलय् लसकुस मचाराजा महर्जनं यानादीगु खःसा न्हूदँ ११४२ या सकतां ज्याझ्वःया धलः ज्योति शाक्यं ब्वनाः न्यंकादीगु खः ।समितिया दुजः उमेश स्थापितं न्ह्याकादीगु उगु ज्याझ्वलय् सुभाय् नानीहेरा महर्जनं बियादीगु दु।