सञ्चार तथा सूचना प्रविधि मन्त्री ज्ञानेन्द्रबहादुर कार्कीें कोरोना भाइरस संक्रमण नियन्त्रणया लागि सरकारं ज्या यानाच्वनागु दु धका धाउगु दु।

लिपागु इलय् कोरोना संक्रमण तसकं फैलै जुगुलि सरकारया प्रवक्ता मन्त्री कार्की न कोरोना नियन्त्रणया लागि सरकारं दक्को संयन्त्र परिचालन याये धुकागु दु धाउगु दु।

वयकलं नागरिकया जीवन रक्षाप्रति सरकार संवेदनशील दु धका धाउगु दु। मन्त्री कार्कीं धाउगु दु, नागरिकया जीवन रक्षाया लागि सरकार प्रतिवद्ध दु । खोप अभियान तीब्र कथं न्ह्याकागु दु।

वयकलं कोरोना संक्रमणपाखे बचे जुइत स्वास्थ्य मापदण्ड अपने यायेत न इनाप याउगु दु।

 वाःया लिपागु दिं थौं बिहीबाः शेयर बजारय् उच्च अंकं सुधार जुगु दु। म्हिगः बुधबाः ३० अंकं घटे जुगु शेयर बजाः थौं बिहीबाः ५४ अंक स्वया अप्पो बढे जुगु दु।

नेप्से परिसूचक ५४ दशमलव १२ अंकं थहावना २ हजार ८ सय ५७ दशमलव ७५ अंक बढे जुगु दु। शेयर कारोबार रकम धासा घटे जुगु दु। बुधबाः ८ अर्ब स्वया अप्पो शेयर कारोबार जुगुलि बिहीबाः ७ अर्ब न मथ्यंगु दु।

न्हिच्छियक करिब ६६ हजार कारोबारपाखे २२४ कम्पनीया १ करोड १६ लाख कित्ता हाराहारीया शेयर किनबेच जुगु खः। उकिइ कारोबार रकम ६ अर्ब ६६ लाख ९७ हजार रुपैयाँ स्वया अप्पो शेयर कारोबार जुगु खः।

धादिङया रुबी भ्यालीइ डोजर नाप स्वम्ह बेपत्ता जूगु दु। रुबीभ्याली गाउँपालिका–१ य् लँ म्हुइगु झ्वलय् थौं सुथय् चलः वया डोजर नाप स्वम्ह बेपत्ता जुगु दु।

जिल्ला प्रहरी कार्यालय धादिङया एसपी राकेश सिंह न थौं सुथय् ८ः३० बजे प्रहरीयात चलखं स्वम्ह ल्हाउगु व उकियात उद्धार यायेगु लागि टोली परिचालन याये धुकागु जानकारी बिउगु दु ।

कोभिड १९ (कोरोना भाइरस) या न्हुगु भेरियन्ट ओमिक्रोनया सङ्क्रमण दर व मृत्यु दर खोप काःपि स्वया मकापि अप्पो सीउगु दु धका धाउगु दु।

लिपागु अध्ययन कथं खोप काःपि स्वया मकाःपिन्त ओमिक्रोन भेरियन्टया सङ्क्रमण सरे जुइगु सम्भावना १० गुणा व सिकिस्त जूया अस्पताल भर्ना जुइपिनिगु सम्भावना १७ गुणा अप्पो खनेदुगु धका सङ्क्रामक रोग विशेषज्ञ डाक्टर जनक कोइरालां धाउगु दु।

स्वास्थ्य मन्त्रालयया नियमित प्रेस ब्रिफिङय् थौं बुधवाः डाक्टर कोइरालां ओमिक्रोन सङ्क्रमणपाखे खोप काःपि स्वया मकापि मनूतयेत ज्यान वनेगु सम्भावना २० गुणा स्वया अप्पो दु धका धाउगु दु। ओमिक्रोन भेरियन्ट थ्व स्वया न्ह्यः फैलै जुगु डेल्टा भेरियन्ट स्वया अप्पो सङ्क्रामक खने दु धका जनस्वास्थ्यया मापदण्ड कडां पालना यायेमाःगुलि बःबिउगु दु।

ओमिक्रोनं स्वँय् स्वया गःपतय्, न्हांसय्, सासः ल्हायेगु नलीइ सङ्क्रमण जुइ धका धाउगु दु। डेल्टा भेरियन्टं तपिकं छातीइ ज्वना निमोनिया याइगु खःसा ओमिक्रोन भेरियन्टं स्वँय् सङ्क्रमण व निमोनिया याउगु खने मदु धका डाक्टर कोइरालां धाउगु दु।

गृह मन्त्रालयं सिंहदरबार प्रवेशय् कडा याउगु दु। मन्त्रालयं ओमिक्रोन भेरियन्टया जोखिमयात कया मन्त्रालय, निकाय, सचिवालय, आयोगं जारी याउगु स्थायी तथा अस्थायी पास व अस्थायी परिपत्रपत्र खारेज याउगु दु।

छु न निकाय न आः न्हुगु अस्थायी पास वा परिपत्रपय जारी यायेमाःसा गृह मन्त्रालययाके पूर्व सहमति कायेमाःगु दु।

मन्त्रालयं थौं बुधबाः जारी याउगु छगु सूचं कथं सरसफाइनाप सम्बन्धित मनू तयेगु हकयय् थ्व स्वया न्ह्यः जारी याउगु पासया आधारय्  प्रवेश बिगु दु सा पत्रकारपिन्स सूचना विभागं जारी याउगु परिचयपत्रया आधारय् प्रवेश याये दइगु जुगु दु।

गृह मन्त्रालयं पिकागु सूचं थुकथं दु