प्रमुख प्रतिपक्षी दल नेकपा एमालेया अध्यक्ष नाप पूर्वप्रधानमन्त्री केपी शर्मा ओलीं बाढीपहिरो पीडित नागरिकपिन्त तत्काल राहतया व्यवस्था यायेत सरकारयात माग याउगु दु।

अध्यक्ष ओलीं बेमौसं वा नाप चलः वया सीपिनिगु प्रति श्रद्धाञ्जली अर्पण यासे घाइते जुपिन्त भिं उसाँय्या कामना याउगु दु। शनिबाः पार्टीया वडा अधिवेशनय् भर्चुअलरुपं उलेज्या यानादीेगु खः।

वंगु कात्तिक १ निसे तसक वाः वया बाढीपहिरां तधःगु जनधनया क्षति याउगु खः। क्षतिया विवरण अझ न वये ल्यदनीइ।

थीथी कारणं थौं जुइ मफुगु वडा अधिवेशन याकन हे सम्पन्न यायेत सम्बन्धित कमिटीयात अध्यक्ष ओलीं निर्देशन बिउगु खः।

नेकपा एमाले न झीक्वःगु राष्ट्रिय महाधिवेशन मूल व्यवस्थापन समितियात पूर्णता बिउगु दु।

रामबहादुर थापा बादलया संयोजकत्वय् गठन जुगु समितिइ सहसंयोजकय् सुरेन्द्र पाण्डे व सचिवय् विष्णु रिमालयात जिम्मा बिइगु निर्णय जुगु दु धका प्रवक्ता प्रदिप ज्ञवालीं धाउगु दु। स्थायी कमिटीं थौं शुक्रवाः च्वंगु बैठकं मूल व्यवस्थापन समितिया स्थायी कमिटीं नेतापि नाप न्ह्यउगु हे प्रदेशपाखे छम्ह छम्ह प्रतिनिधि थपे याना पूर्णता बिउगु दु।

समितिइ सचिवपि पृथ्वीसुब्बा गुरुङ व योगेश भट्टराई नाप स्थायी कमिटी सदस्य रघुवीर महासेठ, छबिलाल विश्वकर्मापिन्त थपे जुगु दु। उगु समितिया सदस्यय् काशिनाथ अधिकारी, भानुक्त ढकाल, यमलाल कडोल, राजन भट्टराई, देवी ज्ञवाली, विनोद श्रेष्ठ, सीता पौडेल, आनन्द पोखरेल, लिला गिरी, कपिल पोखरेल, कृष्णभक्त पोखरेल, पार्वती रावल व दिपक देवकोटापिन्त ल्यःगु दु।

छम्ह सदस्ययात लिपा थपे यायेगु धका ज्ञवालीं जानकारी बिउगु दु। एमालेया महाधिवेशन मंसिर १० निसे १२ तक चितवनय् जुइत्यंगु खः।

न्यादी हाइड्रोपावर लिमिटेडया धितोपत्रय् प्राथमिक सार्वजनिक निष्कासन (आईपीओ) बाँडफाँड याउगु दु।

बिक्री प्रबन्धक ग्लोबल आईएमई क्यापिटलया कार्यालयं थौं शुक्रबाः आईपीओ बाँडफाँड याउगु दु। बिक्री प्रबन्धक ग्लोबल आईएमई क्यापिटलया कथं २ लाख ९ हजार २५० म्हेसित १० कित्ताया दरं सेयर प्राप्त जुगु दु। कम्पनीं आईपीआय् २२ लाख ५५ हजार ८४ आवेदकपिन्स २ करोड ७० लाख ८९ हजार १५० कित्ताया लागि आवेदन बिउगु खः।

उकि मध्ये १३ हजार ९४६ म्हेसिगु आवेदन रद्द जुगु दु धका बिक्री प्रबन्धकं धाउगु दु। २२ लाख ४१ हजार १३८ म्हेसिगु आवेदन भेरिफाइड जुगुलि आवेदकपि मध्ये गोलाप्रथापाखे २ लाख ९ हजार २५० म्हेसित १० कित्ताया दरं सेयर बाँडफाँड जुगु खः। योग्य आवेदकपि मध्ये करिब २० लाख ३२ हजार आवेदकपिनिगु ल्हाः खाली जुगु खः।

कम्पनीं वंगु असोज १५ निसे १९ गते तक सर्वसाधारणया लागि २२ करोड ५० लाख रुपैयाँ बराबरया २२ लाख ५० हजार कित्ता सेयर निष्कासनय् हःगु खः। निष्कासनय् हःगु कुल सेयरमध्ये २ प्रतिशत अर्थात् ४५ हजार कित्ता कर्मचारीपिन्त व ५ प्रतिशत अर्थात् १ लाख १२ हजार ५०० कित्ता सामूहिक लगानी कोषयात छुटे यागु खःसा बाँकी ल्यः दुगु २० लाख ९२ हजार ५०० कित्ता सेयर जक सर्वसाधारणयात बिक्री याउगु खः।

नेकपा एमालेया सचिव योगेश भट्टराई अस्पताल भर्ना जुयादीगु दु।

ज्वरो वःगुलि भट्टराई थौं शुक्रबाः वीर अस्पतालय् भर्ना जुयादीगु खः। स्वन्हु निसे अस्वस्थ जुगुलि भट्टराई छेँ हे आराम यानाच्वंगु खः।

तर ज्वरो झन बढे जुगुलि अस्पताल भर्ना जुगु धका वयकःया सचिवालयं धाउगु दु।