कार्यवाहक प्रधानमन्त्रीया जिम्मेवारी उपप्रधानमन्त्री नाप शहरी विकासमन्त्री प्रकाशमान सिंहयात ब्यूगु दु।

प्रधानमन्त्री केपी शर्मा ओली न्यागु चीन भ्रमणया निति प्रस्थान यागुलि सिंहयात कार्यवाहकया जिम्मेवारी ब्यूगु दु। सिंह ओली नेतृत्वया सरकारय् निगुगु वरियताय् खः।

राष्ट्रपति रामचन्द्र पौडेलं प्रधानमन्त्री ओलीया सिफारिसय् सिंहयात कार्यवाहक प्रधानमन्त्री क्वछिगु खः।

सञ्चार नापं सूचना प्रविधिमन्त्री पृथ्वीसुब्बा गुरुङं समानुपातिक समावेशी निर्वाचन प्रणालीइ जनमत सिर्जना यायेमाःगु ई वःगु धयादीगु दु।

आदिवासी जनजाति उत्थान राष्ट्रिय प्रतिष्ठानपाखें थौं ग्वसाः ग्वःगु सफू लोकार्पण समारोहयात संबोधन यानादिसें मन्त्री गुरुङं समानुपातिक समावेशी निर्वाचन प्रणाली लिकाल धाःसा संविधानया मूल मर्म हे मदइगु जूगुलिं थुकिया पक्षय् जनमत सिर्जना यायेमाःगुलिइ बः बियादिल।नेपाल सरकारया प्रवक्ता सुचना मन्त्री गुरुङया कथं लिपांगु इलय् समावेशी व समानुतापतिक प्रणालीयात नेतातय्सं हे कमजोर यायेत सनाच्वंगुलिं उकियात बचेयात सम्बद्ध पक्ष छधी जुइमाःगु धयादिल।

“गुलिखे नेतातय्सं राजनीतिक स्थायित्व मजूगुलिइ समावेशी प्रणाली पंगः जुया च्वंगु खः धइगु थुइकाच्वंगु दु”, वय्कलं धयादिल, “गुगु तर्क सङ्गत मजू। स्थिर सरकारया बाधक समावेशी पक्ष मखु, बरु नेतातय् कार्यशैलीइ सुधार हयेमाःगु आवश्यक जू।” ताः ई तक जूगु सङ्र्घष व त्यागलिपा मुलुकय् सङ्घीय शासन प्रणाली वःगु न्ह्यथनादिसें सरकार निर्माणया झ्वलय् अझ नं समावेशी प्रणाली लागू जुइ मफूगु वय्कलं धयादिल।

आदिवासी जनजाति ् ‘मुभमेन्ट’ सामाजिक व सांस्कृतिक ख्यलय् जक हे केन्द्रित जूगु कनादिसें वय्कलं आः राजनीतिक व आर्थिक ज्याखँय् नं बः बिइमाःगु धारणा तयादिल। मन्त्री गुरुङं सङ्घीयता वयेधुंकाः सीमान्तकृत समुदायं छु गजाःगु उपलब्धि यात धइगु विषयय् तथ्य तथ्याङ्कलिसें अध्ययन यायेत सुझाव बियादिल।

ज्याझ्वलय् प्रतिष्ठानया न्वकू रेशम गुरुङं आदिवासी जनजातिया विषयय् राज्य संवेदनशील मजूगु गुनासो यानादिसें आदिवासी, जनजातितय् हकअधिकार सुरक्षित नापं सुनिश्चित यायेत आवश्यक अध्ययन, अनुसन्धान, सहलह, पैरवी यानाः अझ प्रभावकारी व सुदृढ संस्थाया विकास यायेत फक्व कुतः जुयाच्वंगु जानकारी बियादिल।

आदिवासी जनजाति विषयलिसे सम्बन्धित थी थी सफू पितब्वःगु उगु ज्याझ्वलय् प्राडा कृष्ण हाछेंथु, प्राडा योगेन्द्र गुरुङलिसेंपिंसं आदिवासी जनजातितय् अवस्था व म्हसीकाबारे विश्लेषणात्मक बिचाः तयादीगु खः।

सञ्चार नापं सूचना प्रविधिमन्त्री पृथ्वीसुब्बा गुरुङं समानुपातिक समावेशी निर्वाचन प्रणालीइ जनमत सिर्जना यायेमाःगु ई वःगु धयादीगु दु।

आदिवासी जनजाति उत्थान राष्ट्रिय प्रतिष्ठानपाखें थौं ग्वसाः ग्वःगु सफू लोकार्पण समारोहयात संबोधन यानादिसें मन्त्री गुरुङं समानुपातिक समावेशी निर्वाचन प्रणाली लिकाल धाःसा संविधानया मूल मर्म हे मदइगु जूगुलिं थुकिया पक्षय् जनमत सिर्जना यायेमाःगुलिइ बः बियादिल।नेपाल सरकारया प्रवक्ता सुचना मन्त्री गुरुङया कथं लिपांगु इलय् समावेशी व समानुतापतिक प्रणालीयात नेतातय्सं हे कमजोर यायेत सनाच्वंगुलिं उकियात बचेयात सम्बद्ध पक्ष छधी जुइमाःगु धयादिल।

“गुलिखे नेतातय्सं राजनीतिक स्थायित्व मजूगुलिइ समावेशी प्रणाली पंगः जुया च्वंगु खः धइगु थुइकाच्वंगु दु”, वय्कलं धयादिल, “गुगु तर्क सङ्गत मजू। स्थिर सरकारया बाधक समावेशी पक्ष मखु, बरु नेतातय् कार्यशैलीइ सुधार हयेमाःगु आवश्यक जू।” ताः ई तक जूगु सङ्र्घष व त्यागलिपा मुलुकय् सङ्घीय शासन प्रणाली वःगु न्ह्यथनादिसें सरकार निर्माणया झ्वलय् अझ नं समावेशी प्रणाली लागू जुइ मफूगु वय्कलं धयादिल।

आदिवासी जनजाति ् ‘मुभमेन्ट’ सामाजिक व सांस्कृतिक ख्यलय् जक हे केन्द्रित जूगु कनादिसें वय्कलं आः राजनीतिक व आर्थिक ज्याखँय् नं बः बिइमाःगु धारणा तयादिल। मन्त्री गुरुङं सङ्घीयता वयेधुंकाः सीमान्तकृत समुदायं छु गजाःगु उपलब्धि यात धइगु विषयय् तथ्य तथ्याङ्कलिसें अध्ययन यायेत सुझाव बियादिल।

ज्याझ्वलय् प्रतिष्ठानया न्वकू रेशम गुरुङं आदिवासी जनजातिया विषयय् राज्य संवेदनशील मजूगु गुनासो यानादिसें आदिवासी, जनजातितय् हकअधिकार सुरक्षित नापं सुनिश्चित यायेत आवश्यक अध्ययन, अनुसन्धान, सहलह, पैरवी यानाः अझ प्रभावकारी व सुदृढ संस्थाया विकास यायेत फक्व कुतः जुयाच्वंगु जानकारी बियादिल।

आदिवासी जनजाति विषयलिसे सम्बन्धित थी थी सफू पितब्वःगु उगु ज्याझ्वलय् प्राडा कृष्ण हाछेंथु, प्राडा योगेन्द्र गुरुङलिसेंपिंसं आदिवासी जनजातितय् अवस्था व म्हसीकाबारे विश्लेषणात्मक बिचाः तयादीगु खः।

प्रधानमन्त्री केपी शर्मा ओलीं पर्साया वीरगञ्जय् महामारी जुयाच्वंगु (हैजा ल्वय्या रोकथाम व नियन्त्रण यायेत स्वास्थ्य नापं जनसङ्ख्या मन्त्रालयया समन्वयय् नेपाली सेनालिसें प्यंगुलिं सुरक्षा निकायया चिकित्सक व उपकरणया परिचालन नापं छ्यलेगु धयादीगु दु।

प्रतिनिधिसभाया बैठकयात थौं संबोधन यानादिसें प्रधानमन्त्री ओलीं थौंया मन्त्रिपरिषदया बैठकं उगु निर्णय याःगुलिं वीरगञ्जय् आउटब्रेक जूगु हैजा नियन्त्रणय् वइगु भलसा प्वंकादिल। वय्कलं महामारीं स्वम्ह मदुगुलिं दुःख प्वंकादिसें नियन्त्रणया निंतिं सरकारयापाखें फयांफक्व कुतः जूगु नापं थ्व ल्वय्या स्रोत छु खः धइगु बारे मालेगु ज्या जुयाच्वंगु धयादिल।

प्रधानमन्त्री ओलीं हैजाया बिरामीतय्त उपचार यायेत नापं सचेतनाया प्रबन्धत जूगु न्ह्यथनादिसें नारायणी अस्पतालय् निःशुल्क उपचार यायेगुलिसें निजी अस्पतालय् तकं उपचार जुयाच्वंगु सदनयात जानकारी बियादिल।

धादिङया धार्के सतकय् नेवाः राष्ट्रिय परिषदया नेतृत्वय् स्थानीयतय्सं तारबार तःगु दु। निजी जग्गा मिचे याना मापदण्ड अःखः सतकय् पिच याःगु धासे उमिसं तारबार तःगु खः।

नेवाः राष्ट्रिय परिषदया अध्यक्ष सुमन सायमी जानकारी बिउगु कथं धुनिबेसी नगरपालिका–५ य् बिमला महर्जनया ३ रोपनी १५ आना २ पैसा जग्गाय् मापदण्ड अःखः पिच यागु धासे महर्जनयात न्याय बिइगु निति तारबार तयागु खः धका धाःगु दु।

सायमीं धाःगु दु, ‘बिमला महर्जनया जग्गा मापदण्ड कथं लँ बिइमागु जग्गा बाहेक ल्यः दनिइगु बुँ लित बिइगु निति सतकय् तारबार तयागु खः।’

तारबार तयेगु निति परिषदया संयोजक सुमन सायमी, हलिं नेवाः गुठीया संस्थापक शान्त प्रकाश श्रेष्ठ, बिनोद महर्जन, राष्ट्रिय मुक्ति पार्टी नेपालया उपाध्यक्ष कौशल कुमार सिंह, प्रवक्ता रबिन्द्र कुमार श्रेष्ठ, विकासबाबु श्रेष्ठ, विकास घिमिरे, बेबी राजभण्डारीपिनिगु ब्बति दुगु खः।