प्रधानमन्त्री केपी शर्मा ओली दाङ थ्यंकादीगु दु । वय्कः लुम्बिनी प्रदेशया राजधानी दाङया देउखुरी थ्यंकादीगु खः। प्रधानमन्त्री ओलीयात लुम्बिनी प्रदेशया मुख्यमन्त्री चेतनारायण आचार्य, प्रदेश मन्त्रीत, सुरक्षा निकायया प्रमुखपिन्स लसकुस यानादीगु खः।

वय्कः लुम्बिनी प्रदेशसभाया मुँज्यायात विशेष संबोधन याइगु प्रदेशसभाया सचिव दुर्लभकुमार पुनमगरं कनादिल। प्रधानमन्त्री ओलीं प्रदेशसभा मुँज्यायात विशेष संबोधनलिपा घोराहीइ नेकपा (एमाले) दाङं ग्वसाः ग्वःगु सभायात संबोधन याइगु ज्याझ्वः दु।

उगु ज्याझ्वःलिपा वय्कलं टरिगाउँ विमानस्थलया निरीक्षण व अवलोकन याइगु ज्याझ्वः दूगु धाःगु दु।

लेबनानय् प्रर्दशनकारी तयेगु आक्रमणं घाःपाः जूम्ह नेपाली सेनाया उपरथी चोकबहादुर ढकाल म्हिगः बहनि लिहावःगु दु।

थःगु कार्यकाल पूरा याना नेपाः लिहावयेगु झ्वलय् राष्ट्र संघया निति लेबनानय् ज्यायाना च्वम्ह कार्यरत डेपुटी फोर्स कमान्डर उपरथी ढकालयात अन च्वपि हिजवुल्लाह दुथ्यापि प्रर्दशनकारी तय्स आक्रमण याःगु खः।

प्रर्दशनकारी तयगु आक्रमणं घाःपाः जूम्ह उपरथी ढकालया छ्यन लागु खः। बेरुतया लेभल थ्री अस्पतालय् वास याना लिहावःगु धका सैनिक मुख्यालयं जानकारी ब्यूगु दु।

प्रधानमन्त्री केपी शर्मा ओलीं थौ लुम्बिनी प्रदेश सभाय् विशेष सम्बोधन याइगु ज्याझ्वः दु।

प्रधानमन्त्रीं थौ न्हिनय् १२ बजे च्वनिइगु प्रदेश सभाया बैठकय् सम्बोधन याइगु ज्याझ्वः दु धका प्रधानमन्त्रीया सचिवालयं धाःगु दु।

लुम्बिनी प्रदेशया सभामुख तुलाराम घर्ती मगरं मुख्यमन्त्री चेतनारायण आचार्यपाखे प्रधानमन्त्री ओलीयात विशेष सम्बोधन यायेगु निति ब्बनादीगु खः।

मनाङय् भुखाय् ब्बःगु दु। थौ सुथय् ८ बजे जुया २२ मिनेतय् मनाङय् भुखाय् ब्बःगु खः।

राष्ट्रिय भूकम्प मापन नाप अनुसन्धान केन्द्रया कथं ३.८ म्याग्निच्युडया भुखाय् ब्बःगु दु धका धाःगु दु।

ओली प्रधानमन्त्री केपी शर्मा ओलीं थः थ्व स्वया न्ह्यः प्रधानमन्त्री जुयागु इलय् न्ह्याकागु स्थानीय तहया अस्पताल निर्माणलगायत पूर्वाधार विकासया ज्या सरकारं प्राथमिकताय् तयागु दु धका धयादीगु दु।

प्रतिनिभिसभाया थौया बैठकय सांसदपिन्स न्यःगु न्ह्यसःया लिसः बिइगु झ्वलय् प्रधानमन्त्री ओलीं थःगु न्हापागु कार्यकालय् निर्वाचन क्षेत्र रणनीतिक सतक व हरेक पालिकाय् आधारभूत अस्पतालया आवश्यकता महसुस याना अथे निर्माण सुरुवात यानागु लुमकादीसे थः लिपायापि सरकारं अज्यागु ज्याझ्वः रद्द यागुलि निर्माण दिउगु खः धका धयादीगु खः।

“दक्को सतक व अस्पताल निर्माण सम्पन्न यायेत यक्कोे बजेट माः। उगु अस्पताल भचा निर्माण सम्पन्न जुइ धुकुगु दु। उपलब्ध स्रोत व साधनयात ध्यान बिया ल्यदनिइगु सतक व अस्पताल प्राथमिकतापूर्वक निर्माण जुइ धुकुगु दु”, प्रधानमन्त्री ओलीं धयादीगु दु, “सरकारं स्वास्थ्य क्षेत्रयात तधःगु प्राथमिकता बियागु दु।

अस्पतालया पूर्वाधार निर्माण व जनशक्ति व्यवस्थापनया निति उपलब्ध स्रोत व साधनयात प्राथमिकताय् तया विनियोजन यानाच्वनागु दु व वइगु दँय् प्राथमिकतापूर्वक विनियोजन यायेगु धका वयकलं धयादीगु दु।