सरकारं नेपाल प्रहरीया महानिरीक्षकय् चन्द्रकुवेर खापुङयात नियुक्त याःगु दु। थौ शुक्रवाः च्वंगु मन्त्रिपरिषदया बैठकं १९ गतेनिसे लागू जुइगु कथं खापुङयात महानिरीक्षक नियुक्त यागु दु।

आःयाम्ह आईजीपी दिपक थापा १८ गते चान्ह्य १२ बजेनिसे अवकाश काइगु जुगु दु। प्रधानमन्त्री केपी शर्मा ओली कन्ह्यः शनिवाःनिसे चीन भ्रमणय् वनेत्यःगुलि थौ च्वंगु मन्त्रिपरिषद् बैठकं प्रहरीया ३२ म्ह आईजीपी क्वछिउगु खः।

खापुङ आः प्रहरीया केन्द्रीय अनुसन्धान ब्यूरो (सीआईबी) या प्रमुख खः खापुङयात। खापुङय आःयाम्ह आईजीपी थापानापं इन्स्पेक्टरय् भर्नाया निति फारम भरेयाम्ह खः।

येँ महानगरपालिका–३२ जडिबुटीया आकासे पुल सतिक ‘पार्क’ याना तःगु बसय् ब्वाका हःगु स्कुटर न्यानाः उकिइ च्वनावःपिं निम्ह ल्याय्म्ह मिजंत सित।

येँ जिल्ला प्रहरी परिसरया प्रवक्ता अपिलराज बोहराया कथं थौं सुथय् जूगु उगु दुर्घटनाय् गभ्मीर घाःपाः जुम्ह काभ्रेपलाञ्चोकया पाँचखाल नगरपालिका–२ होक्सेया २३ दँ दुम्ह नितेश नेपाल व नवलपरासी (बर्दघाट सुस्ता पश्चिम) सुनवल नगरपालिका–१या २२ दँ दुम्ह शिरीष पौडेल वासः याकेगु झ्वलय् सीगु खः।

सतक सिथय् बस दिकातःम्ह चालक दोलखाया सुवास तामाङयात प्रहरीं नियन्त्रणय् कयाः माः कथं कारबाही न्ह्याकूगु दु।

थौं आणविक परीक्षणविरुद्धया अन्तरराष्ट्रिय दिवस खः सन् २०१० निसें संयुक्त राष्ट्रसङ्घया इनापय् आणविक ल्वाभःयात पूवंकं न्हंकाछ्वयेगु निंतिं विश्व समुदाययात छधीधप्पं यायेगु तातुना थ्व दिवस न्यायेकाहःगु खः।

आणविक ल्वाभलं हयेपूmगु विनाश, उकिया विरुद्धया थीथी गतिविधि, सम्मेलन, सञ्चारमाध्यमपाखें थीथी चेतनामूलक सामाग्रीया प्रचारप्रसार यानाः थ्व दिवस हलिंया थीथी देसय् न्यायेकेत्यंगु दु।

थ्व दिवसया लसताय् संयुक्त राष्ट्रसङ्घया महासचिव एन्टोनिया गुटरेसं छगु सन्देश बियादिसें आणविक परीक्षणया ८० क्वःगु वार्षिकोत्सव न्यायेका च्वनाबलय् न्हापा यानाःगु निद्वःसिबें अप्वः आणविक ल्वाभःया परीक्षणयात ल्वःमंके मज्यूगु व थुजाःगु गतिविधि भविष्यय् गुबले नं दोहोरे मयायेगु धकाः संकल्प न याः यायेमाःगु खँय् बः बियादीगु दु।

नेपाल पत्रकार महासङ्घं अनलाइन सञ्चारमाध्यम दर्ता व नवीकरणया ज्या थत्थें चायेकेत  सरकारयात ७२ गू घौया अल्टिमेटम ब्यूगु दु।

महासङ्घया नायः निर्मला शर्मा नेतृत्वया प्रतिनिधि मण्डलं सञ्चार नापं सूचना प्रविधिमन्त्री पृथ्वीसुब्बा गुरुङयात ज्ञापनपत्र लःल्हासें उगु अल्टिमेटम ब्यूगु खः। महासङ्घया महासचिव रामप्रसाद दाहालं ल्हाःचिं तयादीगु ज्ञापन पत्रय् अवरूद्ध दर्ता, नवीकरण सुरू मयासा महासङ्घ आन्दोलनय् वनीगु धयातःगु खः।

ज्ञापनपत्र लःल्हानाकायादिसें मन्त्री गुरूङं अनलाइन सञ्चारमाध्यमतय्त जूगु असहजता अन्त्य यायेत सङ्क्रमणकालीन व्यवस्था यायेगु व थत्थें न्हूगु नियमावली नं हयेगु आश्वासन बियादिल। मन्त्रालयया सचिव राधिका अर्यालं सञ्चारमाध्यम दर्ता व नवीकरण सहज जुइकेगु कुतः याये धकाः धयादिल।

छापाखाना नापं प्रकाशन सम्बन्धी ऐन, २०४८ संशोधन यानाः अनलाइन सञ्चारमाध्यम दर्ता व नवीकरण स्थानीय प्रशासनय् यायेगु व्यवस्था वये धुंकाः देय् न्यंकं अनलाइन सञ्चारमाध्यमया दर्ता, नवीकरण व सञ्चालन अवरुद्ध जुयाच्वंगु खः।

नेपाल पत्रकार महासङ्घं अनलाइन सञ्चारमाध्यम दर्ता व नवीकरणया ज्या थत्थें चायेकेत  सरकारयात ७२ गू घौया अल्टिमेटम ब्यूगु दु।

महासङ्घया नायः निर्मला शर्मा नेतृत्वया प्रतिनिधि मण्डलं सञ्चार नापं सूचना प्रविधिमन्त्री पृथ्वीसुब्बा गुरुङयात ज्ञापनपत्र लःल्हासें उगु अल्टिमेटम ब्यूगु खः। महासङ्घया महासचिव रामप्रसाद दाहालं ल्हाःचिं तयादीगु ज्ञापन पत्रय् अवरूद्ध दर्ता, नवीकरण सुरू मयासा महासङ्घ आन्दोलनय् वनीगु धयातःगु खः।

ज्ञापनपत्र लःल्हानाकायादिसें मन्त्री गुरूङं अनलाइन सञ्चारमाध्यमतय्त जूगु असहजता अन्त्य यायेत सङ्क्रमणकालीन व्यवस्था यायेगु व थत्थें न्हूगु नियमावली नं हयेगु आश्वासन बियादिल। मन्त्रालयया सचिव राधिका अर्यालं सञ्चारमाध्यम दर्ता व नवीकरण सहज जुइकेगु कुतः याये धकाः धयादिल।

छापाखाना नापं प्रकाशन सम्बन्धी ऐन, २०४८ संशोधन यानाः अनलाइन सञ्चारमाध्यम दर्ता व नवीकरण स्थानीय प्रशासनय् यायेगु व्यवस्था वये धुंकाः देय् न्यंकं अनलाइन सञ्चारमाध्यमया दर्ता, नवीकरण व सञ्चालन अवरुद्ध जुयाच्वंगु खः।