निर्वाचन आयोगं जनता समाजवादी पार्टी (जसपा)या निगु हे पक्षयात थौं छलफलया लागि सःतुगु दु।

आयोगया प्रवक्ता राजकुमार श्रेष्ठं थौं सुथय् ११ बजे जसपाया नेतापिन्त सहमतिया लागि सःतूगु खः। लिपागु सहमतिया लागि सःतुगु छलफलय् निगु हे पक्ष सहभागी जुइगुलि आयोगं सहमतिया लागि कुतः व सहमति मजुसा निगु हे पक्षया दाबीया आधारय् निर्णयया प्रक्रिया सुरु जुइ धका प्रवक्ता श्रेष्ठं धागु दु।

निगु पक्षया नेतापि थःथःगु अडानय् कायम जुगुलि सहमतिया सम्भावना कम खनेदु। जसपाया उपेन्द्र यादव पक्ष व महन्थ ठाकुर पक्ष दथुइ आधिकारिकताया विवाद जुगु खः। उगु इलय् आयोगं थुगु विवाद दलया आधिकारिकता सम्बन्धी जुगु धासे राजनीतिक दलसम्बन्धी ऐनया दफा ४४ कथं निरुपणया लागि वयेत इनाप यागु खः।

नेकपा (एमाले) एकता यायेगु निति गठन जुगु कार्दलया बैठक थौं मंगलवाः च्वने त्यंगु दु।

थौं न्हिनसियो १ बजे सिंहदरबार उगु बैठक च्वनेत्यंगु धका एमाले सचिव गोकर्ण विष्टं जानकारी बिगु दु। एमाले विवाद तच्वंयावंगुवि निस्क्रिय जुगु कार्यदल हाकन सक्रिय जुगु खः।

कार्यदलं सोमवाःनिसे औपचारिक कथं एमाले दुने समस्या समाधानया लागि ज्यान्ह्याकूगु दु। सोमवाः प्रधानमन्त्री तथा मन्त्रिपरिषद् कार्यालय, सिंहदरबार कार्यदलया बैठक च्वंगु खः

कार्यदलय् अध्यक्ष केपी शर्मा ओलीया पाखे सुवास नेम्वाङ संयोजकत्वय् सदस्यपि विष्णुप्रसाद पौडेल, प्रदीप ज्ञवाली, शंकर पोखरेल व विष्णु रिमालपि च्वंगु खः।

वरिष्ठ नेता माधवकुमार नेपालया पाखे भीम रावलया संयोजकत्वय् सदस्यपि सुरेन्द्र पाण्डे, घनश्याम भुसाल, गोकर्ण विष्ट व रघुजी पन्तपि च्वंगु खः।

येँ महानगरपालिकाया आर्थिक विधेयक ०७८ पारित जूगु दु ।

राष्ट्रिय सभागृहस् च्वंगु गुक्वःगु अधिवेशन अन्तर्गत न्याक्वःगु मुँज्याय् प्रस्तावित जूगु राजस्वया दरया विषयस सहलह याना उगु विधेयक पारित याःगु खः । कोरोना महामारीं उद्योग, वाणिज्य लागा लिसें सामान्य जनजीवनय् तक्कं लिच्वः लाःगु विश्लेषण याना म्होतिं २०गू प्रतिशतनिसें ९०गू प्रतिशत तक्क छुट विइगु निणर्य याःगु खः ।

उगु भ्mवलय् मुँज्याया नायः लिसें महानगर प्रमुख विद्यासुन्दर शाक्यं धयादिल, “महामारीया स्याःचाः फयाच्वंगु आर्थिक लागायात थकायेत राजस्वया दर यथावत तया दायरा अप्वेकिगु नीति कथं जिमिसं थ्वः निणर्य यानागु खः ।” थ्वयान्ह्यः असार ३ गते पेश जूगु आ.व. ०७८/०७९ या वार्षिक नीति लिसें ज्याभ्mवलय् सहलह लिपा असार ६ गते च्वंगु स्वंगूगु मुँज्यां पारित याःगु खः ।

अथेहे असार १० गतेया प्यक्वखुसीया सभाय् आ.व. ०७८/०७९ या महानगर प्रमुख विद्यासुन्दर शाक्यं “येँ महानगरपालिकाया आर्थिक विधेयक, २०७८” प्रस्ताव यानादिगु खः । उगु हे मुँज्याय् उपप्रमुख हरिप्रभा खड्गी श्रेष्ठं आ.व. ०७८/०७९ या लागि १८गू अर्ब ९५ क्वति ७७ लखः १२द्वःया बजेट व विनियोजन विधेयक ०७८ पेश यानादिगु खः ।

आ.व. ०७८/०७९ या लागि आन्तरिक आयपाखे ४गू अर्ब ३४ क्वति ३२ लखः ध्येबाया आज्जू तःगु खः । थौं जूगु आर्थिक विधेयकया सहलहस नगरसभा दुजः मचाराजा महर्जन, आनन्द गौतम, जीवन डंगोल, कृष्णमणि भट्टराई, नरेशमान महर्जन व आशा श्रेष्ठ रौनियारं थःथःगु न्वचु तःगु खः । थौंया मुँज्याय् लेखा समितिया संयोजक धु्रवप्रसाद त्रिपाठीं लेखा समितिया प्रतिवेदन पेश यानादिगु खः । सहलह धुंका मुँज्यां प्रतिवेदन पारित न जूगु दु । नगरसभाया ६क्वःगु मुँज्या असार २५ गते च्वनिगु जूगु दु । उगु मुँज्याय् विनियोजन विधेयकय् सहलह जुई ।

स्वनिगलय् निजी व सार्वजनिक सवारी साधनय् याना वयाच्वंगु जोर विजोर प्रणाली हटे जुगु दु।

आः दक्को निजी व सार्वजनिक सवारी साधन स्वास्थ्य सुरक्षा मापदण्ड पूरा याना सञ्चालन याये दइगु जुगु दु।

येँ, ख्वपय् व यलया जिल्ला प्रमुख जिल्ला अधिकारीपिन्स असार २२ गतेनिसे लागू जुइगु कथं जारी यागु निषेधाज्ञा आदेशय् जोर विजोर प्रणाली हटे यागु दु। सार्वजनिक यातायातय् सिट क्षमता स्वया अप्वो यात्रु तये दइ मखु, यात्रुयात मास्क अनिवार्य यागु दु।

चालक व सहचाकलं मास्क नाप भाइजर व पञ्जा न न्ह्याये माःगु दु सा लुखाय् स्यानिटाइजर तयेमा। न्हि न्हिं सवारी साधन निसंक्रमित यायेमाःछ ।

अथेहे सफा टेम्पो व वचूगु माइक्रोबसया हकय् स्वंगुगु सिटय् ४÷४ म्ह व चालक सिथय् छम्ह यात्रु तये दइ। तर सवारी साधनया दथुइ निखेरं यात्रु छुटे यायेगु कथं प्लस्टिकं पनेमाःगु मापदण्ड तोके यागु दु।