Display Style:
Column Style
नारायणहिटी संग्रहालयय् बग्गी सार्वजनिक
लहनान्युज | गुंलागा चतुर्दशी ११४१, भाद्र २१ सोमवाः
नारायणहिटी दरबार संग्रहालयय् सुनौलो बग्गी सार्वजनिक याउगु दु।
तत्कालीन जुजुया राज्याभिषेक व विशेष समारोहय् छ्यलीइगु उगु बग्गी सोमबाः सुथय् सार्वजनिक याउगु दु।
संस्कृति पर्यटन तथा नागरिक उड्डयन मन्त्रालयया सचिव यादव प्रसाद कोइरालां उगु बग्गी सार्वजनिक याउगु खः। थुगु बग्गी बेलायती महारानी एलिजाबेथं २०३१ सालय् बिउगु खः।
नारायणहिटी दरबार संग्रहालयया प्रमुख भेषनारायण दाहालया कथं उगु बग्गी तत्कालीन जुगु वीरेन्द्रया राज्याभिषेकय् न्हापां प्रयोगय् हःगु खः।उगु ज्याझ्वलय् बिउगु जानकारी कथं थज्याथु मेथु बग्गी बकिंघम दरबारय् न दु।
खुसिबाया लिच्वः रामघात लागाया लू
लहनान्यूज | गुंलागा त्रयोदशी ११४१, भाद्र २१ सोमबाः
स्वनिगः अले जःखःया लागाय् मध्यचान्हय्निसें वा वयाःच्वंगुलिं येँ जलमग्न जूगु दु । मदिक्क वा वःगुलिं येँ जक मखु स्वनिगःया यक्व धइथें खुसिइ लःया सतह अप्वःगु दु ।
वाग्मती, विष्णुमति, इच्छुमति, हिसाखुसि, बःखुखु्सि, मनोहरा, हनुमन्तेलिसेया खुसि बाः वःगु दु । अथेजुयाः न खुसि जःखःया बस्ती डुबानय् लाःगु दु ।
थौं सुथय् तक चूलाःगु धलः कथं थ्यंमथ्यं ४सःखा छेँ डुबानय् लाःगु दु ।
येँ महानगरया ३गू वडाय् विपद् व्यवस्थापन तालिम ज्याझ्वः न्ह्याइगु
लहनान्यूज | गुंलागा त्रयोदशी ११४१, भाद्र २१ सोमबाः
येँ महानगरया वडा १५, १७ व २७ य् ‘समुदायय् आधारित विपद व्यवस्थापन परियोजना’ ज्याझ्वः न्ह्याइगु जूगु दु । जापान सरकार विदेश मन्त्रालयं चूलाकूगु आर्थिक ग्वहालिइ उगु ज्याझ्वः, येँ महानगरपालिका राष्ट्रिय युवा गैरसरकारी संस्था महासंघ, नेपालया सहकार्य परियोजना न्ह्याइगु जूगु खः ।
ज्याझ्वः अन्तर्गत विपद व्यवस्थापन सञ्जाल निर्माण व शशक्तिकरण क्रियाकलाप, प्रकोप जोखिम लिसें प्रभावित क्षेत्रया समुदायपिन्त विपद् व्यवस्थापन सामाग्री वितरण, राहत व पुनस्र्थापना कार्यक्रम, विपद पूर्व तयारीया लागि जागरणमुलक क्रियाकलाप न्ह्याइ । अथेहे नेपाल सरकारं निर्माण याःगु विपद रणनीति योजनायात स्थानीयकरण यायेत ग्वहालि याइ धाःसा नेपाल सरकार व जापान सरकारया अधिकारीपिं दथुई अनुभव कालबिल याई ।
ज्याझ्वया न्हापांगु मुँज्याय् न्ववासें महानगरया उपप्रमुख हरिप्रभा खड्गी श्रेष्ठं भौगोलिक परिस्थिति अनुसार नेपाःया प्राकृति व मनुतय्सं ब्वलंकिगू निगू हे प्रकारया विपत्ति जुइगु जूगुलिं उकियात ज्यंकेगु व म्हो जक क्षति जुइकथं तयारी न्ह्याकेमाःगु धयादिल ।
उगु परियोजना येँ महानगर व सप्तरीया सप्तकोशी नगरपालिकाया वडाय् न्ह्याइगु जुई । परियोजना क्वचाय्धुंका वडाय् समावेशी व लक्षित पुचःपिनिगु उद्धार यायेत समुदायस्तरीय प्रतिकार्य संयन्त्र तयार जुइगु जुई ।
थ्वः ज्याझ्वः अन्तर्गत महानगरया विपद व्यवस्थापन विभाग व सहरी स्वास्थ्य विभागया अधिकारी, परियोजनाया लागि ल्यःगु वडाया जनप्रतिनिधि, विपद व्यवस्थापन स्वयमसेवकयात प्रभावकारी सामुदायिक विपद व्यवस्थापन यायेत क्षमता विकासया तालिम बिइगु जुई ।
जापान अन्तरराष्ट्रिय ग्वहालि ज्याझ्वःया प्रतिनिधि निर्देशक मायुमी योसिदां परियोजनाया कार्यक्षेत्र व क्रियाकलापया विषयस जानकारी बिउसें, थथवेंया अनुभव, ज्ञान व सिपया कालबिलपाखें समुदाययात प्रतिकार्य न्ह्यज्याकेफइगु न्ह्यथनादिल ।
ज्याझ्वलय् योसिदां येँ महानगरपालिका लिसेया सहकार्यपाखें प्रकोप जोखिम व लिच्वः लागू क्षेत्रया समुदायतय्त विपद् व्यवस्थापन सामाग्री वितरण, राहत व पुनस्र्थापना कार्यक्रम, विपद पूर्व तयारीया लागि जागरणमुलक क्रियाकलापय् बाँलागु लिच्वः हयेफइगु धयादिल ।
उगु झ्वलय् भुखाय् ईलय् नालाकायेमाःगु सुरक्षाया प्रयास, छेँपाखें सुरक्षित जुया पिहाँ वय्धुंकाया सुरक्षा, उगु ईलय् सीपिनिगु व्यवस्थापन, घाःपाः जुपिनिगु वासः याय्गु, बास व नयेगु प्रबन्ध गते याना यायेगु ? धैगु विषयस सहलह जूगु खः । भुखाय् लिसें खुसीबाः, धाकूफय्, सतक दुर्घटना, चल, मिं नइगु थें जाःगु घटनाय् व्यवस्थापन समुदायको भूमिकाया विषय सहलह जूगु खः ।
काभ्रेया बनेपाया थीथी थाय् न डुबानय्
लहनान्युज | गुंलागा चतुर्दशी ११४१, भाद्र २१ सोमवाःः
काभ्रेया बनेपाय् पुल बजार क्षेत्र डुबान जूगु दु। वंगु चान्ह्यनिसे मदिक्क वाः वयाच्वंगु कारण थीथी थासय् डुबान जुयाच्वंगु दु।
पुण्यमाता खुसिइ चान्ह्यः ३ बजेसिन वाः वउगु कारणं लँय् अवरुद्ध जूगु दु धका जिल्ला प्रहरी कार्यालय काभ्रेया डिएसपी हरि खतिवडां जानकारी बिउगु दु।
इलाका प्रहरी कार्यालय बनेपाया परिसरय् लः दुहावःगु दु।
किपा सामाजिक सञ्जालपाखे
येँ ३८२ मल्याक छेँ डुबानय्
लहनान्युज | गुंलागा चतुर्दशी ११४१, भाद्र २१ सोमवाः
येँ चान्ह्यः मदिक्क वाः वउगु कारण ३ सय ८२ मल्याक छेँ डुबान जुगु दु ।
१ सय ३८ म्हेसित प्रहरीं उद्धार याउगु दु। मदिक्क वाः वउगुलि खुसि सिथय् या बस्ती न डुबानय् लाउगु दु। उमित प्रहरीें उद्धार यासे सुरक्षित थासय् यकूगु दु।
काठमाडौं प्रहरी प्रमुख एसएसपी अशोक सिंहया कथं बल्खुया तरकारी बजाः, कुलेश्वरया हाउजिङ क्षेत्र, कोटेश्वरया नरेफाँट क्षेत्र, बालाजुइ नेपालटारय्, शंखमुल पार्क, कालिमाटीया तरकारी बजाः न डुबान जुगु दु।
एसएसपी सिंहया कथं आःतक मानवीय क्षति जुगु खवर मवनि धका धाउगु दु।
किपा सामाजिक सञ्जालपाखे
