Display Style:
Column Style
थौं १११औं अन्तर्राष्ट्रिय महिला दिवस
सिल्लागा दशमी ११४१, फागुन २४ सोमबाः
‘मिसा नेतृत्व : कोभिड– १९ नाप समान भविष्य प्राप्ति’ धैगु नारा लिसें थौं सच्छि व ११औं अन्तर्राष्ट्रिय महिला दिवस नेपाललिसें हलिंयक हनाच्वंगु दु ।
हरेक दँया मार्च ८ यात हलिंयंक लैंगिक समानता व न्यायया पक्षमा वकालत याना महिला दिवस कथं हनिगु या । नेपालय् नं थांैया दिं नारी दिवसया कथं थीथी ज्याझ्वः याना हनावयाच्वंगु दु ।
थौंया दिं सामाजिक, आर्थिकलिसें थपूया मेमेगू लागाय् मिसापिनिगु सक्रिय ब्वति व नेतृत्वयात हःपाः बिइगु याइ । समाजय् सुरक्षित भविष्य व समानताया नितिं थीथी अभियान त न्ह्यानाच्वंगु दु ।
अथेसां नेपाःया समाजय् मिसापिन्सं बाँलागु थाय् काय् फुगु मदुनि । अभंm नं घरेलु वा पारिवारिक हिंसाय् मिसापिन्त दमन, विभेद व अत्याचार जुयाहेच्वंगु दु ।
थ्वहे लसताय् राष्ट्रपति विद्या भण्डारीं नेपाःया संविधानं व्यवस्था याःकथं राजनीतिक व हरेक सार्वजनिक निकायलय् मिसातय्गु समानुपातिक सहभागिता प्राप्तिया नितिं कार्यान्वयन तहलय् थप कुतः यायेमाःगु धयादीगु दु ।
अन्तर्राष्ट्रिय मिसा दिवसया लसताय् भिंतुना हसना पिथंसें राष्ट्रपति भण्डारीं अधिकारया नितिं मिसातय्गु लडाइँ झं सशक्त जुइमाःगु उल्लेख यानादीगु दु ।
हलिंन्यंकंया थीथी थासय् ज्या याइपिं मिसातय्सं चूलाकूगु राजनीतिक, आर्थिक व सामाजिक उपलब्धियात स्मरण यानाः मिसातय् अधिकार व लैंगिक समानताया पूर्ण प्राप्तिया नितिं मदिक्क न्ह्यज्यायेमाःगु धयादिल ।
अथेहे प्रधानमन्त्री केपी शर्मा ओलीं मिसातय्गु अधिकारया नितिं संविधानं व्यवस्था यानातःकथं राज्यया हरेक निकायलय् जूगु सहभागितायात झं अप्वयेकेमाःगु धयादिल ।
वय्कलं मिसा व मिजंदथुइ जुइगु विभेद क्वमचाःतले समतामूलक देय्या परिकल्पना यायेमफइगु उल्लेख यानादिल ।
अथेहे मेमेपिं नेतातय्सं न अन्तर्राष्ट्रिय मिसा दिवसया सन्दर्भ लाकाः भिंतुना हसना ब्यूगु दु ।
देयन्यक ६६ म्हेसित कोरोना संक्रमण पुष्टि
लहनान्युज | सिल्लागा नवमी ११४१, फागुन २३ आइतवाः
वःगु २४ घण्टाया दुने देयन्यक ६६ म्हेसित कोरोना संक्रमण पुष्टि जुगु दु ।
४ हजार १११ म्हेसिगु नमुना परीक्षण यागुलि २१ म्ह मिसा व ४५ म्ह मिजंपिन्त कोरोना भाइरसया संक्रमण पुष्टि जूगु दु ।
थ्व नाप नेपालय् कोरोना संक्रमितपि आःतक २ लाख ७४ हजार ७२१ म्ह थ्यःगु दु। उकि मध्ये थप ५८ नाप निगु लाख ७० हजार ८८६ म्ह कोरोनामुक्त जुगु दु सा ३ हजार १० म्ह सी धुकुगु दु ।
वःगु २४ घण्टाय् कोरोना संक्रमणपाखे सू न सीउगु मदु धका मन्त्रालयं धाःगु दु । आःतक देयन्यक सक्रिय संक्रमितपि ८२५ म्ह दु।
प्रतिनिधिसभा बैठक फागुन २६ गते तक स्थगित
लहनान्युज | सिल्लागा नवमी ११४१, फागुन २३ आइतवाः
प्रतिनिधिसभा बैठक फागुन २६ गते तकया लागि स्थगित याःगु दु ।
प्रमुख प्रतिपक्षी कांग्रेस, नेकपा (दाहाल–नेपाल) समूह व जनता समाजवादी पार्टी न संवैधानिक परिषद् सम्बन्धी अध्यादेशया विरोध यायेवं बैठक स्थगित याःगु दु।
मेगु बैठक २६ गते न्हिनसिया १ बजे च्वनिइगु जुगु दु धका संसद् सचिवालयं धाःगु दु । पुनःस्थापना लिपा आइतवाः सःतूगु बैठकय् संविधानया प्रतिकूल संवैधानिक परिषद् सम्बन्धी अध्यादेश हःगु धाःसे कांग्रेस, नेकपा (दाहाल–नेपाल) समूह, जसपाया नेतापिन्स सदनय् नाराबाजी याःगु खः। कांग्रेसया विरोध दथुइ अध्यादेश पेस याःगु खः ।
तर दाहाल नेपाल समूहया सांसदपिन्स व स्वया न्ह्यः हे बैठक बहिष्कार याःगु खः । सभामुख अग्निप्रसाद सापकोटां बैठक १० मिनेटया लागि स्थगित याःगु खः । तर सहमति मजुइवं आः बैठक २६ गतेया लागि लिहावःगु दु ।
बृहत नागरिक आन्दोलनया ब्यानरय् सांसदपिन्त खबरदारी
लहनान्युज | सिल्लागा नवमी ११४१, फागुन २३ आइतवाः
नागरिक अगुवापिन्स सांसदपिन्त खबरदारी याःगु दु।
सांसदपिन्त खबरदारी यासे प्रतिगमन विरुद्ध बृहत नागरिक आन्दोलनया ब्यानरय् आइतवाः येँया माइतीघर मण्डला निसे बानेश्वर तक नागरिक अगुवापिन्स लोकतन्त्र मार्च याःगु दु।
लोकतन्त्र मार्चय् सहभागीपिन्स ‘सांसदपि खबरदार, सत्ताया मोहय् फसे जुइमते, स्वार्थया कासाय् फसे जुइ मते, संसदया गरिमा कायम याः, न्यायया लडाइँ जारी दु,’ लगायत प्लेकार्ड ज्वना वःगु खः ।
उकिया झ्वलय् कलाकारपिन्स नाट्य प्रस्तुति तक बिःगु खः।
१० मिनेतया लागि संसद बैठक स्थगित
लहनान्युज | सिल्लागा नवमी ११४१, फागुन २३ आइतवाः
सरकारं संवैधानिक परिषद सम्बन्धी अध्यादेश हःगु विरोधय् नेपाली कांग्रेसं संसदया रोस्टम घेराउ याःगु दु।
कांग्रेस संसदीय दलया प्रमुख सचेतक बालकृष्ण खाँडं संवैधानिक परिषद सम्बन्धी सरकारं हःगु अध्यादेश संवैधानिक परिषदया मान्यता प्रतिकुल जुगु धाःसे उगु याकन हे लित यके माःगु माग याःगु खः।
तर सभामुख अग्निप्रसाद सापकोटां कानुन न्याय तथा संसदीय मामिलामन्त्री लीलानाथ श्रेष्ठयात अध्यादेश पेश यायेत अनुमति बिइवं कांग्रेसं रोष्टम घेराउ याना नाराबाजी सुरु याःगु खः ।
