महान्यायाधिवक्ता अग्निप्रसाद खरेलं न्यादँया कार्यकाल पूरा याये दइगु वर्तमान सरकारया अधिकार खःसा तर पूरा याके मबिकूगुलि चुनावय् वनेत्यःगु खः धका स्पष्ट यानादीगु दु ।

प्रतिनिधि सभा विघटन विरुद्धया रिटया निवेदनय् थौं सोमवाःया बहसय् वयकलं संविधानय् थुगु विषय स्वयेत इजलासयात इनाप याःगु दु। प्रतिनिधि सभा विघटन विरुद्धया रिट निवेदनय् थौंया सुनुवाइलय् सरकारं प्रतिरक्षा यासे सरकारया प्रमुख कानुनी सल्लाहकार खरेलं प्रधानमन्त्री नाप बहुमत दु सा न्यादँया कार्यकाल जुगुलि चुनावय् वने फइ धका थःगु तर्क तयादीगु खः।

विघटनविरुद्ध गुगु न राजनीतिक दलपाखे निवेदन मवःगुलि वयकलं थुगु  सम्बन्धय् संविधानया दक्को धारा स्वया अदालतं व्याख्या याये माःगु माग तयादीगु खः। वर्तमान प्रधानमन्त्री सकसिया स्वीकारया प्रधानमन्त्री खः धासे वयकलं तधःगु पार्टीया हैसियतं सरकार प्रमुखं प्रतिनिधि सभा विघटन याये दइगु धका धयादिगु खः ।

रिट निवेदकया पाखे म्हिगः आइतवाः बहस क्वचाःगुलि थौं सोमवाःनिसे सरकारी पक्षपाखे बहस सुरु जुगु खः । आः न बहस जुया च्वंगु दु ।

नेकपा प्रचण्ड–माधव समूह न निर्वाचन आयोगय् पार्टीया आधिकारिकताय् दाबी यायेगु निर्णय याःगु दु ।

थौं सोमवाः च्वंगु केन्द्रीय कमिटीया बैठकं अथे निर्णय याःगु खः ।

कक्षा १२ या लिच्वः सार्वजनिक जुगु दु ।

राष्ट्रिय परीक्षा बोर्डया सदस्य सचिव दुर्गा अर्यालया कथं ६ हजार ९१६ म्हेसिया ३ दशमलव ६१ निसे ४ जीपीए हःगु दु। अथेहे, ३८ हजार ४८० म्हेसिया ३ दशमलव २१ निसे ३  दशमलव ६० तक जीपीए हःगु दु। अथेहे, ७६ हजार ८४१ म्हेसिया २ दशमलव ८१ निसे ३ दशमलव २० हःगु दु। २.४१ निसे २ दशमलव ८० हःपि विद्यार्थीया ल्याः छगु लाख ९ हजार ३१२ म्ह दु ।

अथेहे २.०१ निसे २.४० जीपीए हःपि ५२ हजार ४२७ म्ह दु । अथेतु, ७१६४ म्हेसिया १ दशमलव ६१ निसे २ दशमलव शून्य, ३३३ म्हेसिया १ दशमलव २१ निसे १ दशमलव ६०, प्यम्हेसिया शून्य दशमलव ८१ निसे १ दशमलव २० व १८ हजार ८३९ म्हेसिया ० निसे ० दशमलव ८० जीपीए तक हःगु दु । थुगु पालि नियमितपाखे ३ लाख १० हजार ३१६ म्ह, गेडवृद्धिपाखे ९१ हजार ९ सय व आंशिकपाखे ३१ हजार ५५ म्हेसिया परीक्षा बिःगु दु।

आंशिकपिाखे छम्हेसिगु परीक्षा रद्द जूगु खःसा ६ हजार ३२० म्हेसिगु परीक्षा स्थगित जूगु खः। कक्षा १२ या नतिजा वेबसाइट, एसएमएस व आइभीआरपाखे सिइके फइ । नतिजा राष्ट्रिय परीक्षा बोर्डया www.neb.gov.np व नेपाल टेलिकमया www.neb.ntc.net.np वेबसाइटपाखे स्वये फइ । अथेहे, नेपाल टेलिकमया नम्बर १६०१ य् एसएमएस छ्वया नतिजा काये फइ।

महिला लघुवित्तं माघ २८ गतेपाखे धितोपत्रया प्रारम्भिक सार्वजनिक निष्कासन (आईपीओ) बिक्री खुला याइगु जुगु दु ।

लघुवित्तं प्रति सेयर १०० रुपैयाँ अंकित मूल्यया ४ करोड रुपैयाँ बराबरया ४ लाख साधरण सेयर बिक्री यायेत्यःगु दु । कुल चार लाख कित्ता शेयरमध्ये ०.५ प्रतिशत अर्थात ५ हजार कित्ता शेयर संस्थाया कर्मचारी नाप ५ प्रतिशत अर्थात २० हजार कित्ता शेयर सामुहिक लगानी कोषयात छुटे यागु दु सा ल्यःदनिइगु ३ लाख ७५ हजार कित्ता सेयर सर्वसाधारणयात बिक्री याइ ।

कम्पनीा आईपीआ् माघ २८ गतेनिसे फागुन २ गते तक आवेदन बिइ फइ। आः ६ करोड रुपैयाँ चुक्ता पुँजी दुगु लघुवित्तया आईपीओ बिक्री लिपा चुक्ता पुँजी १० अर्ब थ्यनिइ । आईपीओ बिक्री लिपा कम्पनीया संस्थापक व साधारण सेयर संरचना ६०ः४० प्रतिशत जुइ ।

कम्पनीया आईपीओ निष्कासकाया लागि धितोपत्र निष्कासन व बिक्री प्रबन्धकय् नेपाल एसविआई मर्चेन्ट बैंकिङ लि. न याइ । २०७७  माघ ८ गते बोर्डं कम्पनीयात आईपीओ निष्कासन अनुमति बिःगु खः ।