ताः ईलिपा मेलम्ची खानेपानी आयोजनाया लः सुन्दरीजल थ्यःगु दु ।

म्हिगः शनिवाः सनिलय् प्रधानमन्त्री केपी शर्मा ओलीं फ्लसिङ टनेलया हाइड्रो मेकानिकल गेटं स्वीच तिया फागुन १० गते सुरुङय् तःगु लः सुन्दरीजलय् क्वफागु दु । थुगु लः आः बागमती खुुसीइ क्वफागु दु । सुरुइ लः फोहोर लः वइगु जुगुलि उगु लः प्रशोधन केन्द्रय् मतस्य बागमती खुसिइ क्वफागु खः । ताः ईलिपाया सपना पुरा जुगु धका धयादीसे प्रधानमन्त्री ओलीं छु दिं लिपा छेँ छेँ हे लः थ्यनिइगु दाबी यानादीगु दु ।

वयकल धयादीगु दु, ‘येँ च्वपिन्त छगु ग्यारेन्टी जुगु दु, येँ लः वल। छु दिं लिपा हे वितरण जुइ ।’ मेलम्चीइ ताः ई लिपा पिया आः छु दिं लिपा हे हितीइ लः वइ धका धयादीसे थ्व स्वया न्ह्यः ज्या हे याके मबिल, थःगु हे पार्टीपाखे असहयोग याःगु धका धयादीसे वयकल, ‘आः ला प्रमाणित जुल जुइ।

न्हिया न्हिथं तः तःधःगु ज्या जुगु दु गुवलय् उलेज्या जुगु दु सा गन शिलान्यास जुगु दु।’ येँच्वपिन्त लः बिःगुलि मेलम्ची, हेलम्बु व सिन्धुपाल्चोकबासीयात सुभाय् न बियादीगु खः।

लुँया भाः थौं न क्वहावःगु दु । म्हिगः तोलां द्धःछि क्वहा वःगु खःसा थौं गुसः कुहावःगु दु।

थौं लुँ तोला गुसः क्वहावया तोलाय् ८५ हजार ६ सय रुपैयाँ कायम जुगु दु धका नेपाल सुनचाँदी व्यवसायी महासङ्घं धाःगु दु ।

अन्तर्राष्ट्रिय बजारय् लुँया बजार अस्थिर जुगुलि लुँया भाः च्वय् क्वय् वनाच्वंगु दु धका महासङ्घं धाःगु दु  ।

अथेहे, थौं वहःया भाः न क्वहावःगु दु ।

वहः तोला स्वीन्यातका क्वहावःगु दु । वहः तोलां १२५० रुपैयाँ कारोबार जुगु दु धका महासङ्घं धाःगु दु ।