सेयर कारोबार रकमय् न्हुगु रेकर्ड बने जुगु दु । थ्व स्वया न्ह्यः छन्हु हे १३ अर्ब १७ करोड रुपैयाँया सेयर कारोबारया रेकर्ड जुगु खः।

थुगु वाःया लिपागु दिंया कारोबार बिहीवाः साढे १४ अर्ब रुपैयाँ स्वया अप्वोया शेयर कारोबार याना न्हुगु रेकर्ड कायम जूगु खः।

मंगलवाः नेपाल राष्ट्र बैंकं मौद्रिक नीतिया समीक्षा कार्यान्वयनया लागि निर्देशन जारी यासे बैंक तथा वित्तीइ संस्थायात सेयर कारोबारय् कडा यागु खः।

राष्ट्र बैंकया निर्देशन लिपा बैंकपिन्स लघुवित्तया सेयर न्याये मदुगु यागु दु। मेमेगु कम्पनीपिन्स न सेयर खरिद यायेगु वलय् म्हति न दँच्छि होल्ड यायेत राष्ट्र बैंकं निर्देशन बिगु खः ।

राष्ट्र बैंकया थुगु निर्देशन लिपा सेयर बजारय् नकारात्मक असर वइगु अनुमान यागु खः। अनुमान कथं लघुवित्त वित्तीय संस्थाया सेयरया भाः थौं क्वहा वःगु दु।

न्हिच्छि यकं उचारचढाव लिपा भचा अंकय् क्वहावंगु दु। सेयर कारोबार रकमं न्हुगु रेकर्ड दयकूगु दु।

कोरोना संक्रमित १३ नं बाहिनी जावलाखेलया जर्नेल दिनेश केसी मन्त ।

छवाः न्ह्यः कोरोना संक्रमण पुष्टि जुया सैनिक अस्पताल छाउनीइ उपचार याना च्वंम्ह केसीे बिहीवाः सुथय् मदुगु धका नेपाली सेनां धागु दु।

कोरोना संक्रमणपाखे नेपाली सेनाय् थीथी दर्जायापि खुम्हेसिगु ज्यान वंगु खः।

खाद्य पसः व डिपार्टमेन्टल स्टोर कन्ह्यनिसे बन्द जुइगु जुगुलि प्रशासनं खाद्य सामग्री अभाव मजुइकेत वैकल्पिक व्यवस्था यागु दु।

नागरिकपिन्त खाद्य सामग्री हे न्याय दइ मखु धका भ्रम जुगुलि स्वनिगलय् प्रशासनं नेपाल खाद्य व्यवस्था तथा व्यापार कम्पनी लिमिटेड व साल्ट ट्रेडिङ कर्पोरेसन लिमिटेडपाखे अत्यावश्यक सामग्री न्यायेफइगु व्यवस्था यागु दु।

प्रशासन उकिया लागि कम्पनीें फोन नम्बर न सार्वजनिक यागु दु। नागरिकपिन्स खाद्य सामग्री न्यायेगु लागि मोबाइल गाडीपाखे छेँ यकंगु व्यवस्था मिले यागु दु।

येँया सहयाक प्रमुख जिल्ला अधिकारी उमाकान्त अधिकारीं धागु दु, ‘खाद्य संस्थान, साल्ट ट्रेडिङ, उपभोक्ता हित संरक्षण मञ्च व व्यवसायपिनिगु बैठकं अथे निर्णय यागु खः।

वयकःया कथं निगु कम्पनीं जाकी, दाल, चिकं, चिं लगायतया सामग्रीको पर्याप्त मौज्दात दु ।

कोरोना भाइरस संक्रमणं जाजरकोटया पूर्व सांसद रत्नप्रसाद न्यौपाने मन्त ।

येँया सशस्त्र प्रहरी अस्पतालय् उपचार यायेगु झ्वलय् बुधवाः चान्ह्यः मदुगु खः। वंगु वैशाख २३ गते अबुयात कोरोना संक्रमण खनेदुगु खः, तर लिपा स्वँय् निमोनिया जुया गम्भीर समस्या जुया येँ उपचार यायेत वंगु खः।

वंगु चान्ह्यः मदुगु खः। छेडागाड नगरपालिका–६, सुवानाउली च्वम्ह न्यौपाने २०५६ सालया प्रतिनिधि सभा सदस्य एमालेपाखे जाजरकोट क्षेत्र २ य् निर्वाचित जुगु खः।

उपि आःएमाले कर्णाली प्रदेश समिति सदस्य खः। न्यौपाने जिल्लाया इमान्दार नेता व एमालेया कुशल संगठकया रुपं म्हसिम्ह खः।

सभामुख अग्नि सापकोटां संसद विघटनया विषय परामर्श जारी यागु दु।

थ्व स्वया न्ह्यः पूर्वसभामुखपि नाप न परामर्श  वंगु बिहीवाः संविधान, कानून व न्यायिक क्षेत्रया विज्ञ, विशेषज्ञपि नाप परामर्श यागु खः।

न्हिनया १ बजेनिसे संसद भवनया ल्होत्से हलय् परामर्श यागु दु धका सभामुखको सचिवालयं धागु दु । उगु परामर्शया लागि नेपाल बार एशोसिएसनया पूर्वअध्यक्षहरु, वरिष्ठ अधिवक्तापि सःतूगु खः ।

सभामुख सापकोटां थ्व स्वया न्ह्य न विज्ञप्ति जारी यासे संसद विघटनयात असंवैधानिक धका धागु खः।