कम्पनीं १५ करोड ३४ लाख ९ हजार १ सय रुपैयाँ बराबरया १५ लाख ३४ हजार ९१ कित्ता आईपीओ जारी याये त्यःगु खः।

कम्पनीं निष्काशन याये त्यःगु कुल शेयर मध्ये ४ प्रतिशत अर्थात् ६१ हजार ३६४ कित्ता कर्मचारीपिन्त व ५ प्रतिशत अर्थात् ७६ हजार ७०५ कित्ता सामूहिक लगानी कोषया लागि सुरक्षित याये त्यगु खः।

सर्वसाधारण धुका बाँकी १३ लाख ९६ हजार २२ कित्ता शेयरया लागि आवेदन बिइ फइ धका कम्पनी धाःगु दु। पुस आईपीआया लागि पुस २८ गते निसे माघ ९ गते तक आवेदन बिइ फइ।

लगानीकर्तापिन्स न्यूनतम १० कित्तानिसे १३ हजार ९६० कित्ता तकया लागि आवेदन बिइ फइ धका कम्पनीं धाःगु दु।

नेपाल टेलिकमं थौनिसे इन्टरनेटया आधारित टेलिभिजन ‘एनटी टीभी’ सेवा सुरु याये त्यःगु दु। छगु हे तारमार्फत ग्राहकपिन्त थीथी सेवा बिइगु उद्देश्यं टेलिकमं एनटी टीभीया सुरुवात याःगु खः ।

एनटी टीभी सेवाया सञ्चार तथा सूचना प्रविधिमन्त्री पार्वत गुरुङं उलेज्या यानादीगु खः। टेलिकमं तधःगु गतिइ इन्टरनेट सेवा उपलब्ध याका वयाच्वंगु फाइबरमार्फत एनटी टीभी सञ्चालनमा हःगु खः। टेलिकमं ‘फाइबर टु दि होम’ एफटीटीएच मार्फत टेलिफोन, इन्टरनेट व टेलिभिजन सेवा हयेत्यःगु खः । टेलिकमं ३९ गु जिल्लाय् फाइबर सेवा विस्तार याये धुकुगु दु। 

स्वनिगः दुने बनेपाय् एनटी टीभी सेवा सञ्चालन याये धुकुगु दु। स्वनिगः दुने हात्तीगौँडा, छाउनी, किपू, बलम्बु, गोठाटार, चाबहिल, जोरपाटी, नक्साल, थैव, सैबु, ग्वार्को लगायतया थासय् फाइबर सेवा थ्यने धुकुगु दु। आः याकन हे स्वनिगः पिने न एनटी टीभी सेवा उपलब्ध यायेगु धका टेलिकमं धाःगु दु। कम्पनी वःगु फागुनय् न्हापागु चरणय् परीक्षण प्रसारण याःगु खः।

टेलिकमं न्यादँ न्ह्यःनिसे एनटीफाइबरमार्फत ग्राहकपिन्त उच्च गतिया इन्टरनेट सुविधा उपलब्ध याका वयाच्वंगु खः । टेलिकमं वःगु डिसेम्बर महिनाय् मेमेगु कम्पनी स्वया अप्वो ग्राहकपिन्त उच्च गतिया इन्टरनेट जडान याये धुकुगु खः।

कम्पनीं निगु प्याकेजय् टीभी सेवा उपलब्ध याःगु दु । उकिइ सिङ्गल टीभी कनेक्सन नाप १५ एमबीपीएस फाइबर इन्टरनेट (बेसिक टीभी प्याकेज) य् १२३० तका निसे ३२२० भाः तया तःगु दु। लच्छिया लागि १२२०, स्वलाया लागि ३५३० व दँच्छिया लागि १३२२० रुपैयाँ याना तःगु दु । अथेहे इन्टरनेटबाहेक एनटी टीभी व निःशुल्क ल्यान्डलाइनय् लच्छिया लागि ४८० रुपैयाँ, स्वलाया लागि १४५० व दँच्छिया लागि ५७८० रुपैयाँ तोके याना तःगु दु।

थौं देयन्यकं यक्को थासय् आंशिक बद्ली जुइ धका मौसम पूर्वानुमान महाशाखा धाःगु दु।

पश्चिमी वायुया प्रभाव दुगुलि थौं यक्को थासय् सुपाँय् भुनिइगु सम्भावना दु धका मौसमविदपिन्स धाःगु दु। आः पहाडी भूभागय् सामान्य सुपाँय् भुनिइ व तराईपाखे सामान्य खसु भुनुइ धका धाःगु दु।

थौं लुम्बिनी, कर्णाली व सुदूरपश्चिम प्रदेशय् सामान्य सुपाँय् भुना वाः वइगु सम्भावना दुगु व उच्च पहाडी यक्को थासय् नाप हिमाली क्षेत्रय् हिमपात जुइगु सम्भावना दु धका महाशाखां धाःगु दु स्वनिगः नाप देयन्यकं ख्वाःगु अप्वोया च्वंगु हे दु।

थौं सुथय् स्वनिगलय् न्यूनतम तापक्रम छगु दशमलव स्वगू डिग्री सेल्सियस मापन जुगु दु धका मौसम पूर्वानुमान महाशाखां धाःगु दु।

नेपाल कम्युनिष्ट पार्टी (नेकपा) या प्रचण्ड–माधव समूह न प्रधानमन्त्री केपी शर्मा ओलीयात पार्टी अध्यक्षपाखे हटे यानागु धका आधिकारिक जानकारी निर्वाचन आयोगयात बिःगु दु।

नेकपा स्थायी कमिटी सदस्य लिलामणि पोखरेलं प्रधानमन्त्री ओलीयात पार्टी अध्यक्षपाखे हटे याना माधवकुमार नेपालयात अध्यक्ष दय्कःगु धका बिहीवाः निर्वाचन आयोगय् दर्ता यानागु जानकारी बिःगु खः। ७ गते पुसय् बबरमहलय् च्वंगु नेकपा प्रचण्ड–माधव समूहया केन्द्रीय समिति बैठकं ओलीयात अनुशासनया कारवाही यायेगु निर्णय याःगु खः।

४४१ म्ह मध्ये ३१५ म्ह केन्द्रीय सदस्यपिनिगु उपस्थितिइ च्वंगु बैठकं ओलीयात कारवाही यानागु धका जानकारी आयोगयात बिःगु खः । ओली पक्ष धाःसा बबरमहल बैठकय् गुटया भेला जक खः धका धाःगु खः। प्रचण्ड–माधव समूहया पार्टी न वैधानिकता सम्बन्धी माःगु सहलह यायेत राजेन्द्र पाण्डे, मुक्ति प्रधान, कृष्णभक्त पोखरेल, टीकाराम भट्टराई, गोविन्द बन्दी व खिमलाल देवकोटायात जिम्मेवारी बिःगु पौ निर्वाचन आयोगय् बिःगु खः ।

राष्ट्रिय सभाया छम्ह सांसद व न्याम्ह कर्मचारीपिन्त कोरोना संक्रमण जुगु दु।

थौं शुक्रवाः निसे सुरु जुगु राष्ट्रिय सभाया हिउँदे अधिवेशन जुइ न्ह्यः म्हिगः हे कोरोना परीक्षण याःगु खः। उकि मध्ये खुम्ह संक्रमण जुगु दु धका संसद् सचिवालय धाःगु दु।

राष्ट्रिय सभाया अधिवेशन जुइ न्ह्यः म्हिगः बिहीवाः ४१ म्ह सांसद नाप ९७ म्हेसिगु कोरोना परीक्षण याःगुलि खुम्हेसित कोरोना संक्रमण पुष्टि जुगु दु धका संसद् सचिवालयया सहप्रवक्तां जानकारी बिःगु दु।