नेपाल टेलिकमं स्वनिगः लगायत देय् या थीथी भागय् लागु जुगु निषेधाज्ञाया इलय् कम्पनीया मोबाइल सेवाया ग्राहकपिन्त थीथी आकर्षक डाटा सुविधा उपलब्ध यागु दु।

प्रयोगया आधारय् ताहाकगु व चिहाकगु ईया उपयोग जुइ कथं अपेक्षा जुइगुु धका टेलिकमं धागु दु ।

टेलिकमं २८ दिं तक न्हि १ जीबी डाटा चले यायेत व न्हि १४ मिनेट खँल्हाये फइगु वन जीबी पर डे विथ बोनस भ्वाइस प्याक हःगु दु ।

थुगु प्याक ६४९ रुपैयाँय् उपलब्ध यागु दु । अथेहे ७ दिं तक १.५ जीबी डाटा प्रयोग याये फइगु प्याकया व्यवस्था न यागु दु।

टेलिकमं स्प्रिङ अफर अन्तर्गत अल टाइम डाटा प्याकया रुपय् थुगु प्याक जम्मा ९५ रुपैयाँय् उपलब्ध यागु दु।

३० रुपैयाँय् २ घण्टा तक चल्ले जुएगु अनलिमिटेड डाटा प्याक, २९९ य् ५०० एमबी पर डे डाटा प्याक हगु दु धका टेलिकमं धागु दु ।

स्वनिगः दुने निषेधाज्ञा छवाःया लागि थप यागुदु ।

स्वनिगःया स्वम्ह जिल्लाया प्रमुख जिल्ला अधिकारीपिनिगु बैठकं २९ गते तक निषेधाज्ञा यायेगु निर्णय यागु दु ।

नाप पसः सुथय् ७ निसे ९ बजे तक जक चायके दइगु जुगु दु  ।

थ्व हे वइगु वैशाख २२ व २३ गते सांसदपिनिगु कोरोना परीक्षण याइगु जुगु दु।

संसद भवन नयाँबानेश्वरय् सुथय् १० निसे सनिलय् ५ बजे तक स्वाब संकलन याइगु धका संघीय संसद सचिवालयं धागु दु । प्रतिनिधिसभाया विशेष अधिवेशन वैशाख २७ गते सःतूगु खः ।

बैठक च्वने न्ह्यः सांसद, सचिवालयया कर्मचारी व मर्यादापालक लगायतपिनिगु स्वाब संकलन याना कोरोना परीक्षण यायेत्यंगु खः ।

सोमवाः सभामुख अग्निप्रसाद सापकोटां कोरोना महामारीपाखे बच्चे जुइगु विषयात कया चिकित्सक नाप सहलह याये धुकुगु दु।

वैशाख २७ गते प्रधानमन्त्री केपी शर्मा ओलीें विश्वासया मत कायेगु लागि विशेष अधिवेशन सःतुगु खः ।

सरकारं अष्ट्रेलियाया लागि नेपाली राजदूत महेशराज दाहालयात लित सःतुगु दु ।

आइतवाः च्वंगु मन्त्रिपरिषदया बैठकं दाहालयात लित सःत्येगु निर्णय यागु खः ।

अष्ट्रेलियाया लागि नेपाली राजदूत दाहालं थःत लित सःतूगु सरकारया निर्णय मुख्य सचिव शंकरदास बैरागीपाखे जानकारी वंगु खः ।

न्याय परिषद सदस्य लक्ष्मीबहादुर निराला कोरोना भाइरस संक्रमणया कारण मन्त ।

वयकः थौं मंगलवाः येँया बलम्बुइ नेपाल एपीएफ अस्पतालय् मदुगु खः ।

कोरोना संक्रमणलिपा वैशाख १० गते अस्पताल भर्ना जुयादीम्ह उच्च रक्तचाप व चिनी ल्वया समस्या दुम्ह खः ।

मित्रपार्क च्वनादीम्ह निराला पूर्वमहान्यायाधिवक्ता तक जुयादीइ धुकुम्ह खः।

वयकःयात मन्त्रिपरिषदया सिफारिसं राष्ट्रपति विद्यादेवी भण्डारीं २०७६ सालय् न्यायपरिषद सदस्य नियुक्त यागु खः ।