वंगु २४ घण्टाया दुने थप ७४४८ म्हेसित कोरोना भाइरस संक्रमण पुष्टि जुगु दु ।

स्वास्थ्य तथा जनसंख्या मन्त्रालयया कथं १६ हजार ६५८ म्हेसिगु पीसीआर परीक्षणय् ७३८८ म्ह व ५१८ म्हेसित एन्टिजेन परीक्षणय् ६० म्ह याना ७४४८ म्हेसित संक्रमण पुष्टि जूगु दु ।

वंगु २४ घण्टाय् कोरोना भाइरस संक्रमणपाखे ३७ म्हेसिगु ज्याना वंगु दु । अथेहे वंगु २४ घण्टाय् संक्रमणमुक्त २०२१म्ह जुगु दु ।

नेपालय् आःतक कोरोना भाइरस संक्रमित जुपिनिगु ल्याः तीन लाख ४३ हजार ४१८ म्ह थ्यंगु दु। उकि मध्ये ५४ हजार ४१ म्ह सक्रिय संक्रमितपि दु ।

 वंगु २४ घण्टाया दुने स्वनिगः दुने ३ हजार ६६६ म्हेसित कोरोना संक्रमण पुष्टि जुग दु।

स्वास्थ्य मन्त्रालयया कथं थौं येँ जक २ हजार ९२२ म्हेसित कोरोना सक्रमित जुगु दु ।

अथेह, ख्वपय् २२२ म्ह व यलय् ५२२ म्हेसित कोरोना संक्रमित जूगु दु । देयन्यक थप ७ हजार ४४८ म्हेसित कोरोना भाइरस (कोभिड–१९)े संक्रमण पुष्टि जूगु दु ।

मन्त्रालयया कथं कोरोना संक्रमणं थप ३७ म्हेसिगु ज्यान वंगु दु। 

राष्ट्रपति विद्यादेवी भण्डारीं गण्डकी व सुदूरपश्चिम प्रदेशय् न्हुपि प्रदेश प्रमुख नियुक्त यानादीगु दु।

सोमवाः मन्त्रिपरिषद बैठकया सिफारिसं गण्डकी प्रदेशय् सीता पौडेल व सुदूरपश्चिम प्रदेशय् गंगाप्रसाद यादव प्रदेश प्रमुखय् नियुक्त जुगु दु।

गण्डकीइ अमिक शेरचन व सुदूरपश्चिमय् शर्मिला कुमारी पन्त प्रदेश प्रमुख जुयादीगु खः, उमित पदमुक्त यागु दु ।

थ्व  स्वया न्ह्यः एमाले व माओवादी केन्द्र दथुइ एकीकरण जुइवं प्रदेशप्रमुख नियुक्त जुपि निम्ह माओवादी केन्द्रय् आवद्ध दुपि खः।

माओवादी केन्द्रय् आवद्ध दुम्ह तिलक परियार प्रदेश २ य् प्रदेश प्रमुखपाखे पदमुक्त जुइ धुकुगु खः।

प्रधानमन्त्री केपी शर्मा ओलीं कोरोना भाइरस सङ्क्रमण नियन्त्रणया लागि सुरक्षाकर्मीपिन्त व्यापक परिचालन यायेगु धका धयादीगु दु ।

देशवासीया नामय् सम्बोधन यानादीसे प्रधानमन्त्री ओलीं चौबीसै घण्टा गल्ली व त्वाः त्वालय् सुरक्षाकर्मी खटे यायेगु धका धयादीगु दु।

‘जनस्वास्थ्य मापदण्ड पालना याकेत सुरक्षाकर्मीपिन्त थाय् थासय् परिचालन यासे चौबीसै घण्टा अनुगमन व निगरानी यायेगु जुइ धका धयदीगु खः ।

मापदण्डया उल्लङ्घन याइपिन्त कानुन कथं दण्डित यायेगु’, धका प्रम ओलीं धयादीगु दु ।

जनस्वास्थ्यया मापदण्ड पालनाया नेतृत्व गृह मन्त्रालय व जनचेतनाया नेतृत्व सूचना तथा सञ्चार प्रविधि मन्त्रालयं याइगु व परीक्षण, उपचार व मेमेगु विषय स्वास्थ्य तथा जनसङ्ख्या मन्त्रालयं व खोप आयातया नेतृत्व परराष्ट्र मन्त्रालयं यायेगु धका ओलीं जानकारी बियादीगु दु।