स्वनिगलय् २४६म्ह कोरोना सक्रमित थौं स्वनिगलय् २४६ म्हेसित कारोना सक्रमित जुगु दु।

थौं येँ जक २२० म्ह, यलय् २३ म्ह व ख्वपय् स्व म्हेसित कोरोना सक्रमित जुगु दु । अथेहे वःगु २४ घण्टाय् कोरोना भाइरस संक्रमणमुक्त जूपि ४०५ म्ह थ्यःगु दु ।

अथेहे वःगु २४ घण्टाया दुने कोरोना भाइरस संक्रमणया कारण खुम्ह मन्त धका स्वास्थ्य तथा जनसंख्या मन्त्रालयं धाःगु दु।

वःगु २४ घण्टाया दुने थप ४०३ म्हेसित कोरोना भाइरस संक्रमण जूगु दु ।

स्वास्थ्य तथा जनसंख्या मन्त्रालयया कथं ५०३२ म्हेसित याःगु परीक्षणय् २४२ म्ह मिजंपि व १६१ म्ह मिसापि याना ४०३ म्ह संक्रमण पुष्टि जूगु दु धका मन्त्रालय धाःगु दु।

आतक देयन्यक सक्रिय संक्रमितपि ४४२६ म्ह दु । उकि मध्ये ११२४ म्ह संस्थागत आइसोलेसनय् व १५२ म्ह आईसीयू नाप ३३ म्ह भेन्टिलेटरय् उपचार याना वयाच्वंगु दु ।

थौं नेपाःया लुँ बजारय् भाः क्वहावःगु दु । लुँ तोलां थौं च्यासः क्वहावःगु दु ।

नेपाल सुनचाँदी व्यवसायी महासंघया कथं म्हिगः बुधवाः तोला ९२ हजार ९ सय रुपैयाँ जुगु छापावाल लुँ थौं  ९२ हजार १ सय जुगु दु।

अथेहे तेजाबी लुँ ९१ हजार ६ सय कायम जूगु दु। अथेहे लुँ क्वहा वयेवं वहः तोलाय् न झीन्यात क्वहा वःगु दु ।

थौं वहः तोलां झींन्यातक क्वहा वया तोलां १२४५ तका कायम जुगु दु धका महासंघ धाःगु दु।

साहित्यकार नाप संचाःकःमि जितेन्द्र रसिकया ११ गु कृति कथं बालचित्र कथा ‘बेलबहादुरसँग बिहे’ बुधवाः छगु ज्याझ्वः दथुइ सार्वजनिक याःगु दु ।

कोभिड जोखिमयात मध्येनजर यासे एडुकेशनल पब्लिशिंग हाउसया रमण राउट, शितल सुकुभटु व च्वमि जितेन्द्र रसिकपिन्स मंकाः कथं लोकार्पण यानादीगु खः।

उगु बाखं नेवाः परम्पराया आधारिक इहिया संस्कृतिया प्रतिक दयेका इहि परम्पराय् नेवाः समुदायया मस्त य्गु जिज्ञासा समाधान यायेगु कुतः खः। बेलबहादुरनाप ब्याहा बाखं छम्ह मिसा प्रति समाजं स्वयेगु दृष्टिकोण व इहि परम्परा दुने सामाजिक क्रान्तिया सन्दर्भ बालमनोविज्ञानया आधारित च्वना न्हिइपूक न्ह्यब्वया तःगु दु। बाखं कृति मावि तह तकया मस्त तयेगु लागि उपयोगी जुइ धका एडुकेशनल पब्लिशिंग हाउसया रमण राउटं लहनान्युजयात धयादीगु दु।

अथेहे एडुकेशनल पब्लिशिंग हाउसया लेआउट डिजाइनर शितल सुकुभुटु न ‘बेलबहादुरसँग बिहे’ थुगु सफू मचापिनिगु ल्हातय् लातकि त्वःत्यहे नुँगः स्याइ कथया सफू खः धका धयादीु खः। रङ्गीन चित्र दुथ्याःगु थुगु सफुतिइ ३६ पेज दुथ्याका तःगु दु।