सोमवाः सेयर कारोबार मापक नेप्से परिसूचक दोहोरो अंकं घटे जुगु दु ।

आइतवाः ५४ अंकं बढे जुगु नेप्से परिसूचक सोमवाः १२ दशमलव ३६ अंक घटेर जुया २ हजार ६ सय ५२ अंकय् झरे जुगु दु

कारोबार रकम धासा सुधार जुगु खनेदु ।

छगु करोड ५९ लाख ८ हजार ४९९ कित्ता सेयर किनबेच जुुया कारोबार रकम ७ अर्ब ५२ करोड ९२ लाख ९० हजार १४६ रुपैयाँ सेयर कारोबार जुगु दु ।

वरिष्ठ वातावरणविद् सुर्यमान शाक्य मन्त। वयकः ६८ दँया बैशय् थौं सुथय् १०ः४५ बजे यलया मेडिसिटि अस्पतालय् क्यान्सरं ल्वचं मदुगु खः।

नेपालय् इन्जिनियर शाक्य वातावरणीय सुरक्षा काउन्सिलया दुज छयाञ्जे जुयादिइसा काठमाण्डौं विश्व विद्यालयनापं नं आबद्ध जुयादिइम्ह खः।

वयकः ताः ईनिसे उपचार याना च्वनादीम्ह खः।

कोरोना संक्रमित पूर्वभूमिसुधार सहायकमन्त्री प्रकाश चित्रकार उपचारया झ्वलय् मन्त ।

चित्रकारया भैरहवा च्वंगु युनिभर्सल मेडिकल कलेज शिक्षण अस्पतालय् सोमवाः सुथय् मदुगु खः ।

सिद्धार्थनगर नगरपालिका–७ या स्थायी बासिन्दा चित्रकार ज्ञानेन्द्र शाहया शासनकालय् भूमिसुधार सहायकमन्त्री जुयादीम्ह खः ।

अस्पतालया सूचना अधिकृत सुशील गुरुङया कथं वयकः शनिवाः अस्पतालय् भर्ना जुयादीगु खः। निमोनिया व सासः ल्ह्यायेगु समस्या जुगु खः ।

प्रधानमन्त्री केपी शर्मा ओलीं देशबासीपिनिगु नामय् सम्बोधन यायेत्यंगु दु।

थौं न्हिनसिया ३ः३० बजे कोभिड–१९ महामारी व समसामयिक विषययात कया सम्बोधन यायेत्यंगु दु धका वयकःया प्रेस सल्लाहकार सूर्य थापां जानकारी बिगु दु ।